O‘qituvchilarga alohida ta’lim ehtiyojlari bo‘lgan bolalar uchun individual ta’lim yo‘nalishini (ity) ishlab chiqish bo‘yicha tavsiyalar

O‘qituvchilarga alohida ta’lim ehtiyojlari bo‘lgan bolalar uchun individual ta’lim yo‘nalishini (ITY) ishlab chiqish bo‘yicha tavsiyalar

Rivojlanishda alohida ehtiyojlari bo‘lgan bolalar uchun individual ta’lim yo‘nalishi – bu bolaning ta’lim va tarbiyadagi shaxsiy salohiyatini amalga oshirishning individual yo‘nalishi ishlab chiqilgan hujjat.

ITY ning vazifalari:

• 
  bolaning maxsus ta’lim ehtiyojlarini aniqlash;
  
• 
  bolaga individual pedagogik yordam ko‘rsatish;
  
• 
  maktabgacha ta’lim tizimining o’quv dasturini o‘zlashtirishga hissa qo‘shish;
  
• 
  bolaning rivojlanishidagi ijobiy o‘zgarishlarni, uning o‘z imkoniyatlariga nisbatan maqsad bilan oldinga siljishini ta’minlash;
  
• 
  alohida ta’lim ehtiyojlari bo‘lgan bolalarning ota-onalariga uslubiy yordam ko‘rsatish.
  

Individual ta’lim yo‘nalishini tashkil qilish bosqichlari:

1. 
   Bola haqida ma’lumotni to‘plash (kuchli tomonlari va muammolari).
   
2. 
   O‘quv yili uchun uzoq muddatli (masalan, izchil nutqni rivojlantirish ) hamda qisqa muddatli ( masalan, 3 haftadan so‘ng, bola 2 ta so‘zdan iborat qisqa iborani talaffuz qiladi ) maqsad va vazifalarni aniqlash;
   
3. 
   Ta’lim mazmunini ko‘rib chiqish;
   
4. 
   Ta’lim berish usullarini tanlash;
   
5. 
   Joriy qilish/amalga oshirish;
   
6. 
   Baxolash (oldinga qo‘yilgan maqsadga qanday erishildi);
   
7. 
   Qayta ko‘rib chiqish va tuzatish (yangi maqsadlarni belgilash yoki oldindan qo‘yilgan vazifalarni birlashtirish, amalga oshirish muddatlarini belgilash, ta’lim berishning yangi usullarini izlash, MTT ning boshqa mutaxassislarini ham jalb qilish va boshqalar)
   

Bolaning individual ta’lim yo‘nalishini amalga oshirishda ota-onalarni jalb qilish juda muhim.

Individual ta’lim yo‘nalishi quyidagi asosiy yo‘nalishlarni o‘z ichiga oladi:

• 
  umumiy va mayda motorikani rivojlantirish;
  
• 
  madaniy -gigiyenik va kommunikativ-ijtimoiy ko‘nikmalarni rivojlantirish;
  
• 
  bola faoliyatini shakllantirish: manipulyativ, sezgi-idrok, fan-amaliy, o‘yin va samarali. Bularga plastilindan yasash, applikatsiya, chizish va samarali faoliyatning boshqa turlari kiradi;
  
• 
  nutqni rivojlantirish: nutqning hissiy asosini, sensomotor mexanizmini, nutq funksiyalarini shakllantirish;
  
• 
  buyumlarga boy bo‘lgan atrofdagi dunyo va ijtimoiy aloqalar haqida tushunchalarni shakllantirish;
  
• 
  makon, vaqt haqidagi tasavvurlarni shakllantirish.