I. Aerasiya zonası – burada suyun şaquli çatlar vasitəsilə infiltrasiyası (enən hərəkəti) baş verir.
II. Yeraltı suların səviyyəsinin mövsümi dəyişmə zonası. Burada dövri olaraq yeraltı suların hərəkət istiqamətinin (üfüqi və şaquli) növbələşməsi baş verir. Səviyyə yüksək olduqda bu zonada su üfüqi, aşağı olduqda isə şaquli hərəkət edir. Bu zonanın qalınlığı sabit deyil.
III. Tam doyma zonası. Bu zona karstlaşmış süxur massivlərini kəsən yerli hidroqrafik şəbəkənin drenləmə təsir dairəsində yerləşir və burada sular çay vadisi istiqamətində hərəkət edir, bu zonanın dabanı yaxınlığında sular təzyiqli xarakterə malik olaraq yuxarıya doğru hərəkət edir. Yeraltı suların əsas ehtiyatı bu zonada toplanır.
