Mövzunun planı Marketinqin idarə edilməsinin mahiyyəti və məqsədi Marketinqin idarə edilməsi prosesi

Situasiyalı təhlil prosesində istehlakçıların, rəqiblərin, satış heyəti­nin və marketinqin ətraf mühitinin digər elementlərinin davranışının strateji və taktiki problemləri təhlil edilir və real bazar situasiyasında müəssisənin güclü və zəif cəhətləri aşkar edil­ir.

Planlaşdırma mərhələsi müəssisənin gələcək inkişafında marke­tinq amillərinin rolunun qiymətləndirilməsini nəzərdə tutur. Başqa sözlə desək, bu mərhələdə bazar münasibətlərinin hansı istiqamətdə inkişaf edəcəyi müəyyənləşdirilir.

Marketinqin idarə edilməsinin strateji marketinq mərhələsində müəs­sisənin bütün fəaliyyət sahələrinin, o cümlədən marke­tinq fəaliy­yətinin uzunmüddətli məqsədi müəyyən edilir və strategiyası hazırlanır. Bu zaman bazar seqmen­tinin seçilməsinə və onun tutumunun müəyyən edilməsinə xüsusi diqqət yetirilir, marketinq proqramlarının və vasitə­lərinin hazır­lanması məsələlə­rinə, müəssisənin rəqiblərlə və ticarət təşkilatları ilə iş üsullarına baxılır.

Marketinqin operativ planlaşdırılması və yaxud ope­ra­tiv marketinq mərhələsində qısamüddətli marketinq məsələləri çərçivəsində ayrı-ayrı məhsullar və ya məhsul çeşidi qrupları üzrə mar­ketinq tədbirləri və marke­tinq kompleksi hazırlanır, cari marketinq planları tərtib edilir.

Marketinqin strategiyasının və tədbirlərinin realizasiyası mərhələ­sində bilavasitə maarketinq prosesinin təşkili, idarə edilməsi və strategi­yanın həyata keçirilməsi baş verir, ona nəzarət edilir və marketinqin idarə

edil­məsinin effektliliyi qiymətləndirilir.

Müəssisənin fəaliyyətinə marketinq üzrə qəbul edilən idarəetmə qə­rarlarının təsiri­nin planlaşdı­rıl­ması və həyata keçirilməsi marketinq stra­tegi­yasının və marketinq siyasətinin hazır­lanması ilə daha da dəqiqləşdi­rilir və detallaşdırılır.

Marketinqin idarə edilməsi strategiyası və taktikasının hazırlanması va­si­təsi kimi marketinq kompleksindən və marketinqin idarə edilməsi sub­yektl­ə­ri­nin motivasiyası metodlarından istifadə edilir.

Marketinqin və menecmentin inteqrasiyası marketinqin sinergetik ef­fekti daxilində idarəetmə effekti yaradır. Başqa sözlə desək, bu zaman is­tehlakçıların eh­­tiyac və tələbatlarının ödənilməsi prosesində marketinq subyektlərinin yaratdığı, verdiyi effektlə yanaşı marketinq idarə edilməsi sisteminin yaradılması nəticəsində də əlavə effekt alınır. Belə ki, marke­tin­qin idarə edilməsi marke­tin­qin həyata keçirilməsilə əlaqədar olan təd­birlə­rin planlaşdırılmasının, onların əla­qələndirilmə­sinin və həyata keçi­ril­məsi­nin, habelə onların yerinə yetirilməsinə nəzarət edilməsinin səviyyəsini həl­ledici dərəcədə yüksəldir. Bunun nəticəsində isə marketinq fəaliyyəti qarşı­sında qoyulan məqsədə daha tez və operativ nail ol­maq mümkün olur. Bu isə şübhəsizdir ki, əlavə effekt əldə etməyə imkan verir.

3-cü sual. Marketinqin idarə edilməsi konsepsiyaları

Hər bir müəssisənin marketinqin idarəedilməsi üzrə strategiyalarını işləyib hazırlamaq və icra etmək üçün konsepsiyaları vardır. Bunlar marketinqə dair ədəbiyyatlarda marketinq menecmentin konsepsiyaları və yaxud istiqamətləri kimi kimi nəzərdən keçirilir. Bunlar aşağıdakılardır:

1.