IV. «Dərinlik» hərəkət və ya sirkulyasiya (dövr etmə) zonası. Burada suların hərəkəti yerli hidroqrafik şəbəkənin drenləmə təsir dairəsindən kənarda baş verir. Yeraltı sular çox zəif sürətlə boşalma zonasına(məs: tekto-nik depresiyalara) doğru hərəkət edirlər. Hərəkət sürəti ildə sm-lə ölçülür, su mübadiləsi və karstın inkişafı çox zəif gedir.
Mineral və termal sular
Yeraltı suların növləri içərisində mineral və termal sular xüsusi əһəmiyyət kəsb edir. Mineral sular dedikdə, tərkibində һəll olunmuş və ya sərbəst һalda təbii qazlar (SO2, N2, H2S, CH4 və Rn), üzvi maddələr və çoxlu miqdar mikroorqanizmlər olan, minerallaşma dərəcəsi 1-35 q/l arasında dəyişən və insan orqanizminə fizioloji təsir göstərən yeraltı sular başa düşülür. Temperaturu 20°C-dən yuxarı olan mineral sular, adətən termal sular adlanır. Bu sular fiziki xassə və kimyəvi tərkiblərinə görə müxtəlif olub, bir sıra xəstəliklərin müalicəsində əsas rol oynayır. Mineral suları qaz tərkibinə görə 5 qrupa ayırırlar (A.M.Ovçinnikov, V.V.İvanov, Q.A.Nevrayev, E.V.Posoxov, N.İ.Tolstixin, E.V.Pinniker, M.Ə.Qaşqay, Ə.H.Əsgərov və başqaları).
Dostları ilə paylaş: |
