|
Cəmdəklərin basırılması yolu ilə zərərsizləşdirilməsi primitiv üsul olmaqla bərabər müəyyən sanitariya məsələlərinə riayət edilmədikdə bəzən infeksiya törədicisinin mənbəyinə çevrilə bilər. Cəmdəklərin basdırılması mal-qara qəbiristanlığında aparılır. Qəbiristanlıq yaşayış məntəqəsindən, su mənbəyindən, maqistral yollardan, heyvandarlıq obyektlərindən, heyvan bazarından ən azı 1 km məsafədə olmalıdır.
Cəmdəklərin tez və tam şəkildə cürüməsində qəbiristanlıq yerinin düzgün seçilməsinin mühüm əhəmiyyəti vardır. Yeraltı suların səthə yaxın olduğu, bataqlıq, habelə subasan yerlərdə qəbiristanlığın təşkilinə icazə verilmir. Qəbiristanlıq hündür hasara alınmaqla bunun giriş və çıxış yolları olmalıdır. Burada heyvanlar ən azı 2 m dərinlikdə basdırılır. Cəmdəyin torpaqla təmas səthinin çox olması üçün, yəni aerasiyanın yaxşı və bunun əsasında cəsədin tez çürüməsi üçün hər çalaya bir heyvan cəsədi basdırılmalıdır. Qəbiristanlığa heyvanların və digər kənar şəxslərin daxil olmasına icazə verilməməlidir. Bu məqsədlə qəbiristanlığın giriş və çıxış yolunun darvazası qıfıllı olmalıdır.
Dostları ilə paylaş: |
