Nizami SÜleymanov

 Sultan Süleymanın ikinci yürüşü. Q ışı Bağdadda keçi-
rən Sultan Süleyman 1535-ci ilin yazında Bağdaddan Azərbay-
cana doğru hərəkət etdi. I Şah Təhmasib osmanlıların hərəkət 
etdiyi ərazilərdən əhalini Fars vilayətinə, Əcəm İraqına köçü-
rür, suvarma kanallarını, kəhrizləri torpaqla doldurtdurur, taxıl 
və əkin sahələri yandırılır, ərzaq ehtiyatı daşınırdı. Təbriz 
şəhəri ikinci dəfə osmanlıların əlinə keçdi. İ Şah Təhmasib 
Sultaniyyəyə çəkildi. I Şah Təhmasib iyun, iyul, avqust ayla-
rında Sultan Süleymanın yanına öz elçilərini göndərərək, Ərəb 
İraqını vermək şərti ilə sülh bağlamağı təklif etdi. Lakin Sultan 
barışıq təklifini rədd etdi. 
Osmanlı ordusu Sultaniyyə istiqamətində irəlilədi. Sulta-
niyyə ərazisində ərzaq qıtlığından və taun xəstəliyindən Sul-
tanın ordusunun canlı qüvvəsi böyük itkiyə məruz qaldı. 

---

46 
Qızılbaşların öndə olan hissələri isə osmanlılarla qarşılaşdılar. 
Türk qoşunları çoxlu sayda itki verərək geri çəkildilər.
I Şah Təhmasib Bəhram Mirzənin başçılığı ilə qızılbaş 
ordusunun bir hissəsini İbrahim paşanı təqib etmək üçün
göndərdi, özü isə Van qalasına doğru hərəkət etdi.
Vostan yaxınlığında Diyarbəkirin hakimi Məhəmməd 
paşa və Üləmanın hərbi hissələri ilə türkman və zülqədər tay-
fasından olan qorçilər arasında döyüş baş verdi. Osmanlı or-
dusu məğlubiyyətə uğradı, bir neçə osmanlı əmiri əsir alındı.
Qızılbaşlar çoxlu qənimət əldə etdilər və osmanlıları Bidlisə 
qədər təqib etdilər. Bəhram Mirzə Ərciş yaxınlığında osmanlı 
qüvvələrini məğlubiyyətə uğratdı. Osmanlılar Ərciş qalasına 
çəkildilər. Sultan qala müdafiəçilərinə Sinan paşanın başçılığı 
ilə qoşun göndərdi. Sinan paşa Budaq xan Qacarın dəstəsi tərə-
findən darmadağın edildi. Sinan paşa və bir neçə türk sərkər-
dəsi öldürüldü. Mühasirədə qalanlara kömək məqsədi ilə İbra-
him paşanın göndərdiyi hərbi hissəni qızılbaşlar məğlub etdilər. 
İbrahim paşa qalada qalanlarla birlikdə geri çəkilməyə məcbur 
oldu. Van və Ərciş əraziləri qızılbaşlar tərəfindən tutuldu.