3. Layihələrin idarə edilməsində tərəfdaşlıq əlaqələrin qruplaşdırılması. İrm üzrə işin səmərəli təşkili üçün təşkilatda hər bir konkret iş yeri üçün vəzifələri və iş şərtlərini dəqiq müəyyən etmək vacibdir. Bu zaman nəzərə almaq lazımdır ki, bir dəfə müəyyən edilmiş iş şərtləri bir sıra səbəblər üzündən sistematik olaraq yenidən baxılmalıdır.
İş şəraitinə yenidən baxma səbəbləri aşağıdakılardır:
əvvəlki əməkdaşın işdən azad edilməsi yaxud başqa işə keçirilməsi.
Qeyd etmək lazımdır ki, hec də həmişə vakansiya açılması yaxud yeni iş yerinin yaradılması real olaraq tələb edilmir. Yüksək iş intensivliyi şəraitində 20÷30 % hüdudlarında artıq yüklənməni normal iş şəraiti hesab etmək olar.
Əgər artıq iş, iş vaxtının 30%-dən çox olarsa ya əməyin təşkilinə ya da heyətin peşəkarlığının vəziyyətinə yenidən baxmaq zərurəti yaranır.
Əməyin təşkili iki üsulla- ya əlavə iş yeri yaratmaqla ya da bölmənin yaxud onun hər hansı bir hissəsinin iş texnologiyasını dəyişməklə dəyişdirilə bilər.
İş yerinə yenidən baxma səbəbindən asılı olmayaraq bölmənin quruluşunda hər bir iş yerinin mövqeyini, həmin iş yerində yerinə yetirilən işlərin səviyyəsini və həcmini, peşəkarlıq tələb edən xüsusi fəaliyyət növlərinin olmasını, iş üzrə həmkarlarla qarşılıqlı münasibətləri dəqiq müəyyən etmək lazımdır. Bu prosesi işin təhliindən başlamaq lazımdır ( şəkil 7.1)
Şəkil . İşin təhlilinin məzmunu Belə informasiyanın toplanması və işlənməsi nəticəsində firmanın hər bir işçi üçün funksional öhdəlikləri və işçilərə peşəkarlıq tələblərini müəyyən etmək imkanı yaranır.
Işlərin təhlili nəticəsində alınmış informasiya, insan resursları menecmentinin praktiki olaraq bütün istiqamətlərində olduqca zəruridir. Faktiki olaraq, bu informasiya təşkilatda heyət menecmentinin istənilən aspektinin təşkili üçün çıxış nöqtəsidir.
