Neriman Qurban indd
XXXV FƏSİL “MÜSƏLMAN”IN ÖLÜMÜ Muhamməd Əsəd bəy
Yüklə 2,37 Mb. Pdf görüntüsü
|
|
XXXV FƏSİL
“MÜSƏLMAN”IN ÖLÜMÜ Muhamməd Əsəd bəy
eləyib, Əsəd bəyə yazı makinası, radioqəbuledici alıb cəmi yeddi kilometr uzaqda yerləşən Pozitanoya yollandılar. Pozitano Əsəd bəyi valeh elədi; dəniz sahilindən üzüyuxa- rı səpələnmiş evlər, pansionlar, dükanlar, restoranlar, kafelər, əyləncə yerləri gözəl mənzərə yaradırdı. Bir-birindən başla- yan, harda qurtarması bəlli olmayan pilləkənlər, dolama küçələr, bir-birinin damında yerləşmiş kimi görünən evlər ona bir qədər Tiflisin və Bakının dağüstü məhəllələrini xatır- latdı.
Əvvəlcə polis idarəsinə gedib qeydiyyatdan keçdi ki, son- ra başağrısı olmasın: Əsəd bəy İbrahim oğludu, müsəlmandı, qafqazlı kübar ailədəndi, kitablar müəllifidi, Pozitanoda bir müddət yaşamağa, müalicə olunmağa gəlib. Düşdükləri ev XVII əsrdə tikilmiş, açıq-sarı rəngli fasadı, dəniz səmtə baxan xiyabanı olan binaydı. Ev sahibləri qraf və 541 qrafiniya Pattisonlar Neapolda gəmiqayırma sahəsində işlə- məyə gəlmiş ingilislərin nəslindən idilər. Hər halda, özlərini qonaqlara belə təqdim elədilər. Leo-Əsəd bəy havanın saflığından ləzzət ala-ala xeyli ter- rasda gəzişdi – hələ bütün əzablarının bir daha arxada qaldı- ğıma inanmırdı. Sonra duruş gətirə bilmədi, bir az gəzmək, heç olmasa, kilsəni görmək istədi. Cəmi yarım saat sonra ke- şiş don Servilyo Cinkvayla tanış olmuşdu. Məşhur Əsəd bəylə ünsiyyətinə sevinən don Servilyo almanca əməlli-başlı danı- şırdı: “Bilirsiniz, sinyor, deyilənə görə, dəniz allahı Poseydon Pazitez adlı bir su pərisinə vurulub, onun adından da bu şəhər yaranıb. Homerin təsvir elədiyi dəniz pəriləri bax o Li Qalli adalarında yaşayırlarmış”. Leo yaxınlığında dayandıqları Santa-Mariya Assunta kilsəsinin bər-bəzəkli damına, sərasin quldurlarından qorun- maq üçün tikilən gözətçi qüllələrinə baxıb köksünü ötürdü: ona bu yerdə rahat yaşamaq qismət olacaqmı, görəsən? “Burda balet festivalı keçirilib, sinyor, – don Servilya həmsöhbət tapdığından sevinə-sevinə danışırdı, – Leonid Myasin Li Qalli adalarını alandan sonra o festivalı keçirdi, qa- lib bilirsiniz kim oldu? Əlbəttə, Rudolf Nuriyev. O “Qallo Lunqo” villasını da Myasin tikdirib. Ötən il Lö Karbüzye həmin villanı yenidən qurdu. Bura kimlər gəlmir, sinyor, – Sergey Dyagilev, Pablo Pikasso, İqor Stravinski, Jan Kokto, Franko Zeffirelli... Mişa Semyonov, “Don Covanni” – İvan Zaqoruyko burda yaşayırlar. Mən onları sizinlə tanış eləyərəm, don Əsəd bəy... Keşiş ona xoş təsir bağışladı, savadlıdı, həm də alman dili- ni yaxşı bilir; amma indi Leo Əsəd bəy getməlidi, sol ayağının ağrıları yenə başlayıb, yeriməyə çətinlik çəkir... Əhməd Cəmil doğrudan da bir neçə gündən sonra Roma- dan gəlib çıxdı, dostunun vəziyyətilə maraqlandı. Xiyabanda gəzişə-gəzişə, ya da dəniz mənzərəli eyvanda konyak içə-içə söhbətləşdilər, Əhməd Cəmil Əlcəzair və Misirdə başına 542 gələnlərdən, Əsəd bəy Qafqazdakı və Avropadakı sərgüzəşt- lərindən danışırdı. Leopold Veysdən, Valter Merinqdən sonra Leonun, yanında özünü belə rahat hiss elədiyi həmsöhbəti olmamışdı. Elə o gün də Əhməd Cəmil gələcəyini vəd eləyib yoxa çıxdı. Əsəd bəy yeni dostunun yoxluğunu dərhal hiss elədi; xüsusilə də payızın sıxıntılı günləri özünü bildirəndə, olan- qalan pulu tükənəndə ona bərk ehtiyac duydu. Nəşriyyatlarla müqavilə bağlaya, çap olunan kitablarının pulunu ala, “Roma Yüklə 2,37 Mb. Dostları ilə paylaş:
|