Microsoft Word Sosial Psixologiya docx

11.  Etmə  -  pozma  (Undoing)  –  Günüahkarlıq  hissinə  qarşı  istifadə  olunur.  Xoş
olmayan hiss və düşünxələrimizdən qurtulmağı ya da bunların ortalığa çıxara  biləcəyi
mənfi  halları  düzəltmək  üçün  istifadə  olunan  sehrili  və  ya  törə  xarakterli  davranışlar.
Məsələn: Yanımızda pis şey danışılana qulağımızı çəkib sonra əlimizi taxtaya vurmaq.

---

Dr.Musa’s Library
Facebook/Psixologiya Kitabları
46
7. Şəxsiyyətin sosial – psixoloji nəzəriyyələri
Məlum  olduğu  kimi,  şəxsiyyət  və  onun  psixologiyası  dərin  köklərə  malikdir.
Şəxsiyyət  psixologiyası  sahəsində  nəzəri  tədqiqatlar  öz  əsaslarını  qədim  dünyanın
mütəfəkkirlərinin işlərindən almışdır.
Lakin  şəxsiyyət  psixologiyası  bir  eksperimental  elm  kimi  XX  əsrin  birinci
onilliyindən  meydana  gəlmiş  və  bu  sahədə  geniş  əhatəli  tədqiqatlar  aparılmışdır.
Şəxsiyyətin eksperimental tədqiqinin əsası A.F.Lazurski, Q.Ollport, R.Kettel tərəfindən
qoyulmuşdur.
Şəxsiyyət  haqqında  aparılmış  çoxsaylı  tədqiqatlar  bu  sahədə  müxtəlif  baxış  və
nəzəriyyələrin meydana gəlməsinə səbəb olmuşdur. Həmin nəzəriyyələri qruplaşdırmış
olsaq təxminən aşağıdakı əsas nəzəriyyələri qeyd edə bilərik:
1.  klassik nəzəriyyə,
2.  klinik nəzəriyyə,
3.  eksperimental nəzəriyyə,
4.  koqnitiv nəzəriyyə,
5.  bihevioristik nəzəriyyə,
6.  humanistik nəzəriyyə.
Həmin nəzəriyyələr və onların qısa xarakteristikası ilə tanış olaq (şəkil 7).