Mövzular üzrə saatların bölgüsü

Turizm sahəsində araşdırmanın predmeti aşağıdakılar ola bilər: turizm biznesinin mehmanxana kompleksləri və nəqliyyat xidmətləri ilə qarşılıqlı əlaqə faktları; ölkədə və dünyada iqtisadi inkişaf nümunələri, mütəxəssislərin sosial-mədəni təcrübəsindəki meyllər. Turizmdə təhsil müəssisələrində biliyə malik olmanın qanunauyğunluqları, turizm müəssisələrində bacarıq və təcrübəyə malik olmalar, xidmətlərdən istifadə edənlərin turist fəaliyyəti prosesində psixikaların dəyişilməsi və fəal yaradıcı düşüncə tərzinin formalaşması qanunauyğunluqları öyrənilir.
Tədqiqatın əhəmiyyətli bir mərhələsi də məlumda naməlumluğun ölçü dərəcəsini, turizm nəzəriyyəsi üçün aktuallığı müəyyən etməkdir.Tədqiqat probleminin dərəcəsi və xarakterini, yəni, nəzəri mənbələr barədə əhəmiyyətli məlumatın axtarılması da vacibdir.Turizmlə əlaqəli elmlər haqqında araşdırma aparmaq lazımdır. Nəzəri qaynaqlar, eləcə də turizmə aid olan elmlər haqqında mənalı məlumatların axtarışı. Tədqiqat, problemin vəziyyətini nəzəriyyə baxımından deyil, praktikada da öyrənməkdən ibarət olmalıdır.
Tədqiqatın növləri. Empirik tədqiqat etibarlı faktlara əsaslanır, toplanması və təhlili müşahidə və turizm fəaliyyətlərinin öyrənilməsinə əsaslanan müəyyən üsullarla həyata keçirilir. Empirik tədqiqatlar lazımi faktları toplamaq üçün süni, eksperimental vəziyyət yaradır. Bu faktlar turizm fəaliyyətində baş verən turizmin real hadisələridir. Bunlar təhlil edilir və mövcud hadisələr haqqında nəticələr verilir.
Empirik tədqiqat təsviri və izahlı ola bilər. Təsviri tədqiqat turizm sahəsində az araşdırılan obyektlər və ya hadisələr haqqında faktları əks etdirir.
İzahedici empirik tədqiqat, faktların toplanması və təhlilini, bilinməyən bir hadisənin və ya tipik olmayan nəticənin artıq bilinən faktlar baxımından açıqlandığı faktlar arasındakı səbəblərin və səbəb-təsir əlaqələrinin izahını özündə əks etdirir.
Təsviri-analitik tədqiqat tənqidi xarakter daşıyar və təsviri-analitik tədqiqat adlanır. Bu halda, təsviri analitik ümumi və analitik hissədən başqa, problem üzərində artıq həyata keçirilmiş və nəticə çıxarılmış ətraflı və əsaslandırılmış tənqid də əks etdirilməlidir.
Təsviri tədqiqat, qoyulan problemin mümkün ola biləcək həllinə aid olan təsvir, eləcə də ideyalar barədə müəllifin özünün fikirlərindən də ibarət ola bilər. Bu cür mülahizələr teferatın ümumi mətnində və ya onun təsviri-analitik, təsviri-tənqidi və konstruktiv-nəzəri hissələr arasında keçid rolunu oynayan bölməsində də verilə bilər.
Alim ədəbiyyatın tənqidi təsviri və tənqidi analizi ilə yanaşı, qoyulan problemin həllinə yönəldilmiş, öz həllini tapmış problemin nəzəriyyəsinə, onun yeni baxışına, orijinal nöqteyi-nəzərinə də aid olan təklifləri özündə birləşdirən nəzəri tədqiqat apara bilər.
Nəzəri tədqiqatlara aşağıdakı tələblər tətbiq olunur: istifadə olunan anlayışların dəqiqliyi, məntiqliyi, əsaslandırmanın düzgünlüyü. Nəzəri biliklərin xüsusiyyətləri onun sistemli, ümumi və mücərrəd xarakterli olmasıdır. Bu biliklərin bir hissəsinin dəyişməsi bütöv sistemin dəyişikliyinə gətirib çıxarır. Mücərrədlikdən konkretliyə yüksəliş, analiz və sintez, struktur-sistem yanaşma, induktiv və deduktiv yanaşma, modelləşmə, tarixi-məntiqi metod nəzəri tədqiqat metodlarına aiddir.
Tədqiqat mövzusunun formalaşması, alimin fəaliyyətində bir mərhələdir: mövzu xüsusi bir elmi və ya praktiki ehtiyac nəzərə alınaraq müəyyənləşdirilir. Mövzu başlığı həll olunacaq problemin mahiyyətini qısaca əks etdirməlidir. Mövzunun formalaşmasında ikimənalıq və qeyri-müəyyənlik qəbuledilməzdir. Əks halda, bunun nəticələri tədqiqatın bütün mərhələlərinə, xüsusilə də işçi hipotezlərinin formalaşdırılmasına təsir edəcəkdir.