MÜNDƏRİcat redaksiya şurasindan

Ədəbiyyat
Azərbaycan dilində
1. V. Belinski. Q. Seçilmiş məqalələr. Azərbaycan LKGİMK Uşaq və Gənclər Ədəbiyyatı Nəşriyyatı B. 1948, 142 c.

2. C. Cabbarlı. Əsərləri üç cilddə, I-cild / Bakı: Azərnəşr, 1968, 407 s.

3. N. Çernışevki. Q. Sənətin varlığa estetik münasibətləri. /Bakı: 1956, 135 c.

4.S. Xəlilov. Cavid və Cabbarlı. Müxtəlifliyin vəhdəti (fəlsəfi etüdlər)./Bakı: AU nəşriyyatı, 2001 - 180 səh.

5.F. İsmayılov. Ziqmund Freyd. /Bakı: Gənclik, 1994, 120 s.

6. N. V. Qoqol. Əsərləri (altı cilddə/VI ) Seçilmiş məqalə və məktubları. / Bakı: Azərnəşr, 1958. 415 c.

7. M. Qorki. Məqalələr və pamfletlər. / Bakı: Azərnəşr 1950, 323 s.

8. M. Ə. Məmmədov. Estetika haqqında söhbətlər. ./ Bakı: Gənclik., 1975. 126 c.

9. M. C. Paşayev. Hüseynov F.C. XX əsr Azərbaycan ədəbiyyatı. / Bakı: Maarif, 1974, 392 s.
Rus dilində
10. Афасижев М. Н. Западные концепции художественного творчества, 2-е изд. / М.: Высш. шк., 1990, 176 с.

11. Бахтин М. М. Эстетика словесного творчества. / М.: Искусство, 1979, 424 c.

12. Бахтин М. М. Вопросы литературы и эстетики. Исследования разных лет. / М.: Худ. Лит., 1975, 504 c.

13. Бахтин М. М. Проблемы поэтики Достоевского. Изд.4-е. / М.: Сов. Россия, 1979, 320 c.

14. Белинский В. Г. Статьи и Рецензии 1846-1848. том X. / М.: Изд. АН СССР, 1956, 474 с.

15. Гуляев Н. А. Теория Литературы: Учеб. пособие для филол. спец. пед. ин-тов.- 2-е изд., испр. и доп. – М.: Высш. шк., 1985, 271 с.

16. Джемс У. Психология / Под ред. Л.А. Петровской. /М.: Педагогика, 1991, 368 с.

17. Зотов А. Ф. Современная западная философия. / М.: Высш. шк., 2001, 784 с.

18. Лазарев С. Н. Человек Будущего. / Первый шаг в Будущее. / СПб.: 2007, 256 с.

19. Пайс А. Научная деятельность и жизнь Альберта Эйнштейна пер. с анг. (Под ред. акад. А.А. Логунова). – М. Наука, 1989, 568 с.

20. Тимофеев Л. И. Основы теории литературы. Учеб. Пособие для студентов пед. Ин-тов. Изд. 4-е, испр. / М.: Просвещение, 1971, 464 с.

21. Фрейд Зигмунд Психоанализ и культура. Леонардо да Винчи. /СПб.: Алетейя, 2000, 296 с.

22. Фрейд Зигмунд По ту сторону принципа наслаждения Я и Оно Неудовлетворенность культурой. / СПб.: Алатейя, 1999, 251 с. 149

23. Фрейд Зигмунд Основные психологические теории в психоанализе. / СПб.: Алатейя, 1998, 251 с.

24. Фрейд Зигмунд Толкование сновидений пер. с нем. / Мн.: Попурри, 2006, 576 с.

25. Шюре Э. Великие посвящённые. Очерк эзотеризма религий. совместное предприятие СП «Книга – Принтшоп» пер. с фр. Е.Писаревой. / СПб., 1914, 420 с.

Психоанализ и художественное творчество

В статье раскрывается краткая суть психоаналитического учения Зигмунда Фрейда. Что такое психоанализ и как он изъясняет художественное творчество? Почему психоанализ является философским учением, и в чём находит своё отражение в данном философском учении художественное творчество? В каких пунктах участках художественное творчество выходит за рамки психоанализа? На эти вопросы в статье разыскиваются ответы.

В статье художественное творчество рассматривается как психологический акт. Однако указывается, что творчество имеет не только инстинктивное содержание. Оно не является эпифеноменом. В статье художественное творчество связывается с духовным и божественным содержанием. Поиск истины в азербайджанской литературе конца XIX – начале XX веков автор изъясняет на фоне творчества Джафара Джаббарлы и делает конкретные выводы.

Psikoanaliz ve sanatsal yaratıcılık

(özet)
Makalede Zigmund Freid`in psikoanaliz öğretisinin özü incelenmiştir. Psi­koanaliz nedir ve psikoanaliz açısından sanatsal yaratıcılık nasıl ta­nım­la­na­bilir? Neden psikoanaliz bir felsefi öğreti olarak kabul edil­mek­te­dir ve sa­nat­sal yaratıcılık bu felsefi öğretide nasıl yansımıştır? Hangi hu­sus­lar­da sa­nat­sal yaratıcılık psikoanaliz dışında kalabiliyor? Yazar yazısında bu so­ru­ları incelemiştir.

Makalede sanatsal yaratıcılık psikoanalitik bir eylem olarak ele alın­mış, yaratıcılık olgusunun sadece içgüdüsel içerikli olmadığı vurgulanmıştır. Sanatsal yaratıcılık ruhsal ve tanrısal öz ile alakalı bir olgudur. Yazar 19. ve 20. yüzyıllarda Azerbaycan edebiyatında hakikat arayışını Cefer Cabbarlı yaratıcılığı temelinde incelemiş ve somut sonuçlara ulaşmıştır.

Mədəni-mənəvi irs


Modernləşmə prosesində islam hüquq düşüncəsinin yenilənməsi və müasir problemlərin həllində məsləhət prinsipinin rolu və yeri



Samirə Həsənova^

Orta əsrin bir çox anlayışını dərindən sarsıdan İntibah hərəkatı ağıl və elm yolu ilə inkişaf və tərəqqinin sərhəd tanımadığını qəbul etdiyinə görə, bü­tün problemlərin insan tərəfindən həll olabiləcəyini də qəbul etmişdir. Bu­na görə intibah dövrü insana, insanın gücünə və təbiətə hakim ola biləcəyinə iman dövrüdür. Qərb mədəniyyəti bu əsas qaydalar və münasibətlər əsasında qurulmuşdur. Bu əsas qaydalar və yanaşma tərzi sayəsində Qərb daha əv­vəl­ki mifalogiyaları da əhatə edən bir çox görüşü sarsıdaraq elmi, texniki, sosial gücünü əldə etmişdir. Modernləşmə də konkret olaraq qərbli cəmiyyətlərdə Renesans, Reformasiya və ardından da intibah dövründəki tərəqqi və for­ma­laş­malar nəticəsində ortaya çıxan rasionallaşma və sekulyarlaşma prosesini və bu prosesdə həyata keçirilən təcrübələri ifadə etməkdədir. Bununla bir­lik­də modernizm vəhyə əsaslanan dünya görüşünə yer verməyən, ağlı Tanrıdan və müqəddəs prinsiplərdən ayrı və müstəqil görən, fəlsəfi əsaslarını intibah dü­şüncəsinə əsasən formalaşdıran, insanı həqiqətin tək ölçüsü və meyarı bi­lən və bütün dünyanın həyat tərzini və cəmiyyətin formalaşmasını təyin et­mə­yə çalışan bir ideologiya halına gəlmişdir. Qərb xaricində qalan cə­miy­yətlərdə xüsusi ilə Osmanlı imperiyası və Türkiyə cumhuriyyətində Qərbin in­kişaf səviyyəsinə çata bilmək üçün həyata keçirilən siyasi, sosial və mə­də­ni fəaliyyətləri ifadə etmək üçün modernləşmə yerinə qərbliləşmə termini istifadə edilmişdir.

Modernləşmə də, Qərbliləşmə anlayışında olduğu kimi mədəni və so­si­al dəyər ifadələrindən daha çox texniki, rasional, ilk baxışda hər hansı bir mə­nəvi dəyər ifadə etməyən daha çox maddi inkişafa yönəlik formalaşmaları əha­tə edən bir məna daşımaqdadır. Ayrıca “modern” kəliməsi Qərbin təsiri al­tında olan Müsəlman ölkələrinə aid edildiyi və islam kəliməsi ilə yan-yana gə­tirildiyi zaman “modern” kəliməsinin ortaya çıxdığı mədəniyyətin dəyər­lə­ri diqqətə alınmadan hər hansı bir tərif verməyimiz mümkün deyildir. Bu sə­bəb­dən də modernləşmə prossesini əslində qərbliləşmə prossesi olaraq görmək daha uyğun olar.

XIX əsrdən etibarən modernləşmə hadisəsi Qərbin islam ölkələrinə müdaxiləsi ilə müsəlman cəmiyyətlərin daxili strukturunda da əhəmiyyətli dəyişikliklər meydana gətirməyə başladı. Modernləşmənin əlaqəli olduğu bütün məfhumlar sənaye inqilabı ilə birlikdə müsəlman ölkələrinə və onların sosial-mədəni, siyasi və iqtisadi strukturuna təsir etməyə başladı. Belə ki XVI və XVII əsrdən etibarən, xüsusi ilə təbii hüquq düşüncəsinin təsiri ilə ön plana çıxan bərabərlik, azadlıq, insan haqları, ədalət kimi məfhumlar islam ölkələrində meydana çıxan milli dövlətlərin qanunlaşdırma fəaliyyət­lə­ri­nin əsasını təşkil etdiyi kimi digər sahələrin də əsasları olaraq görüldü. Ber­qe­rin də bildirdiyi kimi müəyyən təşkilati təcrübələrin və məzmunun (şüu­run) nəql edildiyi, daşındığı, çatdırıldığı bir prosses olaraq düşünülməsi la­zım olan modernləşmə,¹ içində daşıdığı elementlər, təşkilati məsələlərdə əldə et­diyi təcrübələr, məzmunu ilə bərabər islam ölkələrini öz təsiri altına almış­dı. Beləcə dini ölçülər xaricində olan siyasi və iqtisadi formalaşmalar nə­ticə­sin­də elmi və humanist bir anlayış inkişaf edirdi. Nəticədə din dar bir sahəyə, ibadət sahəsinə gətirilərək sadələşdirilirdi.

Modernləşmənin islam dünyasında təhdid olaraq görülməsinin başqa bir səbəbi isə onun nəticəsində xüsusi ilə ziyalılar arasında ictimai həyatda di­nin zəifləyəcəyi və bununla əlaqədar olaraq insan həyatında dünyəvi maraq və prioritetlərin ön sıraya keçəcəyi qənaətidir. Çünki sekulyarlaşma başqa bir adı ilə dünyəviləşmə rasionallaşmanı da bərabərində gətirməkdədir. Beləlik­lə, islam dünyasında ağlın, müqəddəsliyin hegomonluğunu azaldacağına dair narahatlıqçılar müsəlman ziyalıları modernləşmənin ictimaiyyətə adaptasiya edilməsi yollarını müzakirə etməyə vadar etdi. Hər bir zehniyyət kimi mo­der­nizmin də özünə xas məzmunu, elementləri və təşkilati təcrübələrinin ol­du­ğu nəzərə alınarsa Bergerin də bildirdiyi kimi modernləşmə adlandırılan bu təhdidin də müəyyən təşkilati təcrübələrin və özünəməxsus məzmunun nəql edildiyi, daşındığı, çatdırıldığı bir prosses olaraq qəbul ediləcəyi diqqətə alınmalıdır.

İslam dünyasında da “tərəqqi” ilə elmi/pozitiv məlumatlar arasında möh­kəm bir əlaqə olduğu düşüncəsi önəmli ölçüdə təsirli olmuş və bu fikir, 19. əsrin şübhə götürməz paradiqması olaraq hər islamçı fikrin əsas qayda­la­rın­dan biri halına gəlmişdir.¹ Bunun fərqində olan islam alimlərinə görə mo­dern­ləşmə, fərd və cəmiyyətin yaşadığı dövrün tələblərinə açıq olmaq, dünya cə­miyyətləri arasında yerini almaq, ölkəsinin inkişaf və yüksəlməsində -inanc, adət və ənənələrinə tərs düşmədən- həmin dövrə uyğunlaşmağa ça­lışmaq mənasına gəlir.²

XIX əsrdə modernizmlə birlikdə gələn bu məfhumları islam alimləri, xüsusilə hüquqçular Quran-i Kərim və sünnət işığında açıqlamağa çalışıb, bu məfhumların islama uzaq olmadığını görərək islam hüquq ənənəsində bir prinsip axtarışına başladılar. Modernləşmə prossesində islam alimləri islam hüquq ənənsindəki metodların ortaya çıxan yeni problemləri həll etmədə kifayətsiz qaldıqlarını düşünərək kitab və sünnətə dönüb yenidən üsul orta­ya qoymağa çalışdılar. Beləliklə, modernləşmə prossesində islam hüququnda Quran və sünnət mərkəzli sələfiyyəçi yanaşma tərzi hakim oldu. Əfğani ilə başlayan Quran və sünnəti əsas alaraq islamı yenidən şərh etmək səyi ondan sonrakı modern islam alimləri tərəfindən davam etdirildi. Bu yanaşma bütün İslam dünyasına yayıldı. İslamın əsas məqsədinin mənfəəti təmin etmək və qullarından zərəri yox etmək olduğuna diqqət çəkildi. Bu mövzunun islam hüquq ənənəsində xüsusi ilə Cüveyni (ö. 1085), Qəzzali (ö. 1111), Karafi (ö. 1285), İbn Abdissəlam (ö. 1261), Şatibi (ö. 1398) kimi islam hüquqçuları tərəfindən ələ alınaraq incələndiyini müəyyən edən modern islam alimləri Məqasid və Məsalih anlayışlarını yenidən gündəmə gətirdilər və müasir problemləri həll edə bilmək üçün bu anlayışlar ətrafında birləşdilər. Çünki modern islam alimlərinə görə fiqhi (islam hüququnu) yenidən canlandırmaq, onu həyat qanunu etmək üçün nasların ruhuna nüfuz etmək və bu kontekstdə fayda düşüncəsinə ağırlıq vermək lazım idi.

Hüquq zaman içərisində cəmiyyətə bağlı olaraq inkişaf etməkdədir. Cə­miyyət isə tarixi bir varlığa sahibdir; doğulur, inkişaf edir, tənəzzül edir və sona çatır; keçici və məcburidir. Pozitiv hüquq da cəmiyyətə bağlı olduğu üçün onun tarixi taleyinə qatılır, onunla birlikdə dünyaya gəlir və inkişaf edir, onunla birlikdə tənəzzülə məruz qalır və sona çatır. Cəmiyyət varlığını da­vam etdirsə belə sosial əlaqələrin ya da əsas siyasi görüşlərin köklü şə­kil­də dəyişməsi nəticəsində, yenə də cəmiyyətlə bağlı hüquq nizamının qismən ya da tamamilə sona çatması da mümkündür. Sözün qısası, hüquq müəyyən bir zaman içində varlığa sahibdir, zaman içində keçən bir hadisədir.¹ Başqa bir ifadə ilə, şübhəsiz ki mütləq dəyişəbilən bir tərəfi olmalıdır. İslam hü­qu­qu­nun da həm dəyişməz prinsiplərə, həm də dəyişən şərtlərə görə elastiki qay­dalara əsaslanması hər dövrdə mövcudluğunu qorumasının əsas səbəb­lə­rindəndir.

İslam hüququ dəyişməzdirmi yoxsa dəyişməyə və modernizasiyaya uy­ğun­laşa bilərmi sualına islamın gündəlik problemlərlə bağlı ortaya çıxan mü­ba­hisələrinin əsas mövzusunu təşkil etməkdədir. Bu suala cavab verən iki gö­rüş vardır: Birincisi islamı dəyişməz görən və sosial dəyişmələrə uyğun­laş­­dırılmasını qeyri-mümkün görən C.S. Hurgronce və C. Schacht kimi is­lam araşdırmaçıları və bir çox ənənəvi islam hüquqçusunun görüşüdür; İkin­cisi isə islam hüququ sahəsində tədqiqat aparan Linant de Bellefonds kimi qərb­li yazıçı ilə Subhi Mahmasani kimi bir çox müsəlman alimin dəs­tək­lə­diyi görüşdür. Bu alimlər məsləhət kimi hüquqi prinsiplərin islam hü­qu­qu­nun tətbiqindəki elastikliyi və ictihad müəssisəsinin mövcudluğu islam hü­qu­qunun sosial dəyişikliyə uyğunlaşdığını göstərməyə kafi (yetərli) ol­du­ğu­nu düşünürlər.² İslam hüququ cəmiyyətin strukturundakı dəyişikliyə paralel ola­raq dəyişmə xüsusiyyətinə sahib olub, cəmiyyət həyatındakı inkişafa uy­ğun olaraq ortaya çıxan ehtiyaca cavab verəcək şəkildə tənzimləmələr edil­mə­sinə icazə versə də ictihad qapısının bağlandığı tələqqisi və ictihadın qar­şı­sının alınması cəhdlərinin uzun müddət davam etməsi bu gün ortaya çıxan prob­lemlər və köklü dəyişikliklər qarşısında ənənəni yenidən düşünmək, ilk əsrlərə dönərək cavabları ordan hərəkət edərək tapa bilmək və yeni metod axtarışlarının və mübahisələrinin ortaya çıxmasına səbəb olmuşdur.

Pozitivizm və Sekulyarizm kimi məfhumların modernləşmə ilə birlikdə is­lam ölkələrinə girməsi islam alimlərini ictihad fəaliyyətinə və ağıla üstün­lük verən metodlara istiqamətləndirdi. Beləcə müstəqil bir dəlil olaraq qəbul edil­məsə də islam teşriində önəmli rolu olan və höküm çıxarma üsullarından bi­ri olaraq istifadə olunan məsləhət¹ və makasidu-ş şəriə (şəriətin qayələri) məf­humları islam hüququnun modernlik ilə arasındakı əlaqənin əsas məf­hum­ları olaraq yenidən ortaya çıxarıldı. Çünki islam hüququndakı məsləhət prin­sipi onun xarici dünyayla əlaqəsini təmin edərək elastikliyini göstər­mək­də və beləliklə də onu modern deyimi ilə inteqrasiya etməkdədir. Lakin məs­ləhət prinsipinin arzu və istəyə görə hökm qoyma kimi subyektiv elementlərə də sahib olması, başqa bir izahla ağlın yaxşıya və pisə özünün qərar verməsinin yol açacağı təhlükə məsləhətə qarşı çıxanların narahatlıqlarının əsasını təşkil etmiş və məsləhət prinsipi haqqında mübahisələrə yol açmışdır.

Məsləhət hüquqi bir prinsip və islam hüququnun da bir parçası olması səbəbi ilə reformist islam ziyalılarının qanunlaşdırma fəaliyyətlərində vur­ğu­la­dıqları bir prinsip olmaq məcburiyyətində qaldığını da deyə bilərik. Çünki mü­səlman cəmiyyətlər xarici məfhumlara tarixi və mədəni olaraq adaptasiya ol­maqdan daha çox öz ehtiyac və hədəflərinə mədəni və dini inanclarına bağ­lı olaraq yenidən istiqamət və şəkil vermək ehtiyacı hiss edirlər. Nəticə eti­bariylə deyə bilərik ki, modernizm insanların öz ixtiyarına verilmışdır. Çün­ki insanların tərəqqi və inkişafları onların ehtiyac və istəkləriylə bağlıdır.²

Müsəlman cəmiyyətlərdə müasir problemləri həll etmə səyləri islam hüququ və modernitə barədəki ədəbiyyatda düzgün ifadələri əldə etməklə başlamaqdadır. Bundan ötəri müsəlman cəmiyyətlərdə müasir problemləri həll etmə səyləri göstərən ziyalılar məqsədləri açıqlamaq və islam hüququ ilə modernitə arasındakı əlaqəni qurmaq üçün islam hüquq metodologiyasındakı məsləhət və məqasidu-ş şəriə prinsipləri üzərində mərkəzləşirlər.

Qurani-Kərimin insanların dünya və axirətdəki məsləhətlərini təmin et­mək üçün endirilimiş bir kitab olduğu barəsində islam alimlərinin böyük qis­mi­nin ittifaq etdiyi məlumdur. Bu səbəbdən məsləhət düşüncəsi şəri hökü­m­lə­rin məqsədlərini müəyyən etmə və şəri-əməli problemlərin həll edilməsi fəa­liyyətinin mərkəzini təşkil etmişdir. Sünnət də bu barədə Qurandakı kimi bir xətt izləməkdədir. Bu səbəbdən Quran və sünnətin cizgisi insanların çə­tin­liyini yox etmək, mənfəətlərini və dünya və axirət səadətlərini təmin et­mək olduğu üçün islam hüququnun da bu əsas məqsədi üzərində inşa edilməsi labüd olmaqdadır. Fiqhi ayələr və hədislər induksiya üsulu ilə incələndiyində görürük ki, bir çox hökm fəqihlərin məsləhət, bəzən də hikmət dedikləri fayda və zərəri əsas alan meyara görə verilmişdir.

İslam hüquqçularının böyük əksəriyyəti mürsəl məsləhətin şəri bir dəlil olduğu qənaətindədir. Mürsəl məsləhətin hüccət olaraq qəbul edilməsi hər nə qədər malikilərə nisbət edilsə də həqiqətdə digər məzhəblərin də bu dəlili hökm çıxarma üsulu olaraq müxtəlif adlar altında qəbul etdiklərini görürük.¹ Beləliklə, kimi hökm verirkən əsas hərəkətverici qüvvənin məsləhət olduğunu demək xətalı olmaz. Belə ki, məsləhətin digər dəlillərlə əlaqəsini incələyərkən gəldiyimiz nəticə bu düşüncəni dəstəkləyir.

Lakin diqqətə almaq lazımdır ki, Fiqh Üsulu terminologiyasında dəlil məfhumu geniş bir istifadəyə sahibdir. Bu səbəblə məsləhəti dəlil kimi qəbul edən fiqh alimləri dəlillərin təsnifini etdiklərində höküm verərkən istifadə olunan və qaynaq vəsfi daşımayan bir çox metod və qaydanı da içinə alan dəlillər sistemi ortaya qoymaqdadırlar. Qəzzalinin mahiyyəti baxımından qaynaq xüsusiyyəti daşıyan dəlilləri ayırıb bunların şəriət tərəfindən etibarlı sayılıb sayılmadığının müəyyən edilməsi və mahiyyəti baxımından qaynaq xüsusiyyəti daşımayan dəlillərin təsbit edilməsi mövzusunda əhəmiyyətli bir addım atdığını deyə bilərik.² Şafi məzhəbinin böyük bir fəqihi olaraq məslə­hə­ti də dəlillər təsnifi içində təhlil edən Qəzzalinin dəyərləndirməsi maraq­lı­dır. Qəzzali məsləhəti məşru dəlillər arasında deyil təbii olaraq məvhum də­lillərdən (ədillətül-vəhmiyyətu yaxu dəlil olduğu zənn edilən dəlillər) biri olaraq zikr etmiş və o başlıq altında incələmişdir. Təbii ki burada diqqət çəkən Qəzzalinin bu məfhumu dəlil başlığında incələməsi və beləcə məs­lə­hə­tin müstəqil bir dəlil olduğunu iddia edənlərə məsləhətin müstəqil bir dəlil ol­madığını, amma incələnməyə dəyən bir məfhum olduğunu bildirməsidir. Am­ma mövzunu oxuduğumuz zaman görürük ki, əslində məsləhət təhlil edil­diyi mövzunun adıyla çox da əlaqəli deyil. Çünki Qəzzalinin başdan eti­ba­rən mürsəl məsləhəti qərib məsləhətdən ayırdığını və mürsəl məsləhətin də­lil olaraq istifadə edə biləcəyini ortaya qoyduğunu görmək mümkündür. Səhabə tətbiqləri də bunun bir nümunəsidir. Bu səbəbdən Qəzzalinin mürsəl məsləhəti dəlil təsnifi içində yer alması mümkün olan dəlillərdən hesab etdiyini söyləyə bilərik.

Hz. Peyğəmbərdən sonra Raşidi xəlifələrdən Ebu Bəkirin xəlifəliyi dö­nə­mindən etibarən səhabənin həyata keçirdiyi tətbiqatlarda və nizam­la­ma­lar­da məsləhət prinsipinin böyük rol oynadığı görülməkdədir. Müəlləfe-i ku­lu­ba¹ verilən payın dayandırılması, Quranın mushaf (müqəddəs kitab) halına gə­tirilməsi, cümə namazı üçün iki azan oxunması, mala qoyulan qiymətlərin yox­lanması, Əhli Kitab qadınları ilə evlənmənin qadağan olunması, bir məc­lis­də birdən çox boşanmanın qəbul edilməsi, ölüm döşəyindəki kişinin mi­ras­dan məhrum edə bilmək üçün üç talaqla boşadığı həyat yoldaşının miras haq­qının qorunması, həbisxanaların inşa edilməsi, qıtlıq zamanı oğruların əli­nin kəsilməməsi, içki içməyə hədd cəzası tətbiq edilməsi kimi yeni tət­bi­qat­lar və ya Quran və sünnətlə sabit xüsuslarda hadisənin tələblərinə və hök­mün məqsədinə görə fərqli tətbiqatların olması sahabənin ictihadlarında məsləhət prinsipinin çox önəmli bir təsirə sahib olduğunu göstərməkdədir.²

Terminləşmə prosesini nəzərdən keçirdiyimiz zaman görürük ki, məs­lə­­hətə əsaslanan sahabə dönəmi tətbiqatlarından biri olan “təsir” məsələsi za­manın keçməsi ilə birlikdə şərtlərin dəyişməsi nəticəsində fərqli də­yər­lən­dirilən bir məsələ halına gəlir. Burada məqsəd ədaləti təmin etməklə yanaşı, insanların mənfəətlərini və onlara zərər gəlməməsini təmin etməkdir. Çünki əgər qiymətlərin yüksəlməsi tələbin ərzdən çox olduğu üçün deyil, mal sahiblərinin karı artırmaq üçün bazardakı qiymətlərə süni müdaxilə etmələri səbəbi ilə olsaydı haqsızlığın qarşısını almaq üçün peyğəmbərin cəmiyyətin mənfəətini qorumaq adına müdaxilə etməməsini düşünmək mümkün deyil.¹

İslam hüquqçuları da məsləhətə əsaslanaraq hökm verdikləri zaman Quranın insanların mənfəətini əsas aldığını, peyğəmbərin tətbiqatlarında görüldüyü kimi cəmiyyətdəki çətinlikləri dəf edərək insanların rahatlığını təmin etməsini və sahabənin də peyğəmbərdən sonra bu prinsipi tətbiq etmələrini özlərinə əsas almışdırlar.

Məsləhətin əhəmiyyətini vurğulayan islam alimlərinə görə məsləhət hüququn bir parçasıdır və bu səbəbdən də yeni hökümləri dəlilləndirmə və mövcud hökümləri izah edə bilmə haqqına və xüsusiyyətinə sahibdir. Hüququ məsləhətin mümkün sui-istifadələrindən qorumaq və məsləhəti hüquq nəzəriyyəsinə daha uyğun bir hala gətirmək üçün islam hüquqçuları məsləhətin qəbulu üçün müxtəlif şərtlər irəli sürüblər. Bu hüquqçuların hamısının qəbul etdiyi ortaq əsas isə məsləhətin əsas qaynaqlarda açıq olsun, qapalı olsun ifadə edilmiş olmasıdır.²

Maliki məzhəbinə məxsus hüquqçuların istifadə etdiyi səddu zərai³ me­to­du tamamilə məsləhət və məqasid çərçivəsində dəyərləndirilir.⁴ Hənəfilərin nəss, icma, zərurət, qapalı qiyas, adət- ənənə və məsləhət səbəbiylə istihsan şəklində ayırıb istifadə etdikləri istihsan metodunun da böyük ölçüdə məs­lə­hə­tin qorunması prinsipiylə bağlı olduğunu söyləmək mümkündür. Adət-ənə­nə dəlilinə gələndə isə, insanların adət etdiyi və ağıl sahibi insanların təs­di­q­lədiyi şeyləri nəzərə almamaq və insanları sıxıntıya salmaq islam hü­qu­qu­nun təməl məqsədinə ziddir. Hikmət sahibi olan Allah Təalanın da is­lamdan əvvəlki ərəb adətlərindən bir çoxunu qoruduğunu görürük. Şatibi də etibarlı olan adətlərin, bunların şəri zərurətlər olub olmaması fərq etmədən, şəriətcə nəzərə alınmanın məcburi olduğunu söyləməkdədir.¹ Bu sahədə yazılan əsərlər² də bunu təsdiq etməkdədir.

Ümumiyyətlə, məsləhətin dəlil olaraq qəbul edilməsində təklif edilən dəlilləri belə sıralamaq mümkündür:

a. Qurani-Kərimdə hökmlərin bir məqsəd üçün yaradılmış olduğunu bildirən ayələr vardır.³ İbn Abdussəlam kimi alimlərin əksəriyyəti bu məqsədin qulların dünya və axirətdəki məsləhət və mənfəətlərini təmin etmək olması barədə ittifaq etmişdirlər.⁴

b. Hz. Peyğəmbər Muaz b. Cəbəli Yəmənə oranın xalqına dini hökm­lə­ri öyrətmək, eyni zamanda onların arasında mühakimə vəzifəsini də yerinə ye­tirmək üçün göndərərkən Muazın Quran və sünnətdə tapa bilmədiyi təq­dir­də öz rəyinə görə hökm verməsini təsvib etmişdir ki,⁵ rəyi, Şəriətin əmr et­diyi qaydalara və məqsədlərə əsaslanaraq fiqh məsələlərində ictihad etmək ola­raq tərif etmək mümkündür. Kitab, sünnət və icmada hökm olmadığı za­man cəmiyyətin mənfəətini təmin etmək üçün rəyə əsaslanaraq ictihad edil­mişdir. Belə ki, rəyi, kitab və sünnətin açıqlamadığı hökmləri, nasların və islami prinsiplərin işığı altında hökmə bağlamaq şəklində tərif edən İbn Qayyim el-Cevziyyə, əsası Rəsulullah dövründə qoyulmaqla yanaşı, sonrakı dövrlərdə istihsan, istislah, adət-ənənə və qiyas adı verilən prinsip və metodların bu dövrdə “rəy” adı altında tətbiq edildiyini bildirməkdədir.⁶ Şatibiyə görə də rəyə əsaslanan tətbiqlər mürsəl məsləhət və istihsan terminləriylə ifadə edilir.⁷

c. Səhabə və Raşidi xəlifələr bir çox hökmü məsalihi mürsələ əsasına görə vermişdir.⁸ Quranın mushəf halına salınması, fəth edilən torpaqlar haqqında verilən fətva, əzan tətbiqi, ya da Hz. Ömərin əhli kitab qadınlarıyla evlənməyi qadağan etməsi, bir məclisdə birdən çox boşamanın etibarlı sayılması, ölüm yatağındakı bir kişinin yoldaşını mirasdan məhrum edə bilmək üçün boşadığı halda qadının miras haqqının qorunması kimi məsləhətə əsaslanan hökmlərin verilməsi yaxud yuxarıda ətraflı şəkildə danışdığımız təsir hadisəsi buna nümunə ola bilər.

d. Hökm qoymaqda məqsəd, insanlara fayda vermək və onları zərərdən qorumaqdır. Zamanın dəyişməsiylə ortaya çıxan yeni məsalihin mühitdən-mühitə dəyişməsi həqiqətini də nəzərdən qaçırmamaq lazımdır. Beləki, Şarinin hökmləri məsləhət və hikmətlərə əsaslanaraq verdiyini, peyğəmbərin xalqın mənfəətini nəzərə alaraq etdikləri və səhabənin məsləhət qarşısındakı davranışlarını nəzərə aldığımızda məsləhət yoluyla hökm vermədən islam hüququnun, habelə islamın həyatdakı dəyişikliklərlə ayaqlaşmasının təmin edilə bilinməyəcəyi və bunun islam hüququnun cahanşümulluq prinsipinə zidd olacağı islam hüquqçuları tərəfindən əhəmmiyyətlə vurğulanmışdır.²

Mürsəl məsləhəti qəbul etməyən islam hüquqçularının, Xəllafın diliylə desək, bu barədə şübhələri vardır.³ Bunların başında İmam Şafinin istihsanı ləğv edərkən dilə gətirdiyi əsaslı bir narahatçılıq gəlir.

İmam Şafi, öz keyfinə görə hökm verənlərin, islam hüququ hökmləri üzərində öz arzularına görə təsərrüf etməyə və öz mənfəətlərinə uyğun gələn hökmlər qoymağa çalışacaqlarından və ictihad haqqına sahib olmayan şəxslər üçün bir yol açılacağından narahat olmuşdur. Ona görə, bu, islam hüququnun və sərhədlərinin pozulması olar ki, buna icazə verilə bilməz.⁴ Şafi, bir hakimin və ya müftinin hər hansı bir mövzuda nass olmadığı zaman istihsan etməklərinin, bir məsələ haqqında bir çox fətva və hökm verilməsinə səbəb olacağını düşünərək ⁵ bu metodu keyfi qəbul etməkdə və qarşı çıxmaqdadır. Daha sonra Şafinin zaman və mühit dəyişikliyinin hökmlərdə də müxtəlifliyə yol açacağı düşüncəsi mürsəl məsləhətin müstəqil bir hökm çıxarma metodu ola bilməyəcəyinə dəlil olaraq göstərilmişdir.¹

Hər nə qədər Şafinin məsləhətə hədd qoyub inkişaf etdirdiyi hüquq nəzəriyyəsi, islam hüququ üçün böyük və tərifə layiq bir töhfə olsa da və Şafinin bənzəyən halları eyni şəkildə, fərqli halları fərqli şəkildə həll edən şəkli ədalətin məcburi ehtiyacını təmin edən bir sistem ortaya qoymaqda müvəffəq olduğunu söyləmək mümkün görünsə də Bagby, bu sistemin yeni vəziyyətlər və müşkül məsələlər ortaya çıxanda və yeni təşri üçün təzyiq artanda meydan oxuma qarşısında zəif olduğunu söyləməkdədir.² Buna görə Şafinin hüquq nəzəriyyəsi “hüquq necə dəyişər və inkişaf edər” sualı xaric bir hüquq sisteminin bütün suallarına cavab verir. Bu suala cavab vermək üçün “hüquq necə müəyyən edilər və hüququ tanımağın qaydaları nələrdir” kimi əsas məsələlərə geri qayıtmaq lazım gəlir və məsləhəti müdafiə edənlərin etdiyi də elə budur.³ Onlar hüququn insan ağlı qarşısında qapalı və açıq olan sahələrini təyin edərək hüququn inkişaf etməsini və dəyişməsini təmin etməyə çalışmaqdadırlar.

Hüququn məsləhətin tətbiq edilib edilməyəcəyinin bəhs edildiyi dəyişməyə açıq sahələri isə üçdür:

1. 
   Hüququn sükut etdiyi sahələr,
   
2. 
   Yeni bir məsələ barəsində mövcud bir hökmün olub olmaması haqqında müəyyənsizlik olan hallar,
   
3. 
   Yeni məsələlərin, mövcud hökmlərin alışılan tətbiqlərini gündəliyə gətirdiyi hallar.⁴
   

Mürsəl məsləhətin qəbul edilməsinin, müctəhidin hökmlər üzərində öz arzu və istəklərinə görə təsərrüf etməyə yol açmasına gəldikdə isə haqqında qəbul və ya rədd şəklində bir şəri dəlilin olmaması şərtinə bağlı hökm verəcək olan şəxs, ictihad dərəcəsinə çatmış olan müctəhiddir. Yoxsa hər kəs öz mənfəətinə uyğun olan bir hökm istinbat etmək hüququna malik deyildir.⁵ İmam Şafi istihsanı şəri bir dəlilə əsaslanmadan, şəxsi arzu və subyektiv mülahizələrə görə hökm vermək şəklində dəyərləndirməsinə qarşı, istihsan tərəfdarları onu, tərcihi lazım edən bir dəlil sayaraq və ya məsləhət səbəbiylə üstünlük verdiklərini söyləyərək keyfi hökm vermə ittihamını rədd etmişdirlər və istihsandan məqsədlərinin nə olduğunu anlamadıqlarını söyləmişlərdir.¹ Cəssas, istihsanı rədd edənlərin dəlillərinin qiyası da ləğv edə biləcək bir xüsusiyyətdə olduğunu söyləməkdədir.²

Məsləhətin dəlil dəyəri daşıyıb-daşımadığı haqqındakı mübahisələr, “ hökm əldə edərkən ictihad edən müctəhidin tədqiqat aparması və tədqiqat apararkən onunla əlaqədar dəlalətlərə yönəlməsi lazım olduğu” şərtiylə sona çata bilər. Lakin bu prossesin adı Şafiyə görə qiyas da olsa,³ əsl⁴ olmadığı təqdirdə isə bu prossesə məsləhət deyilə bilər. Göründüyü qədəriylə Şafi, istihsanı ləğv etmək üçün dəlillər sadalayarkən cümlə aralarında məhdud sayda da olsa gözəl gördüyüylə hökm verdiyini görürük ki, bu da istihsan və mürsəl məsləhətə əsaslanan hökm çıxarma metodundan uzaq qalmadığını göstərməkdədir. Bunu daha sonra Qəzzalidə də görmək mümkündür. Yuxarıda söylədiyimiz kimi o, məsləhəti məfhum dəlillər başlığı altında ələ alsa da, başlıq içərisindəki fikri heç də mövzu başlığıyla eyni deyildir. Mürsəl məsləhətlə qərib məsləhət arasındakı fərqi və mürsəl məsləhəti müəyyən bir əslə əsaslanmasa da bir çox əsldən çıxarılmış olduğunu qəbul edərək etibar göstərməsi və dəlil olaraq qəbul edilməsinin lazım gəldiyini söyləməsi ⁵ məsləhətin kitab, sünnət və icmanın xaricində bir dəlil olmadığını göstərməkdədir. Həmçinin, mürsəl məsləhətlə əməl edilə biləcəyi mövzusunu məsləhətə görə hökm verdikləri qəti olaraq bilinən səhabənin davranışlarıyla da əsaslandırmaqdadır.⁶

Peyğəmbər və Raşidi xəlifələr dövründəki tətbiqatlar, onları təqib edən dövrlərdə islam dövlətlərində müsəlman xalqın problemlərini həll etməyə çalışan müctəhidlərin ortaya çıxan məsələlərə tapdıqları çıxış yolları və cəmiyyətin mənfəətinə əsasən hökm qoyaraq inkişaf etdirdikləri metodlar məsləhətə dəlil dəyəri qazandırmışdır. Bu hüquqçular, cəmiyyəti maraqlandıran hər sahədə ictihad edərək islamın cəmiyyətdə yaşaya bilən hala gəlməsini təmin etmişdirlər.

İstislah, istihsan, istishab, səddu zərai kimi məsləhət yaxud mənfəət möv­qeli bu metodlar bəzən sərt şəkildə tənqid edilmiş olsalar da, hər biri ic­ti­had metodu olub islam hüququna canlılıq gətirmiş və islamın cəmiyyətdə ya­şamasını təmin etmişdir. Bu metodlardan hər biri digər məzhəb müc­tə­hid­lə­ri tərəfindən tənqid edilsələr belə, hamısının mənşə etibari ilə eyni qay­naq­dan gəldiklərini, adlandırılarkən eyni çıxış nöqtəsindən fərqli görüşlərlə yola çıx­dıqlarını görmək mümkündür. Tarix boyunca bütün məzhəblərin ortaya çı­xan yeni məsələlərdə hökmü kitab, sünnət, icma və qiyasda tapa bil­mə­diklərində mürsəl məsləhət, zidd olması lazım gələndə istihsan, hər ikisinə qarşı çıxan Şafilərin isə qiyas, qiyasuş-şəbəh, qapalı qiyas, illət, istishab içində məsləhət mövqeli metodlara baş vurduqları görünməkdədir.¹

Nəticə etibarıyla deyə bilərik ki, məsləhət mahiyyəti etibari ilə müstəqil bir qaynaq olmayıb, şəri dəlillərin ehtiva etdiyi prinsip və hökmlərin induksiya metoduna görə incələnməsi nəticəsində əldə edilən və bütün bu hökm və prinsiplərdə insanların dünya və axirətdəki mənfəətlərinin qorunmuş olduğu şəklində xülasə edilə biləcək olan əhatəli bir düşüncəni ifadə edən bir üst məfhumdur.² İslam alimləri də bu məfhumun bütün dini-hüquqi hökmlərin ortaq məxrəcini təşkil etdiyini qəbul etməkdədirlər. Bu barədə problem olan xüsus əsas qaynaqlarda referans göstərilən bu dəlilin özünün müstəqil bir dəlil sayılıb-sayılmadığıdır.