Fənn: Tibb bacısının iĢi ġöbə: “Mamalıq iĢi” 2 nömrəli Bakı Baza Tibb Kolleci 100 Peritonit-periton qiĢasının iltihabı -peritonit əsasən qarın boĢluğu orqanlarının kəskin cərrahi xəstəlikləri, onların travmatik zədələnmələri və qarın boĢluğunda icra edilmiĢ cərrahi operasiyaların ağırlaĢmaları kimi meydana çıxır. Simptomları-peritonitin inkiĢafında 3 mərhələ ayırd edilir: 1. Peritonitin reaktiv mərhələsində xəstələr qarında ilkin iltihabi prosesə cəlb olunmuş orqanın
yerləşməsinə uyğun sahədə baş vermiş şiddətli ağrılardan şikayətlənirlər. Xəstənin ayaqlarını qarına
bükərək, sakit və tərpənmədən uzanmaları periton qişasının gərginliyini aradan qaldırır, ağrını nisbətən
azaldır. Bu mərhələdə nəbz 100-110 vurğuya qədər tezləşir, temperatur yüksəlir, dili quruyur, mədə
bulanması, bəzən qusma olur. Vizual olaraq qarının az da olsa köpməsi, iltihabi prosesə uyğun olan
sahənin tənəffüs aktında iştirak etməməsi, perkussiyada həmin sahənin ağrılı olması aşkar edilir.
Palpasiyada qarın divarı iltihaba uğramış sahədə gərginləşir. Şötkin-Blümberq simptomu müsbət olur.
2. Peritonitin toksiki mərhələsində qarında olan ağrıların intensivliyi nisbətən azalır, xəstədə ürəkbulanma,
təkrari qusma, taxikardiya, hipotoniya, qarnın köpməsi, paralitik bağırsaq keçməməzliyi əlamətləri,
temperaturun 38-39
0
C-yə qədər yüksəlməsi, təngnəfəslik və s. müşahidə olunur. Şötkin-Plümberq
simptomu qarnın çox hissəsində müsbət olursa da I mərhələyə görə intensivliyi nisbə-tən zəifləyir.
3. Peritonitin terminal mərhələsində orqanizmin dərin zəhərlənməsi və MSS-nin pozulmaları müşahidə
olunur. Xəstələrdə adinamiya, huşun pozulması və sayıqlama və s. əlamətlər təsadüf edilir. Tez-tez mədə
və bağırsaq möhtəviyyatı ilə qusma, qarnın hədsiz köpməsi, qarnın bütün sahəsinin palpasiyada ağrılı
olması, bağırsaq peristaltikası küyünün olmaması, taxikardiya, hipotoniya, tənəffüsün tezləşməsi və səthi
olması kimi əlamətlər xəstənin vəziyyətinin ağırlığını göstərir. Xəstələrin üzündə qorxu ifadəsi olur,
dərinin rəngi avazıyıb göyümtül şəkil alır, gözləri çuxura düşür, “qarın sifəti” və ya “Hippokrat sifəti” adı
ilə bəlli olan üzün klassik ifadəsi meydana çıxır. Təxirəsalınmaz yardım-xəstə təcili olaraq cərrahi şöbəyə
qospitalizə olunmalıdır. Daşınma vaxtı xəstəyə ağrıkəsicilər və narkotik analgetiklər yeritmək qəti
qadağandır. Qarın nahiyəsinə yerli olaraq buz qovuğu qoyula bilər.