Microsoft Word navoiy saddi iskandariy nazm lotin ziyouz com doc

www.ziyouz.com
kutubxonasi 
250
Angadur jahon ahlidin fardlig‘ 
Ki, oyini bo‘lg‘ay juvonmardlig‘. 
Ani bil juvonmard yoxud karim 
Ki, bedodidin bo‘lmag‘ay elga bim. 
Demasmenki, bedod kom etmagay 
Ki, bedodg‘a intiqom etmagay. 
Gunahkor bo‘lg‘och anga uzrjo‘y, 
Karam bahridin bo‘lg‘ay ul jurmsho‘y. 
Quyi qilsa mujrim boshini uyot, 
Quyiroq ani solmag‘ay tig‘i bot. 
Gunah loyida kimsa bo‘lsa asir, 
Toyilg‘och oyog‘ bo‘lg‘ay ul dastgir. 
Muqassir shafe’ etsa taqsirini, 
Talattuf bila qilsa tadbirini, 
Va gar hurmat ahlini qilsa shafe’, 
Shafoatgar amrig‘a bo‘lsa mute’, 
Agar afvning bo‘lsa gunjoyishi, 
Gunoh ahlig‘a yetsa baxshoyishi, 
Ulus uzra, ey bandakim, shohsen, 
Necha so‘z eshitgil gar ogohsen: 
Guruheki ul soyiri nosdur, 
Sening hukmunga ishlari posdur. 
Erursen senu ul guruh – insdin, 
Bori ofarinishda bir jinsdin. 
Kamol ichra sendin ko‘pi arjumand, 
Yana qobiliyatda dog‘i baland. 
Senikim Haq aylab borig‘a amir, 
Alarni sanga qildi farmonpazir. 
Qayu birga bersa edi bu kushod, 
Ne qilg‘ay eding qilmayin inqiyodg‘ 
Bukim Haq seni imtiyoz ayladi, 
Bori xalqqa sarfaroz ayladi. 

---

Alisher Navoiy. Saddi Iskandariy 
www.ziyouz.com
kutubxonasi 
251
Gunahdin tilar chog‘da Haqdin amon, 
O‘zungni alarning biri qil gumon. 
Nekim o‘z qoshingda erur noravo, 
Ulusqa ani ko‘rma aslo ravo. 
Chekar chog‘da mujrim itobig‘a til, 
Haq ollida jurmungni yod aylagil. 
Yomong‘a jazo gar siyosatdurur, 
Muruvvat – tariqi rayosatdurur. 
Ani qatl aylardakim joni bor, 
Hayal ayla, onchaki imkoni bor. 
Necha qatlg‘a kimsa shoistadur, 
Qasosida ta’xir boistadur. 
Etar bo‘lsa filhol o‘lumdin gazand, 
Abas bo‘ldi, bas hibsu zindonu band. 
Bugun kimsa zindonda bo‘lsa ne bok, 
Bo‘lur chun ani tongla qilmoq halok. 
Taammulsiz o‘lsa bugun begunoh, 
Sanga holini tongla bilganda, oh! 
O‘zungni gar o‘ltursang ul dam ne sud, 
Boshing kessang ilging bilan ham ne sudg‘ 
Nedin solg‘asen kimsaga bir maraz 
Ki, topmas davo bo‘lsa joning evazg‘ 
Ne qilmoqdurur bir imoratni past 
Ki, mumkin emas butmak, o‘lg‘och shikast. 
Ani ko‘rkim, ul zori mazlum ano, 
Necha ko‘rdi hifzida ranju ano
1
. 
Ul uyg‘onmasun deb, yebon qayg‘usin, 
Harom ayladi kechalar uyqusin. 
O‘tuz-qirq yil davra aylab sipehr, 
Anga ko‘rguzub tarbiyat ichra mehr. 
Tushub ul dog‘i charx davronig‘a, 
Kirib qarndin so‘ng kishi sonig‘a. 

---

Alisher Navoiy. Saddi Iskandariy