Microsoft Word Materiallar Full

 ƏSAS QANUNVERİCİLİK AKTLARI VƏ ONLARIN HÜQUQİ QÜVVƏSİ 

Azərbaycan öz müstəqilliyini  əldə etdikdən sonra informasiya texnologiyalarının inkişafına diqqət artırıldı.Nəticədə 

bütün dünyada yenicə  təşəkkül tapmağa başlamış layihə, elektron dövlət layihəsinə keçmək üçün zəmin yarandı. 

Respublikamızda elektron dövlətin inkişafı üçün atılan ilk addım ümumilli lider Heydər  Əliyev tərəfindən 2003-cü ildə 

qəbul olunan “Azərbaycan Respublikasının inkişafı naminə İKT üzrə Milli Strategiyası (2003-2012-ci illər)” oldu.  Daha 

sonralar prezident İlham Əliyev tərəfindən uğurla davam etdirilən siyasətin nəticəsində Respublikamızda elektron dövlətin 

formalaşmasında xeyli uğurlar əldə olundu.   

Respublikamızda elektron dövlətin inkişafı üçün qəbul edilmiş qanunvericilik aktlarının ən əsasları aşağıdakılardır: 

«Azərbaycan Respublikasının inkişafı naminə informasiya və kommunikasiya texnologiyaları üzrə Milli Strategiyanın 

(2003—2012-ci illər)» təsdiq edilməsi haqqında Azərbaycan Respublikası Prezidentinin Sərəncamı Respublikamızda 

elektron dövlətin formalaşmasının  əsasını qurmuşdur.Ümummilli liderimiz Heydər  Əliyev tərəfindən imzalanmış bu 

strategiya respublikamızda elektron dövlətə keçid üçün xüsusi əhmiyyət kəsb etmişdir. Qanunun bir hissəsi də bilavasitə 

Respublikamızda elektron hökumətin formalaşdırılmasının strategiyasından ibarətdir  . 

 

Azərbaycan Respublikasında rabitə  və informasiya texnologiyalarının inkişafı üzrə 2005-2008 və 2010-2012-ci illər 

üçün Dövlət Proqramılarının (Elektron Azərbaycan) elektron dövlətin inkişafında müstəsna rolu olmuşdur. Belə ki 

proqramda  Azərbaycanda elektron dövlətin inkişafı üçün zəruri baza , fəaliyyət istiqamətləri, vəzifələrin aidiyyəti qurumlar 

arasında bölüşdürülməsi və s problemlərə toxunulmuş və gələcək inkişaf perspektivləri müzakirə olunmuşdur  . 

Respublikamızda Elektron dövlətin inkişafı üçün ən mühüm fərmanlardan biri də” Dövlət orqanlarının elektron 

xidmətlər göstərməsinin təşkili sahəsində bəzi tədbirlər haqqında” Azərbaycan Respublikası Prezidentinin 2011-ci il 23 may 

tarixli Fərmanıdır. Burada da, ölkə prezidenti bəzi dövlət orqanlarının xüsusilə Rabitə  və  İnformasiya Texnologiyaları 

Nazirliyinin qarşısına konkret məqsəd qoyur və həll prossesinin yollarını göstərir, həmçinin Nazirlər Kabinetinə bu barədə 

görülən işlər barədə hər üç aydan bir hesabat verməsi tapşırılır .