İdeallaşmış obyektin formalaşdırılması üsulları: 1) Real obyektlərin bəzi xassələrini saxlayaraq digərlərini təcrid etmək.
Göy cisimləri mexanikasında Nyuton Günəşin və planetlərin bütün
xassələrini nəzərdən atır, onlara yalnız qravitasiya kütləsinə malik olan,
hərəkət edən maddi nöqtələr kimi baxır.
2) Bəzən tədqiq olunan obyektlərin bir-birinə qarşı bəzi münasibətlərini
təcrid edirlər (ideal qaz molekullar arasında qarşılıqlı təsirin təcrid
olunmasıdır).
3) Real obyektlərə onların malik olmadığı xassələr aid olunur.
4) İstənilən real obyekt ideal şəraitdə ideallaşmış obyektə çevrilir.
5) 1-4-cü bəndlərdə göstərilən üsullardan müxtəlif kombinasiyalarda
istifadə olunması.
İdeallaşdırmadan həm empirik, həm də nəzəri səviyyədə istifadə olunur.
Nəzəri tədqiqat metodlarının arasında həmçinin aşağıdakılardan da
istifadə olunur:
- fərziyyə;
- analiz;
- sintez;
- fikrən eksperiment və onun inkişafı – riyazi eksperiment və digər
metodlar;
- nəticələrin fəlsəfi dərk olunması.
