Mühazirələrin icmalı Bakı -2023 «Əməyin iqtisadiyyatı» fənninin proqrami

8. Münaqişələri həll edin.
Hər zaman harmoniyada yaşamaq mümkün deyil. Şəxslərarası münaqişələrin öz həllini tapacağı ümidi ilə onları görməməzlikdən gəlməyin. Birbaşa iştirakçılarla danışaraq onları həll etməyə çalışın. Münaqişəni həll etmək mümkün olmadıqda iştirakçıları yenidən təyin etməyə hazır olun.
9. İnsanlara qarşı diqqətli olun.
Lider olmaq hər zaman diqqət mərkəzində olmaq demək deyil. Yaxşı bir liderin xarakterik xüsusiyyəti digər insanların təkliflərini, ideyalarını və rəylərini dinləmək və onlara uyğun hərəkət etmək bacarığıdır. Diqqətli insan bilir ki, ünsiyyət təkcə sözlər deyil, həm də şifahi olmayan siqnallar, o cümlədən baxışlar və jestlərdir.
Liderlik keyfiyyətləri karyera yüksəlişi üçün vacibdir, lakin gördüyünüz kimi, layihə komandasını idarə etmək təkcə məsuliyyət daşımaq bacarığı deyil. Amerikalı siyasətçi Con Quincy Adamsın dediyi kimi, “Əgər sənin hərəkətlərin başqalarını daha çox arzulamağa, daha çox öyrənməyə, daha çox etməyə və daha yaxşı olmağa ruhlandırırsa, deməli, sən əsl lidersən”.

Mövzu 5.Əmək bazarında effektiv kommunikasiya bacarığı

5.1. Effektiv kommunikasiyanın mahiyyəti
5.2. Əmək bazarında effektiv kommunikasıyanın qurulması qaydaları
5.3. Əmək bazarında effektiv kommunikasıyaya mane olan səbəblər
5.4. Effektiv kommunikasiyanın texnologiyası

5.1. Effektiv kommunikasiyanın mahiyyəti
Əmək bazarında tələb olunan ilk bacarıq effektiv kommunikasiyadır. İstər verbal ya qeyri-verbal kommunikasiya qarşı tərəf (həm iş axtaranlarda, həm də işəgötürənlərdə) haqqında peşəkar təəsurat formalaşdırmalıdır. İş axtaranlarla danışmaq və onların istəklərini, tələblərini başa düşmək, müəssisəyə uyğun işçiləri tapmaq məqsədi ilə rəhbərliyin göstərişlərinə əməl etmək üçün lazım olan bu keyfiyyət iş mühitində uğurlu olmağa şərait yardacaq. Digər insanlarla əlaqəli hər hansı bir işdə, kommunikasiyadakı səhvlər baha başa gələ bilər.
Effektiv kommunikasiya iş axtaranlarla işə götürənlər arasında sadəcə məlumat mübadiləsindən daha geniş anlayışdır. Effektiv kommunikasiya sözlərin arxasındakı duyğuları və niyyətləri başa düşməkdən ibarətdir. Effektiv kommunikasiya ötürülən məlumatı aydın çatdıra bilməklə yanaşı, deyilənlərin tam mənasını açmaq və qarşıdakı insana onun eşidildiyini, dinlənildiyini və başa düşüldüyünü hiss etdirmək bacarığıdır.
Ancaq demək etməkdən daha asandır. Hər bir insanın özünəməxsus dünyagörüşü var və ona bir çox şeylər təsir edir: tərbiyə, şəxsi təcrübə və ətraf mühit. Bundan əlavə, hər bir insanın öz motivləri və istəkləri var və bunu bilə-bilə mesaj verir, halbuki mesajları qəbul edənlərin motivləri və istəkləri yoxdur. Bu, səmərəsiz kommunikasiyaya gətirib çıxarır.
Səmərəsiz kommunikasiya əmək bazarında mübahisə etmək, həmsöhbətləri qaliblərə və məğlublara bölməkdir. Mübahisələr və münaqişələr səmərəsiz kommunikasiyanın ən bariz göstəriciləridir.
Bununla belə, effektiv kommunikasiyanın məqsədi qarşılıqlı faydalı və buna görə də davamlı olan əlaqələr, dəstək və iş əlaqələri qurmaq və qorumaqdır. Buna necə nail olmaq olar? Heç kim 100% zəmanət verməyəcək, ancaq müəyyən qaydalara əməl etsəniz, bəzi texnika və üsulları tətbiq etsəniz, insanlara yanaşma tapmaq və düşüncələrinizi aydın və tez çatdırmaq qabiliyyətinizi təkmilləşdirə bilərsiniz.