-Nəticəyönümlü kurikulumlar həyati əhəmiyyətə malik olan bacarıq və vərdişləri əks etdirir. Nəticəyönümlü kurikulumların qarşısında duran əsas məqsəd insanı gələcək fəaliyyət üçün zəruri olan bilik və bacarıqlarla silahlandırmaqdır. Əqli əmək fəaliyyəti ilə bağlı qabiliyyətlərin formalaşdırılması ön plana çəkilir. Buna görə də nəticəyönümlü kurikulumlara şəxsiyyətyönümlü kurikulumlar da deyilir. Nəticəyönümlü kurikulumlar daha çox funksional əhəmiyətə malikdir. Kurikulumlar dinamik xarakterə malik olan əqli fəaliyyət növlərini, bacarıq və vərdişləri əks etdirir. Kurikulumda əhatə olunan minimum biliklər ümumi təlim məqsədlərinə çatmaq üçün əsas vasitə rolunu oynayır. Nəticəyönümlü kurikulumlardan təhsilin icbari mərhələrində istifadə olunur.
Kurikulumlarda təhsil alanların hazırlığına verilən minimum tələblər təsbit edilir və dövlət tərəfindən təsdiqlənərək hüquqi status alır. Nəticəyönümlü kurikulumlar inteqrativ məzmuna malik olur. Buna görə kurikulumların məzmunu elə layihələşdirilməlidir ki, o, şəxsiyyətin formalaşmasıni təmin edə bilsin.
