Cəsədlərin yandırılması iqtisadi cəhətdən effektli olmasada bir çox təhlükəli xəstəliklərdən ölmüş heyvan cəsədləri yalnız bu üsulla zərərsizləşdirilir. Cəsədlər xüsusi sobalarda və xəndəklərdə yandırılır. Sobalar xırda heyvanların və quşların cəsədlərinin yandırılması işinə xidmət edir. Onların stasionar və mobil növləri mövcuddur. İri heyvan cəsədləri xüsusi xəndəklər üzərində yandırılır. Qarayara, manqo, emfizematoz karbunkul, qaramalın taunu, bradzot, quduzluq və digər təhlükəli xəstəliklərdən ölmüş heyvanların cəsədləri mütləq yandırılmalıdır. Bu üsulun müsbət və mənfi cəhətləri var. Müsbət cəhəti ondan ibarətdir ki, düzgün yandırma zamanı bütün mikroblar tələf olur, kül isə kübrə kimi istifadə edilir. Mənfi cəhəti isə odur ki, qiymətli yem məhsulları alınmır və cəmdək yanaraq külə çevrilir.
