N. M. Maxmudov, M. T. Asqarova, I. Yu. Umarov
Yüklə 0,5 Mb.
|
|
9.2.1 jadval.
Ekspert baholash natijalari matritsasi
Muayyan savoli bo‘yicha muhimlilikni baholashning materiallarini qayta ishlash paytida jadvalga keltiriladi. Ushbu jadvalning qatorlari tadqiqot yo‘nalishlariga, ustunlari esa ekspertlarga mos kelishi lozim (9.2.1-jadval). Mutlaq muhimlilikni baholashda quyidagi tavsiflovchi ko‘rsatkichlarni kiritish mumkin: ekspertlar guruhining tadqiqot va ishlanmalarini turli yo‘nalishlardagi rivojlanishning mutlaq muhimliligi to‘g‘risidagi umumlashgan fikri; ekspertlar fikrlarining muvofiqlik ko‘rsatkichning statistik ahamiyati; ekspertlarning “faolligi” (tadqiqotlar va ishlanmalarning turli yo‘nalishlarni baholashda ularning ishtirok etish darajasi); ekspertlar tomonidan tavsiya etiladigan savollarning har bittasi bo‘yicha ularning habardorliligi. G‘oyalarni jamoaviy tarzda to‘plash (“aqliy hujum”). Ekspert baholash usuli yordamida prognozlash bo‘yicha hal etiladigan vazifalari ikkita rasman bir-biri bilan bog‘liq bo‘lmagan jarayonlarni o‘z ichiga oladi: prognozlash ob’ektini rivojlantirishning mumkin bo‘lgan variantlarini aniqlash va baholash. Ekspert usullarning tahlili rivojlanishning mumkin bo‘lgan variantlarini aniqlash uchun “aqliy hujum”ni qo‘llash maqsadga mufoviq ekanligini ko‘rsatib turibdi. Ulardan foydalanayotganda qisqa vaqt ichida unumli natijalarni olish va faol ijod qilish jarayoniga barcha ekspertlarni jalb qilishga imkoniyat yaratib beradi. “Aqliy hujum” usulini qandaydir muammoli holatini echish jarayonda “aqliy hujum” ning rahbariyati va ishtirokchilari o‘rtasida teskari aloqaning mavjudligi va yo‘qligi belgisi bo‘yicha tasniflash mumkin. Teskari aloqaning mavjudligi muammoli holatni echish uchun ishtirokchilarning u yoki bu mezonlar bo‘yicha faqatgina foydali bo‘lgan varinatlarga e’tiborini jamlashga imkon beradi. Biroq, chegaralar sun’iy ravishda kiritilib, biz yondoshuvlarning barcha qirralarini ko‘rishdan maxrum bo‘lamiz va potensial, ammo hozirgi damda sezilmas qiymatga ega bo‘lgan noyob g‘oyalarni o‘tkazib qo‘yishimiz ehtimoli paydo bo‘ladi. Teskari aloqaning yo‘qligi, ya’ni mulohazalarni maksimal darajada o‘xshatish ularni baholash bosqichida murakkab vakatta hajmdagi ishni bajarishni nazarda tutadi. Vujudga kelgan holat “aqliy hujum” usulini –variantlarni ularning sonini cheklab qo‘yilmasdan nisbatan tez va sifatli baholay oladigan tizim ishlab chiqishni talab qiladi. Ushbu usulning mohiyati g‘oyalarni to‘plash bosqichning boshida amalga oshiriladigan muammoli holatlarning “aqliy hujum” olibborish paytida mutaxassislarning ijodiy salohiyatini faollashtirish va keyinchalik qarama-qarshi g‘oyalarni shakllantirish maqsadida ularning g‘oyalari destruksiyalanadi (barbod bo‘ladi, tanqid qilinadi). DUB usulida ishni bajarish quyidagi olti bosqichlarni amalga oshirishni nazarda tutadi. Birinchi bosqich-“aqliy hujum”ning ishtirokchi guruhlarini shakllantirish (son va tarkibi bo‘yicha). Ishtirokchi guruhlarning optimal soni emperik yo‘li bilan aniqlanadi: eng samarali 10-15 kishidan iborat bo‘lgan guruhlar hisoblanadi. Ishtirokchi guruhlarning tarkibi ularni maqsadga muvofiq tarzda tanlashni nazarda tutadi: 1) agar ishtirokichlar bir-birini bilishsa, bir xil toifadagi kishilar orasidan; 2) agar ishtirokichlar bir-birini bilishmasa, har xil toifadagi kishilar orasidan (bu holatda ishtirokchiga raqam beriladi va unga berilgan raqam bo‘yicha murojaat qilinadi). Muammoli holat sohasida ishtirokchilarning ixtisolashtirish muhimligi to‘g‘risida gap yuritilganda, guruhning barcha a’zolari uchun sharoitlar majburiy deb hisoblanmaydi. Aksincha, guruhda boshqa fan sohasidagi, yuqori umumiy bilim darajsiga ega va muammoli holatni mohiyatini biladigan mutaxassilar bo‘lishi maqsadga muvofiqdir. Ikkinchi bosqich – “aqliy hujum” ishtirokchisining muammoli yozma xatini tuzish. U muammoli holatini tahlil qiladigan guruh tomonidan tuziladi va DUB usulini va muammoli holatini izohlashni o‘z ichiga oladi. DUB usulini izohlash quyidagilardan tarkib topadi: ushbu usul asosida turgan tamoyillarni izohlash; “aqliy hujum”ning eng yuqori samaradorligini ta’minlab beruvchi sharoitlarni izohlash; hujum natijalarini muallifligini izohlash; hujumni olib borishning asosiy qoidalarni izohlash. Muammoli holatni izohlash quyidagilardan tarkib topadi: muammoli holatning paydo bo‘lish sabablarini izohlash; paydo bo‘lgan muammoli holatining sababalri va mumkin bo‘lgan oqibatalarini tahlil qilish; o‘xshash muamoli holatni echishning jahon tajribasini tahlil qilish (agar mavjud bo‘lsa); muammoli holatni echishning mavjud yo‘llarini tasniflash (tizimlashtirish), savolchalar ierarxiyasiga ega bo‘lgan markaziy savollar ko‘rinishida muammoli holatini ta’riflab berish. Uchinchi bosqich - g‘oyalarni to‘plash. Bu jarayon shundan boshlanadiki, boshlovchi yozma xatining mohiyatini ochib beradi. Boshlovchi DUB usulini izohlashni bashoratlab, ishtirokchilarni “aqliy hujum”ni olib borish qoidalarga e’tibor qaratishga chorlaydi: 1) ishtirokchilarning fikr-mulohazalari aniq va qisa bo‘lishi lozim; 2) oldingi fikr-mulohazalar bo‘yicha shubha va tanqid bilan qarash ruxsat etilmaydi; 3) ishtirokchilarning har biri ko‘p marta (biroq ketma-ket emas) ishtirok etish huquqiga ega; 4) ishtirokchilar tomonidan oldin tayyorlanishi mumkin bo‘lgan g‘oyalar ro‘yxatini ketma-ket eshittirishga ruxsat etilmaydi. Boshlovchi muammoli holatining mazmunini aytib berayotgan chog‘ida ishtirokchilar asosiy masalaga e’tiborini jamlaydi. Boshlovchi o‘z ma’ruzasini shunday tuzishi kerakki, ishtirokchilarning psixologik jihatdan ta’sirchanligini uyg‘otish, ulardan nima talab qilinayotganligi to‘g‘rsida aniq tasavvurga ega bo‘lishi kerak. Ishtirokchilarning xohish bilan bildirilgan javob - muammoli holatni echishga qaratilgan maqsadga yo‘naltirilgan fikr yuritish irodasi hisoblanadi. Boshlovchining faol harakatlari faqatgina “aqliy hujum”ning boshlanishida talab etiladi. Ishtirokchilar muammoni etarli darajada tushungandan so‘ng yangi g‘oyalar o‘z-o‘zidan paydo bo‘ladi. Boshlovchi ushbu jarayonda faol harakat qilib, ishtirokchilar tomonidan hujumni olib borish qoidalariga amal qilishi ustidan nazorat qiladi. SHuni esda tutish kerakki, fikr-mulohazalar qanchalik ko‘p va xilma-xil bo‘lsa, ko‘rib chiqilayotgan masala shunchalik keng va chuqur qamrab olinadi va qiymatli fikr-mulohazalarning vujudga kelishi ehtimoli yuqori bo‘ladi. YUqorida izohlab berilgan vaziyatdan kelib chiqib, boshlovchi hujumni olibborish paytida quyidagi qoidalarga amal qilishi lozim: ishtirokchilarning muammoli holatiga e’tiborini jamlash; hech qaysi g‘oya noto‘g‘ri emasligini e’lon qilish, u bo‘yicha olib borilayotgan tadqiqotni tanqid qilish yoki to‘xtatish mumkin emas, ya’ni har bir g‘oyani uning amal qilinganligi va o‘rinliligidan qat’iy nazar ko‘rib chiqish; takomillashgan yoki kombinatsiyalash g‘oyalarni qo‘llab-quvvatlash, ya’ni birinchi navbatda oldingi fikr-mulohaza bo‘yicha chiqish istagini bildirgan shaxsga so‘z berish; ishtirokchilar o‘zini erkin tutishi uchun zarur bo‘lgan qo‘llab-quvvatlash va rag‘batlantirish choralarini ko‘rish ; erkin sharoitlarni yaratib, hujumning ishtirokchilarini faol harakatlariga ko‘maklashish. “Aqliy hujum”ning davomiyligi ishtirokchilarning faolliligiga qarab 20 daqiqadan kam bo‘lmagan va 1 soatdan oshmagan vaqt oralig‘ida bo‘lishi tavsiya etiladi. Fikr-mulohazalarni ularni chetda qoldirmaslik va keyingi bosqich uchun tizimlashtirish imkoniyatiga ega bo‘lish uchun magnitofonga yozib olish maqsadga muvofiq hisoblanadi. To‘rtinchi bosqich - g‘oyalarni to‘plash bosqichida ularni tizimlashtirish. Muammoli holat bo‘yicha guruhning g‘oyalarini tizimlashtirish quyadagi ketma-ketlikda amalga oshiriladi: barcha aytilgan g‘oyalar bo‘yicha nomenklatura ro‘yxati tuziladi; har bir g‘oya umumiy ravishda ishlatiladigan atamalarda ifodalaniladi; bir-biriga o‘xshash va bir-birini to‘ldiruvchi g‘oyalar aniqlanadi; bir-biriga o‘xshash va (yoki) bir-birini to‘ldiruvchi g‘oyalar yagona majmua g‘oya sifatida birlashtiriladi va shakllantiriladi; g‘oyalar birlashtirish mumkin bo‘lgan belgilar aniqlanadi; belgilangan belgilarga muvofiq holda g‘oyalar guruhlarga birlashtiriladi; g‘oyalar guruhlar bo‘yicha ro‘yxat tuziladi (har bir guruhda g‘oyalar uning umumiylik tartibi bo‘yicha yozib olinadi: umumiy g‘oyadan yakka, ya’ni umumiy g‘oyalarga qo‘shimcha qiladigan yoki ularni rivojlatiradigan g‘oyalargacha). Beshinchi bosqich – tizimlashtirilgan g‘oyalarni barbod qilish, tanqid qilish (aqliy hujum jarayonida g‘oyalarni amaliyotda tadbiq etilishi mumkinligini baholash bo‘yicha maxsus choralar, unda har bir g‘oya aqliy hujumning ishtirokchilari tomonidan har tomonlama tanqidga uchraydi). Destruksiyalash bosqichining asosiy qoidasi – har bir tizimlashtirilgan g‘oyani faqatuni amalga oshirish yo‘llaridagi to‘siqlar nuqtai nazaridan ko‘rib chiqish, ya’ni hujumning ishtirokchilari tizimlashtirilgan g‘oyani rad etuvchi dalillarni keltirishdan iborat.Eng muhimi, destruksiyalash jarayonida mavjud chegaralarni ifodalovchi va ushbu chegaralarni olib tashlash imkoniyatlari to‘g‘risida taxminlarni ilgari suradigan qarama-qarshi g‘oyalarning to‘planishi mumkin. Aqliy hujumning ushbu bosqichdagi ishtirokchilar guruhi muzokara olib borilayotgan sohada yuqori malakali mutaxassilardan iborat bo‘lib, ularning soni 20-25 kishin tashkil etadi, jarayonning davom etish vaqti – 1,5 soatni tashkil etadi. Destruksiyalash jarayoni har bir tizimlashtirilgan g‘oya tanqidga uchratmangunga qadar davom etadi. Bildirilgan tanqidiy gaplar va qarama-qarshi g‘oyalar magnitofonga yozib olinadi. Oltinchi bosqich – tanqidiy gaplarni baholash va amaliyotdatatbiq etish mumkmin bo‘lgan g‘oyalar ro‘yxatini tuzish. Ushbu bosqichni muammoli holatini tahlil qiladigan guruh amalga oshiradi: Destruksiyalash bosqichida olingan barcha tanqidiy gaplarning ro‘yxati tuziladi. Zaruriyat tug‘ilganda tanqidiy gaplar aniqlashtiriladi, bir-birini to‘ldiruvchilari olib tashlanadi. G‘oyalarni tizimlashtirish va destruksiyalash bosqichlarning umumiy jadvali hamda g‘oyalarning amaliyot tatbiq etilganlik ko‘rsatkichlar ro‘yxati tuziladi (ushbu ko‘rsatkichlar har bir aniq holatda o‘ziga xos xususiyatga ega va muayyan muammoli holatga bog‘liq). Jadvalning birinchi ustunida g‘oyalarni tizimlashtirish bosqichlarining natijalari yoziladi; ikkinchi ustunida g‘oyani rad etuvchi, tanqidiy gaplar; uchinchi ustunida g‘oyalarning amaliyotga tatbiq etilganlik ko‘rsatkichlari; to‘rtinchi ustunida destruksiyalash bosqichida aytilgan qarama-qarshi g‘oyalar. Har bir qarama-qarshi g‘oya va tanqidiy gap baholanadi. a) agar hech bo‘lmaganda bitta amaliyotga tatbiq etilganlik ko‘rsatkichi bilan rad etilsa, jadvaldan chiqarib tashlanadi; b) agar hech bir amaliyotga tatbiq etilganlik ko‘rsatkichi bilan rad etilmasa, jadvaldan chiqarib tashlanmaydi. 4. G‘oyalarning yakuniy ro‘yxati tuziladi; ro‘yxatga faqatgina jadvalda qolgan tanqidiy gaplar bilan rad etilgan g‘oyalar va qarama-qarshi g‘oyalar ro‘yxatga o‘tkaziladi. G‘oyalarni jamoviy tarzda to‘plash usuli amaliyotda tatbiq etilgan va prognozlash ob’ektini rivojlantirishning mumkin bo‘lgan variantlarini aniqlash paytida umumiy qaror chiqarishga imkon beradi. “Delfi” usuli. Oxirgi yigirma yil ichida ekspertlar-mutaxassislar fikrlarni statistik jihatdan qayta ishlashni tashkil etishga va ularning fikrlarini muvofiligiga erishishga imkon beradigan alohida uslubiyatlar yaratildi. “Delfi” usuli– kelajakni ekspert baholashning, ya’ni ekspert prognozlashning eng keng tarqalgan usullaridan biri hisoblanadi. Ushbu usul amerikalik mutaxasislar tomonidan ishlab chiqilgan va u yoki bu hodisalar ro‘y berish ehtimolini aniqlash va baholash uchun xizmat qiladi. “Delfi” usuli quyidagi tamoyillarga asoslangan: noaniq fanlarda ekspertlarning fikri va sub’ektiv fikr-mulohazalari zaruriyat tug‘ilganda tabiiy fanlarda ask ettiradigan aniq sababiyat qonunlarining o‘rnini almashtirish lozim. “Delfi” usuli guruhda kelishilgan ekspertlarning fikrlarini umumlashtirishga imkon beradi. Ushbu usulga ekspert baholash asosida tuzilgan prognozlardagi kabi kamchiliklar xosdir. Biroq REND korporatsiyasi tomonidan ushbu tizimni takomillashtirish bo‘yicha olib borilayotgan ishlar prognozlashning egiluvchanligini, tezkorligini va aniqliligini sezilarli darajada oshirdi. “Delfi” usuli boshqa oddiy ekspertlar ishtirokidagi usullardan uchta jihati bilan farq qiladi. Ushbu jihatlar quyidagilar: a) ekspertlarning no’malumligi; b) oldingi tur so‘rovnoma natijalaridan foydalanish; v) guruh javoblarining statistik tafsiloti. Noma’lumlik shunda o‘z ifodasini topadiki, prognoz qilinayotgan hodisa, ob’ektni ekspert baholash olib borish chog‘ida ekspert guruhning ishtirokchilari bir-biriga tanish emas. Bunda anketalarni to‘ldirish paytida guruh a’zolarining o‘zaro aloqa qilish butunlay yo‘qqa chiqadi. Bunday tartibning natijasida javobning muallifi ommaga e’lon qilmasdan turib o‘z fikrini o‘zgartirish mumkin. Oldingi tur so‘rovnoma natijalaridan foydalanish quyidagilarda o‘z ifodasini topadi: guruhli o‘zaro aloqasi bevosita anketalarga javob berish yo‘li bilan amalga oshirilishi sababli “Delfi” usuli bilan tadqiqotlarni olib boruvchi mutaxasis yoki tashkilot anketalardan faqatgina mazkur muammoga tegishli bo‘lgan ma’lumotni chiqaradi. Mutaxassis-prognozchi ekspertlarning har bir g‘oya bo‘yicha fikrlari hisobga oladi. Ushbu tizimning faoliyat ko‘rsatishining asosiy natijasi guruh tomonidan o‘zining shaxsiy maqsad va vazifalarni qabul qilishini oldini olishdan iborat. Ushbu tizim mutaxassislar jamoasiga har doim qandaydir yangilikni tafsiya etish emas, balki boshlang‘ich vazifalarga o‘z kuchlarini jamlashga imkon beradi. Guruh javoblarining statistik tafsiloti shundan iboratki, mutaxassislar guruhi faqatgina aksariyat ekspertlarning fikridan, ya’ni ko‘plab guruhlar rozi bo‘lishi mumkin bo‘lgan fikridan tarkib topgan prognozni tuzadi. Ammo guruh a’zolarida mavjud bo‘lishi mumkin bo‘lgan fikrlardagi farqlar darajasining qandaydir ko‘rsatkichi mavjud bo‘lishi mumkin emas. Buning uchun “Delfi” usulida butun guruhning fikrlarini o‘z ichiga oladigan javoblarning statistik tafsilotidan foydalaniladi. Har bir guruh ichidagi javob medianani qurishda hisobga olinadi, javoblarning tarqoqlik ko‘rsatkichi korrelyason bog‘liqlik ko‘rsatkichi bilan tavsiflanadi. “Delfi” usuli hay’at a’zolarini bir-biri bilan samarali o‘zaro aloqaga kirishiga imkoniyat beradi, biroq ushbu o‘zaro aloqalarning natijalari guruh rahbari tomonidan dalillarni yig‘ish yo‘li bilan nazorat qilinadi. Hay’at a’zolari o‘zining bahosini faqatgina kasbdoshlarning dalillari ishonchli bo‘lgan taqdirda o‘zgartirishi mumkin, aks holda ular o‘zining qarama-qarshi bo‘lgan fikrlariga qat’iyan amal qiladi. “Delfi” usulining prognozni ishlab chiqishda guruhning ishtirokidan ustunlik olingan taqdirda amalga oshirilishi mumkin va u samarali hisoblanadi; shu paytning o‘zida ushbu usul komissiya ishi bilan bog‘liq ko‘plab qiynchiliklarni minimumga keltiradi yoki ularni bartaraf etadi, zero a’zolar bilan shaxsan muloqotdan ko‘ra, ayniqsa so‘rovnoma pochta orqali amalga oshirilayotgan bo‘lsa, ko‘p vaqt sarflanadi. Yüklə 0,5 Mb. Dostları ilə paylaş:
|