Microsoft Word islom ensik ziyouz com doc

 
MIR KULOL Buxoriy (taxm. 1288, Buxoro yaqinida (hoz. Kogon tumani)gi Suxor 
qishlog‘i – 1371) - xojagon-naqshbandiya silsilasining yirik namoyandasi, buxorolik yetti 
pirning oltinchisi. Xoja Muhammad Boboyi Samosiydan tahsil olgan. Kulolchilik bilan 
shug‘ullanganligi sababli Mir Kulol nomi bilan mashhur. "Silsilai Sharif"da 15-halqaning 
piri sifatida kelgan. Uning 114 xalifasi bo‘lib, Bahouddin Naqshband, Shamsuddin Kulol 
(Amir Temurning piri), Orif Deggaroniy eng mashhurlari sanalgan. Uning hayoti haqida 
"Maqomati Mir Kulol" kitobi yaratilgan. Tug‘ilgan qishlog‘ida dafn etilgan Qabri ustida 
maqbara o‘rnatilgan.
 
MIR SAID BAHROM MAQBARASI -Karmanadaga me’moriy yodgorlik (10-11-a.lar) Bir 
xonali murabba tarxli (4,5 x 4,5 m), gumbaz tomli. Somoniylar davri me’morligiga xos 
uslubda pishiq g‘isht (21 x 21 - 3 sm)da bezakli qilib terilgan. Peshtoqi 3 qismdan iborat, 
hoshiyali. Sharafasi va ikki yon tomoni mayda g‘ishtlardan terilgan. Ravoq hoshiyasida 
kufiy yozuvida Qur’ondan oyatlar bitilgan Tabadoniga yoy shakldagi o‘yma panjara 
ishlangan. Ustungo‘shasiga g‘ishtlar juft-juft qilib "qo‘sh" uslubida terilgan. Yon va orqa 
devorlari bezaksiz. Ichki gumbaz osti bag‘ali sakkiz qirrali ravoq (5 g‘ishtin ustun)ga 
tayangan. Peshtoqi pishiq g‘isht (26,5 x 26,5 5 sm)dan qayta terilgan. Maqbara bir 
necha bor ta’mir etilib (1960-70 ylar), dastlabki ko‘rinishini yo‘qotgan. Maqbara 
me’moriy qismlarining o‘zaro aniq nisbati naqshlarining ixchamligi bilan ajralib turadi
 
MIHNA - "sinov". 833 y.dan boshlab abbosiy xalifalari Ma’mun, Mu’tasim va Vosiq 
davrida mavjud hokimiyatga nisbatan xolis yoki noxolis ekanliklarini bilish maqsadida 
ilohiyotchilar M.ga duchor qilinganlar Qur’onni o‘z vaqtida yaratilganini (hudus al-Qur’on) 
e’tirof etganlar xolis deb hisoblanganlar, buning aksini aytganlar esa, qatag‘on 
qurbonlariga aylangan. M. avvalambor Bag‘dodda o‘tkazilgan, uning qurbonlaridan biri 
Ahmad ibn Hanbal bo‘lgan. Xalifa al-Mutavakkil 849 y. Qur’onning kelib chiqishi haqidagi 
har qavday munozarani man etishi bilan M.ga chek qo‘yilgan. 

---

Islom Ensiklopediyasi