Mövzu-10. Texnogen yanğınlar şəraitində həyat fəaliyyətinin təhlükəsizliyi

Yanğın vaxtı təhlükəsiz davranış qaydaları. Onlar aşa­ğıdakılardır:

1. Soyuqqanlı olmaq, vəziyyəti tez bir zamanda qiymət­ləndirmə qabiliyyətini saxla­maq və düzgün qərar qəbul etmək. Özündə və ətrafdakı insanlarda özünü itirmə və çax­naşma hallarına üstün gəlmək (özünə tabe etmək).

2. Yanğın zamanı binanı dərhal tərk etmək, bunun üçün əsas və ehtiyat çıxışlarından, daxili və xarici pilləkənlərdən, əl­altı vasitələrdən (aşağı mərtəbələr üçün bir-birinə bağlan­mış mələfələrdən, pərdələrdən və s.) istifadə etmək. Liftdən istifadə etmək tövsiyə olunmur (belə ki, istənilən hər bir kəs yanğını söndürməyə başlamazdan əvvəl yanan otağın elektrik qida­lan­masını söndürməlidir və söndürəcək). Bunlarla bərabər, müasir liftlər yanğın siqnali­zasiyası ilə təchiz olunur. Belə ki, liftlərə yan­ğın siqnalı ötürüldükdə, onlar avtomatik olaraq birinci mərtə­bəyə enir və heç bir çağırışa cavab vermir.

3. Yanğın söndürənləri çağırmaq (bu zaman dəqiq ünvanı, öz soyadını demək), gələn yanğınsöndürən komandanı qarşı­lamağı təşkil etmək, ətrafdakılara yanğın barədə xəbər vermək.

4. Əgər yanğın ocağı çox da böyük deyilsə, yanğın ko­mandası gələnədək onu əlaltı va­sitələrlə söndürməyə cəhd gös­tərmək.

5. Yanan otaqlardan keçib gedərkən başınızı yaş material ilə (odeyal və s.) örtmək, tüstü bürümüş otaqları isə sürünərək və ya aşağı əyilərək keçmək – bu zaman tüstüdə boğulma eh­timalı daha az olur.

6. Yanma məhsullarından mühafizə olunmaq üçün fərdi mühafizə vasitələrindən, o cüm­lədən əlaltı vasitələrdən istifadə etmək. Dəm qazı suda həll olunmur, buna görə də yaş parça ilə mühafizə olunma kömək etmir.

7. Tüstülü pilləkən qəfəsi ilə yanan binadan çıxarkən, di­var boyu hərəkət etmək lazımdır.

8. Tüstülənən və ya yanan otağa daxil olmamışdan əvvəl divarın və ya arakəsmənin mühafizəsi altında yanda dayanmaq və qapını ehtiyatla açmaq.

9. Əgər elektrik naqilləri yanarsa, onu elektrik mənbəyin­dən ayırmaq.

10. Zədələnmiş uşaqları gizli yerlərdə (şkafda, çarpayı altında və s.) axtarmaq və onları çağırmaq.

11. Nəm parçanı ağız-buruna tutmaqla nəfəs almaq. Tə­nəffüs orqanlarını tüstüdən mü­da­fiə etmək. Tüstü ilə doymuş havanı bir neçə dəfə udmaqla huşu itirmək olar.

12. Balkona çıxıb, onun qapısını örtmək və köməyə ça­ğır­maq.

13. Alovdan və istilik şüalanmasından qorunmaq üçün nəm sıx materialdan istifadə etmək.

14. Giriş qapısını açarla bağlamamaq.

15.Liftdən istifadə etməmək.