O. T. Husanov konstitutsiyaviy

1 Karimov I.A. 0 ‘zbekiston XXI asr bo‘sa g ‘asida: xavfsizlikka tahdid, barqarorlik shartlari va taraqqiyot
kafolatlari. - Т.: «O‘zbekiston*, 1997. 181-bet.
2 0 ‘sha asar. 174-bet.
80

---

Demokratiya ij'timoiy hayotda o‘z o‘rnini to‘la topishi, undan barcha 
bahramand bo‘lishi uchun uning har ikki shaklidan to‘g ‘ri foydalanish, ular 
o‘rtasida barqaror mutanosiblikka erishish zarur.
7-§. Davlat o4z faoliyatida tayanadigan prinsiplar
0 ‘zbekiston o‘z taqdirini belgilovchi asosiy hujjat - Konstitutsiyani qabul 
qilishdan ko‘zlangan maqsadlardan biri sifatida demokratiya va ijtimoiy adolatga 
sadoqatni namoyon qilish ekanligini e’tirof etgan.
Davlat o‘z faoliyatini inson va jamiyat farovonligini ko‘zlab, ijtimoiy adolat 
va qonuniylik prinsiplari asosida amalga oshiradi (14-modda).
Davlatning faoliyati, eng avvalo, jamiyat farovonligini ko‘zlashi xalq xohish- 
irodasiga to‘la mos tushadi. Bu yo‘lda davlatning tashkilotchilik qobiliyati, undan 
foydalanish alohida ahamiyat kasb etadi.
Jamiyat farovonligiga erishish yo‘lida iqtisodiy asoslarni yaratish, bozor 
munosabatlarini shakllantirish borasida davlatning o‘tkazayotgan tadbirlari 
konstitutsiyaviy normalarni hayotga tatbiq qilishdir.
0 ‘zbekiston faqat demokratik huquqiy davlat emas, balki demokratik odil 
davlat qurishni ham maqsad qilib qo‘ygan'.
Jamiyatda adolat o‘rnatilmasa, boshqa amalga oshirilayotgan tadbirlar o‘z 
samarasini bermaydi. Adolat hamma jabhalarda: siyosiy hayotda, iqtisodiyotda, 
tu rm u sh nin g barcha munosabatlarida o‘rnatilishi zarur.
Adolatning buzilishi og‘ir oqibatlarga, fojiaga sabab bo‘ladi. Ijtimoiy adolatni 
buzish aholining shunday ham ta n g ahvolini yanada og‘irlashtirib, jiddiy ijtimoiy 
ziddiyatlarga olib kelishi mumkin2.
0 ‘zbekiston bir tuzumdan boshqa tuzumga o‘tdi. Ushbu davrda odamlarning 
moddiy ahvoli yomonlashuviga olib keladigan, nomatlub, keskin qarorlar qabul 
qilishga ham to‘g ‘ri keldi. Ana shunday paytda aholining kam ta’minlangan, 
ijtimoiy himoyaga muhtoj qismini turli choralar bilan qo‘llab-quvvatlash ijtimoiy 
adolat prinsipiga amal qilish natijasi bo‘ldi.
Umuman, 0 ‘zbekistonning rivojlanishini belgilovchi tamoyillar orasida 
kuchli ijtimoiy himoyani tashkil qilish doimo o‘zini sezdirib turadi.
Adolat prinsipining namoyon bo‘lishi, mamlakatimiz xalqining munosib, 
farovon va erkin hayotini ta ’minlashga, har bir kishi huquq va imkoniyatlaridan 
to‘liq foydalanishi uchun zarur sharoitlar yaratishga o‘z ta ’sirini ko‘rsatadi.
Adolat prinsipining amal qilishi natijasida respublikamizda osoyishtalik va 
barqarorlik saqlanib turibdi.
Adolat prinsipiga amal qilish, uni ijtimoiy hayotning barcha sohalarida 
qo‘llashga erishish davlatga juda qimmatga tushadi. Buning uchun juda katta