Mövzular üzrə saatların bölgüsü

Turizm elminin öyrənilməsi üçün mühüm tələblər bunlardır: yeni üsullarla yaradıcı olmaq, köhnənin müsbət xüsusiyyətlərini yeninin ehtiyaclarına uyğun olaraq dəyişdirmək.
Yenilikləri vaxtında görmək, onu dəstəkləmək bacarığı bir menecerin və ya işçinin vacib xüsusiyyətlərindən biridir. İnkişaf perspektivlərini görmək, gələcəyə baxmaq, ortaya çıxan problemləri həll etmək üçün ən doğru yol yeni vasitələrdən istifadə etməkdir. 
İctimai həyatda sürətli və dərin dəyişikliklər baş verəndə bu keyfiyyət çox vacibdir. 
Məlumatın inkişafı qanunu olaraq, mənfiliyin inkar edilməsi qanunu eyni zamanda qabaqcıl inkişafın ümumi zəncirindəki elmi məlumatın inkişafı, obyektiv gerçəkliyin bir əksolunması olan, mövcud nəzəriyyələr əsasında yığılan məlumata əsaslanan turizmin elmi nəzəriyyəsinin inkişaf etdirilməsinin qanunudur.
Turizmin müasir nəzəriyyəsi elmi biliklərin inkişafında yeni bir mərhələdir. Əvvəlki nəzəriyyədən fərqli olaraq o, özündə bir sıra əsaslı elementləri əks etdirir. Turizmin yeni elementləri tur operatorları, mehmanxana komplekslərini, aviaşirkətləri, sığorta şirkətləri, pasport və viza və gömrük strukturlarını, kredit təşkilatları və s. ilə əlaqələrdir. Yeni istiqamətlərə uyğun olaraq müştəri xidməti ilə bağlı fikirlər də dəyişdi. 
Turizm elmi də digər elmlər kimi bir xətt üzrə inkişaf etmir. Burada da müvəqqəti yayınmalar və əks hərəkətlər olur. Bunlardan biri də şişirtmədir, daim yeni bir şeyin mütləqləşdirilməsi. 
Bu turizmin elmi tədqiqatına olan tələblərin məntiqi mənasıdır. Bu əməl konkret nəzəriyyə və praktikanın dərin biliyini nəzərdə tutur.
Turist fəaliyyətinin tədqiqatına metodoloji yanaşmalar
1.1. Metodologiya turizm sahəsində tədqiqat metodları haqqında elm kimi
Metodologiya geniş mənada- fəaliyyətin strukturu, məntiqi təşkili,metod və vasitələri haqqında elmdir.
Elmdə metodologiya- bu, elmi dərketmənin qurulma prinsipləri, forma və üsulları haqqında elmdir.
Metodologiya nəzəri dərketmə və reallığın dəyişdirilməsi vasitəsi rolunda çıxış edir.
Metodologiya turizmdə tədqiqat metodları haqqında elm kimi baxışların cəmini,dərketmə nəticələrini və həyat praktikasının dərk edilmə prosesini təşkil edir. Bu isə öz növbəsində öyrənilən hadisələr və fəaliyyət sahəsindəki proseslər barədə konkret mülahizələr yaratmağa imkan verir. İnsan fəaliyyətinin bir növü, dünya iqtisadiyyatının uğurla inkişaf etdirilən bir sahəsi kimi, turizmin öyrənilməsində müxtəlif metodlardan istifadə edilir.
Turizm haqqında elmlə məşğul olan alimlər və mütəxəssislər öz tədqiqatlarında ümumi, xüsusi və müstəsna metodologiyaya əsaslanırlar.
Ümumi metodologiya, turizmin ümumi qanunları, özünəməxsusluğu və tərkibi komponentləri, habelə alimlər və mütəxəssislər tərəfindən araşdırılan hadisələrin yeri və rolu haqqında düzgün və dəqiq fikirləri müəyyən edir. Turizmin mahiyyətini anlamaq və dialektik yanaşma onun əsasını təşkil edir. Bu metodologiya bizi əhatə edən, daimi hərəkətdə və inkişafda olan, materiyadan ibarət olan maddiliyə əsaslanır.
Bizi əhatə edən dünya inkişafının (materiyanın) hərəkətverici qüvvələri dialektik qanunlara - ziddiyyətlərin birliyi və mübarizəsinə, kəmiyyət dəyişikliklərin keyfiyyətə keçidinə, inkarın inkarına tabedir.
Xüsusi metodologiya tədqiq olunan hadisələrin formalaşması, inkişafı və işlədilməsi ilə bağlı qanunları və qanunauyğunluqları formalaşdırmağa imkan verir. Bu metodologiya turizmdə konkret hadisələrin və proseslərin öyrənilməsində tədqiqatın yekun nəticələrini müəyyənləşdirmək üçün müvafiq metod və prinsiplər, metodikalar tətbiq etməyə imkan verir.