Pedantizm nüfuzu. Hər bir kiçik nöqsanı qabartmaq, şagirdə irad tutmaq nəticəsində qazanılan nüfuzdur. Şagirdin hər bir hərəkətini lazımsız qanuni çərçivəyə salıb, onlarda özünəinamı azaltmaqla müşayət olunur.
Nəsihət nüfuzu. Öz şagirdlərinin nüfuzunu qazanmaq istəyən pedaqoqlar bəzən uzun-uzadı nəsihətlər yolunu seçərək belə hesab edirlər ki, əsil nüfuz qazanmağın yeganə yolu budur.
Zahiri xeyirxahlıq nüfuzu. Adətən, müəllimlik fəaliyyətinə yeni başlayanlarda pedaqoji təcrübənin azlığı səbəbindən yaranır. Lazımi səviyyədə ciddilik və tələbkarlıq olmadığından şagirdlər müəllimin, göstərişlərinə biganə qalır, onun xahişlərinə gülürlər.
Yoxlama sualları və tapşırıqlar “Etika”, “mərifət”, “əxlaq”, “pedaqoji etika” anlayışları arasında necə əlaqə vardır? Onların ümumi cəhəti nədir?
“Pedaqoji etika”nın predmeti, vəzifələri, funksiyaları, əsas tədqiqat metodları hansılardır?
Etik – pedaqoji fikrin inkişaf tarixini göstərin.
Pedaqoji etikanın kateqoriyaları hansılardır?
Robinzon Kruzonun insan ayağı dəyməyən adada əxlaqi prinsiplərə əməl etməsi zəruri idimi? Əsaslandırın.
Peşə mərifətinin funksiyaları hansılardır? Peşə etikasının mahiyyəti nədir?
Belə bir fikir vardır ki, kim ki xeyirxahdır, o həm də paxıllıqdan, qorxudan azaddır. Əksinə fikir də doğrudurmu: kim bunlardan azaddırsa, xeyirxahdır.
II MÖVZU. PEDAQOJİ ETİKANIN MÜASİR PROBLEMLƏRİ Plan. Tərbiyə prosesinin humanistləşdirilməsi: problemlər və ziddiyyətlər.
Uşaq hüquqlarına dair normativ-hüquqi sənədlər.
Şagirdlərin insan hüquqları ruhunda tərbiyəsi.
Ədəbiyyat Kazımov N. Pedaqoji ustalığın problemləri. Bakı, 2009
Nağıyeva L. Pedaqoji etika. Bakı, 2013
Uşaq hüquqları barədə BMT Konvensiyası. Bakı, 2002
