127
qilinadi, zarur hollarda yо‘riqnoma yoki maxsus kо‘rsatmani о‘quvchilar e’tiboriga
havola etadi.
Amaliy ishlar metodi о‘quvchilar tomonidan о‘zlashtirilgan nazariy bilimlar
yordamida ularda amaliy kо‘nikma va malakalarni hosil qilishda alohida ahamiyat
kasb etadi:
Amaliy
metodlarga mashqlar, instruktaj (yо‘llanma)lar, о‘quv qо‘llanmalar
bilan ishlash, laboratoriya tajribalari, kasbiy kо‘nikma va malakalarni
shakllantirish kiradi.
Mashqlar
– kasb-hunar ta’limi jarayonini
tadqiq qilish har bir yangi
operatsiyani qisqa muddatli (5-15 minutli) mashqlardan boshlash maqsadga
muvofiqdir. Bu mashqlarni shartli ravishda ta’limiy mashqlar deyiladi. Amaliy
ishlarni bajarish jarayonida о‘quvchilar har
xil buyumlar tayyorlar ekan, mehnat
usullari va harakatlarini bajarish bо‘yicha mashq qilishni davom ettiradilar.
Bunday mashqlarni tayyorgarlik mashqlari deyiladi.
Mashq - aqliy yoki amaliy (jismoniy) harakatlarni bajarish kо‘nikmalarini egallash
yо‘lidagi kо‘p marta takrorlanishlar bо‘lib, mashqsiz kо‘nikma hamda malakalarni
shakllantirish mumkin emas. Mashqlar og‘zaki, yozma, grafik (texnik
jarayonlarni
yoritish), ijtimoiy-foydali, jismoniy va b.sh. turlarga bо‘linadi.
Yozma mashqlar – ta’limning tarkibiy qismi sifatida zaruriy kо‘nikma va
malakalarni shakllantirish va mustahkamlash uchun qо‘llaniladi. Diktant, insho,
masala, misol, referat yozish, tajribani yoritish yozma mashq sanaladi.
Grafikaviy ishlar yozma ishlarga о‘xshash bо‘lib, ulardan texnik jarayonlar
(geografiya, fizika, matematika,
chizmachilik, rasm, texnologik ta’lim)da keng
kо‘lamda foydalaniladi.
Dostları ilə paylaş: 
