M.İSMİxanov, H. Bayramov, S. VƏLİyeva

 
Sual və tapşırıqlar 
1. Tərbiyənin hərəkətverici qüvvələrini nə təşkil edir? «Saqqallı uşaq»lar necə yaranır? 
2. Tərbiyənin səmərəsi üçün hansı xüsusiyyətləri nəzərə almaq lazımdır? 
3. Tərbiyədə hansı qanunauyğunluqlar özünü göstərir? 
4. Tərbiyə prinsipləri nədir? Onlar hansı məntiqi əsasa görə təsnif olunur? 
5. Tərbiyə prinsipləri hansılardır? Onları səciyyələndirin. 
6. Tərbiyə metodlarının psixoloji əsasları hansılardır? Bu əsaslarla tərbiyə 
metodlarının qrupları arasındakı əlaqəni izah edin. 
7. Hər bir metodlar qrupuna daxil olan metodları səciyyələndirin. 
8. Tərbiyə metodlarının əlaqəli tətbiqini əsaslandırın. 
9. Nə üçün eyni bir metod müxtəlif insanlara münasibətdə eyni nəticəni 
vermir? 
10. Tərbiyədə fərdi təsir texnologiyasını səciyyələndirin. Bir tələbəyə fərdi 
təsir göstərməklə onun nəticəsini təhlil edin. 

---

184 
IX fəsil 
Ali məktəbdə tərbiyənin məqsədi, məzmunu,
yolları və vasitələri 
 
Plan: 
1. Ali məktəbdə tərbiyənin məqsədi və məzmunu 
2. Tələbə gənclərin dünyagörüşünün formalaşması, əqli, ideya-mənəvi və 
əmək tərbiyəsi 
3. Tələbələrin estetik, fiziki, ekoloji, hüquq və iqtisadi tərbiyəsi 
4. Tələbə kollektivinin şəxsiyyətə təsiri 
5. Pedaqoji ünsiyyət və tələbə şəxsiyyətinin inkişafında onun rolu 
1. Ali məktəbdə tərbiyənin məqsədi və məzmunu 
Tərbiyənin məqsədi nədir? Biz necə insan yetişdirmək 
istəyirik? O, hansı keyfiyyətlərə malik olmalıdır? 
Tərbiyənin məqsədi dedikdə, pedaqoji fəaliyyətin son 
nəticəsi, yəni insan şəxsiyyətinin layihəsi başa düşülür.
Ali məktəbdə tərbiyənin başlıca məqsədi ahəngdar inki-
şaf etmiş şəxsiyyət – Vətəndaş yetişdirməkdir. Belə şəxsiyyət 
birtərəfli yox, bir çox cəhətdən (zehni, fiziki, mənəvi və s. 
cəhətdən) inkişaf etməlidir. Ahəngdar inkişaf etmiş şəxsiyyətin 
keyfiyyətləri çoxdur. Hər bir keyfiyyətin formalaşmasında tər-
biyənin ayrı-ayrı tərkib hissələri aparıcı (dominant) rol oynayır. 
Bunu cədvəl şəklində nəzərdən keçirək.