6. Həmsöhbətə hörmət edin Başqalarına hörmət göstərdiyiniz zaman hörmət qazanırsınız. Tamamilə sadə və mürəkkəb olmayan yollarla insanları tanıya və hörmət göstərə bilərsiniz:
• başınızı tərpətməklə;
• təbəssüm göstərməklə;
Mənfi emosional reaksiyalara səbəb olan sarkazm və sərt ifadələrdən çəkinin. Başqaları ilə sizinlə necə danışmasını istədiyiniz şəkildə danışın.
7. Fasilə verin Fasilə vermək sadəcə danışmağa başlamazdan əvvəl dayanıb düşünməkdir. Avtomatizmin köməyi ilə yeni heç nə öyrənmək mümkün deyil və yəqin ki, siz yeni bir şey öyrənmək və özünüzə faydalı bir bacarıq aşılamaq üçün qeyd edilənləri nəzərə alacaqsınız.
8. Dürüst olun “O məndən nəyisə gizlədir?” deyə düşünürsünüzsə özünüzü necə hiss edirsiniz? Dürüstlük o demək deyil ki, hər şeyi hamı ilə bölüşməlisən.
Dürüstlük dialoq zamanı şəffaflığı qorumaq bacarığıdır. Bir mövzu haqqında danışırsınızsa, yellənməyin.
9. Nə vaxt güzəştə getmək lazım olduğunu bilin. Bir çox insanlar onlara deyilən hər hansı bir fikrə dözüm gətirə bilmirlər və istənilən fikirlərə hücum edirlər -və çox vaxt peşman olurlar. Hesab etsəniz ki, qarşı tərəf öz bacarıq və imkanları haqqında şişirdilmiş məlumatlar verir səbirli olun.
Unutmayın ki, insanlar emosional olaraq inanclarına bağlıdırlar. Əgər partnyorunuzun mülahizələrindəki hər bir qüsuru amansızcasına ifşa etsəniz, o zaman siz haqlı olsanız belə, o özünü alçaldılmış hiss edəcək.
Bu o demək deyil ki, yanlış fikirlə razılaşmalısan. Bu, daha çox hansı “döyüşlərdə” iştirak edəcəyinizi necə seçməyi öyrənməklə bağlıdır.
10. Davamlı olun. Effektiv kommunikasiya qaynar kömür üzərində gəzmək və ya okean tufanı kimi deyil, sabit bir axın kimi olmalıdır. Əmək bazarında effektiv kommunikasiya hər iki tərəfdən-həm iş axtaranlardan, həm də işəgötürənlərdən- öz istəklərinə nail olmaq üçün davamlı davranış tələb edir.
5.3. Əmək bazarında effektiv kommunikasıyaya mane olan səbəblər Həmsöhbəti başa düşməyə və ya fikirlərimizi çatdırmağa mane olan hər şey kommunikasiya sahəsində maneə adlanır.
Effektiv kommunikasıyaya mane olan bir çox səbəblər var, burada əsaslarını vurğulayacağıq (şəkil 5.1).
Şəkil 5.1 Effektiv kommunikasıyaya mane olan səbəblər
Qeyd edilən səbəblərin bəziləri tamamilə sizdən asılıdır, bəziləri yalnız qismən sizdən asılıdır. Əgər onlardan qaçmağı bacarsanız, kommunikasiyanın effektivliyi artacaq. Bu səbəbləri nəzərdən keçirək.
