Mühazirə Əməliyyat sistemi anlayışı

Qarışıq sistemlər 
 
Əməliyyat sistemlərinin qurulması zamanı bütün baxdığımız yanaşmalar özünün müsbət və 
mənfi cəhətlərinə malik olurlar. Əksər hallarda, müasir əməliyyat sistemləri həmin yanaşmaların 
müxtəlif kombinasiyalarından istifadə edirlər. Belə ki, məsələn, Linux əməliyyat sisteminin nüvəsi 
özlüyündə mikronüvəli arxitekturanın elementləri ilə monolit sistemi təşkil edir. Nüvəni 
kompilyasiya etdikdə, nüvənin modullar adlanan bir çox komponentlərini dinamiki yükləmək və 
boşaltmağa icazə vermək olar. Modulun yüklənilməsi zamanı onun kodu sistem səviyyəsində 
yüklənilir və nüvənin yerdə qalan hissəsi ilə əlaqələndirilir. Modulun daxilində nüvə tərəfindən 
eksport olunan istənilən funksiyalardan istifadə oluna bilər.
Qarışıq yanaşmaya başqa bir misal mikronüvə idarəsi altında monolit nüvəli əməliyyat 
sistemlərinin yüklənilmə mümkünlüyünü göstərmək olar. Mach mikronüvəsinə əsasla-nan 4.4BSD 
və MkLinux belə qurulmuşlar. Mikronüvə virtual yaddaşın idarəsini və aşağı səviyyəli drayverlərin 
işini təmin edir. Bütün yerdə qalan funksiyalar, o cümlədən, tətbiqi proqramlarla qarşılıqlı əlaqə
monolit nüvə ilə həyata keçirilir. Bu cür yanaşma mikronüvəli arxitekturanın üstünlüklərindən 
istifadə cəhdlərinin nəticəsində və mümkün olan qədər monolit nüvənin yaxşı saxlanılmış kodunu 
saxlamaqla, formalaşmış-dır.
Mikronüvəli arxitekturanın elementləri və monolit nüvə elementləri Windows NT nüvəsində 
ən sıx şəkildə çarpazlaş-mışlar. Windows NT-ni çox vaxt əməliyyat sisteminin mikro-nüvəsi 
adlandırılmasına baxmayaraq, bu o qədər də belə deyildir. NT-nin mikronüvəsi həddindən artıq 
böyük (1 Mbaytdan çox) olduğu üçün “mikro” əlavəsini daşıya bilməz. Windows NT nüvəsinin 

---

komponentləri sıxışdırılıb çıxarılan yaddaşda yerləşirlər və mikronüvəli əməliyyat sistemlərində 
olduğu kimi, məlumatların ötürülmə yolu ilə bir-birilə qarşılıqlı əlaqədə olurlar. Eyni zamanda da, 
nüvənin bütün kompo-nentləri bir ünvan fəzasında işləyirlər və verilənlərin ümumi strukturlarından 
aktiv olaraq, istifadə edirlər ki, bu da monolit nüvəli əməliyyat sistemlərinə məxsus olur. Microsoft 
mütəxəs-sislərinin fikrincə, səbəb sadədir: xalis mikronüvə dizaynı kommersiya cəhətdən 
faydasızdır, çünki, effektli deyildir.
Beləliklə, Windows NT-ni tam hüquqla hibrid əməliy-yat sistemi adlandırmaq olar.
Mühazirə 4