|
Yeratı suların şəffaflığı və ya bulanıqlığı – onun tərkibində həll olmuş mineral maddə, mexaniki qarışıqların (qum, gil, lil və s.) və üzvi birləşmələrin miqdarından asılıdır; ölçü vahidi mq/l-dir. Şəffaflıq dərəcəsinə görə yeraltı sular 4 qrupa bölünür:
1. şəffaf, 2. zəif bulanıq, 3. bulanıq, 4. çox bulanıq sular. İçmək və məişət xidmətləri üçün yararlı sular üçün o 1,5 mq/l-dən artıq olmamalıdır.
Yeraltı suların tamı. Ümumiyyətlə, sularda 4 əsas tam ayırd edilir: duzlu, acı, şirin və turş. Yeraltı suların tamı onlarda həll olan qazların, mineral maddələrin və kənar qarışıqların tərkibindən asılıdır. Məsələn: suda həll olan NaCl ona duzlu tam, MgSO4 və Na2SO4-ün varlığı – acı tam, artıq miqdarda həll olmuş CO2 qazının olması suya turş tam verir. Tərkibində Ca və Mg-un hidrokarbonat birləşmələri və CO2 qazı olan sular xoşagələn sərinləşdirici tama malik olurlar. Üzvi birləşmələrlə zəngin olan sular şirin tama malik olur. Ümumiyyətlə, az minerallaşmaya malik yeraltı sular tamsız olurlar.
Dostları ilə paylaş: |
