Microsoft Word etno kitab son srift 12

ETNOPSİXOLOGİYA 
275 
Afrika və Avropadan sonra ən böyük dördüncü qitəsidir. Təxminən 
24.247.039 km² sahəsi ilə dünya torpaqlarının 16,5%-ni əhatə edir. 
500 milyondan çox əhalisi vardır. 
Amerika xalqinin bayramları. Bir çox xalqlarda olduğu kimi 
amerikalıların da milli bayramlarına Pasxa, Milad və Yeni 
il daxildir. Amerikalıların bir sıra özünəməxsus bayramları da var. 
Əmək bayramı (Labor Day) əmək bayramı olaraq tanınan bu 
xüsusi gün hər ilin iyul ayının ilk bazar ertəsi günü qeyd edilir. Bu 
gündə iş yerləri və məktəblər tətil edirlər. Kolumb günü (Columbus 
Day) Xristofor Kolumbun yeni qitə Amerikaya ayaq basmasının il 
dönümü olaraq hər il 1492-ci il 12 oktyabr ayının ikinci bazar ertəsi 
günü qeyd olunur. 
Halloven (Halloween) cadugərlər bayramı olaraq hər il 31 
oktyabrda böyük şənliklərlə qeyd olunur. Bu gün hər evdə gözləri 
və ağzı kəsilmiş, içi oyulmuş boş balqabaq olmalıdır. Bayramın ən 
məşhur adətlərindən biri budur ki, uşaqlar karnaval paltarlarını 
geyinib, qapı-qapı gəzib şirniyyat istəyirlər. Əgər evin sahibi xəsis 
olarsa, uşaqlar intiqam ala bilərlər.
Veteranlar günündə (Veterans Day) Birinci dünya müha-
ribəsində vuruşanların xatirəsi yad edilir. Hər il 11 noyabr tarixində 
bu müharibədə olan veteranlar xüsusi olaraq təbrik edilir.
Minnətdarlıq günü (Thanksgiving) Minnətdarlıq günü olaraq 
bilinən bu xüsusi gün 1621-ci ildən qeyd olunur. Həmin dövrdə 
gerçəkləşən qorxunc bir qıtlıq və ölümlərdən sonra yenidən 
qayıdan bərəkətə minnətdarlıq etmek fikrindən yaranmış 
bir bayramdır. Hər il noyabr ayının dördüncü çərşənbəsində qeyd 
olunur. Bu günün ən böyük xüsusiyyəti ailə üzvlərinin bir araya 
gəlməsidir. Ailə böyüyü evində hinduşka bişirir, bütün ailə süfrəyə 
toplaşıb Amerikan futbolunu izləyirlər. Bu gün əsasən süfrədə 
hinduşka, kartof və balqabaq bişirirlər. Bütün ailə süfrənin 
arxasında toplaşaraq əldə etdiyi məhsula görə tanrıya dua və şükür 
edir. Amerikada dostlarla görüşmək üçün o qədər səbəb var ki 
manqal, qril qonaqlıqları tez-tez təşkil olunur. Bağda qonaqların 
qəbulu da çox populyardır. Qrildə ətdən və tərəvəzlərdən tutmuş 

---