Matematik savodxonlik, fan va texnika yangiliklaridan xabardor bo„lish hamda foydalanish kompetentsiyasi elementlari:
Fanga oid bo‗lgan turli formula, model, chizma, grafik va diagrammalarni o‗qiy olish va foydalanish.
Mavzuga oid taqdimot materiallarini tayyorlay olish.
Taqdimot materiallarini tayyorlashda animatsiyalardan foydalanish. elektron darslik va o‗quv qo‗llanmalaridan foydalana olish.
Elektron axborot resurslaridan (texnik) foydalana olish.
Bundan tashqari, ta‘limda har bir o‗quv fanini o‗zlashtirish jarayonida o‗quvchilarda shu fanning o‗ziga xosligi, mazmunidan kelib chiqqan holda, sohaga tegishli xususiy kompetentsiyalar ham shakllantiriladi.
O‗zbekiston Respublikasida ta‘limning uzluksizligi, barkamol shaxsni tarbiyalashga yo‗naltirilganligidan kelib chiqqan holda, umumiy o‗rta, o‗rta maxsus, kasb-hunar ta‘limida (9+3) o‗qitiladigan umumta‘lim fanlari mazmunining izchilligini ta‘minlash maqsadida tayanch kompetentsiyalar hamda har bir o‗quv fani mazmunidan kelib chiqqan holda xususiy kompetentsiyalar belgilandi.
Xususan, biologiya ta‘limi jarayonida quyidagi xususiy kompetentsiyalar shakllantirilishi ko‗zda tutilgan.
Biologiya fani bo‗yicha A1 daraja uchun majburiy minimal ta‘lim mazmuniga qo‗yilagn talablar:
Biologik ob‟ektlarni tanish, ularda boradigan jarayonlarni tushunish va izohlash kompetentsiyasi.
Tabiiy ob‘ektlarni taniydi (hujayra, o‗simlik, hayvon, zamburug‗ va bakteriyalar, odam organizmi, tirik organizmlarning tuzilish darajalari), ularning tuzilishidagi o‗ziga xosliklarni anglaydi, biologik jarayonlar modda va energiya almashinuvi, oziqlanish, nafas olish, ayirish, ta‘sirlanish, o‗sish, rivojlanish, ko‗payish, hayotiy jarayonlarning boshqarilish mohiyatini yorita oladi, qiyoslaydi, umumiy va farqli jihatlarini aniqlay oladi.
Biologik ob‟ektlarda boradigan jarayonlarni kuzatish, tajribalar o„tkazish va xulosalash kompetentsiyasi.
Maktab tajriba maydonida va sinf xonalarda o‗stirilayotgan o‗simliklarni taniydi, maktabning tirik burchagidagi va tabiatdagi hayvonlarni kuzata oladi. Tajriba maydonlarida o‗stirilayotgan o‗simliklarda tajribalar o‗tkaza oladi va xulosalar chiqara oladi. Biologiya xonasida mavjud didaktik va tarqatma materiallar, laboratoriya jihozlari bilan ishlay oladi, vaqtinchalik preparat tayyorlay oladi va xavfsizlik qoidalariga rioya qilishni biladi.
