O'rta maxsus, kasb-hunar ta'limi markazi o'zbekiston respublikas
Davolash. Tashxis qo'yilgan zahoti, ekish va tahlillar javobini kutmasdan turib tezda davolashni boshlash kerak. Aks holda ikki kun davomida 50 % bemorni yo'qotish mumkin. Davolash markaziy tomirlardan biriga katetr qo'yishdan boshlanadi. Keng doirada ta'sir qiluvchi antibiotiklar tomir ichiga va muskul orasiga katta ta'sir birlikda qoilaniladi (separin 6—8 g, karbinitsillin 10 g, penitsillin 50—120 mln). 150—200 ml antistafilakkok plazmasi tomir ichiga yuboriladi. Infuzion terapiya yoki gipovolemiyaga qarshi kurashish va siydik ajralishini nazorat qilish septik shokni davolashda asosiy o'rinni egallaydi. Infuzion terapiya tarkibida bir-ikki litrgacha oqsil, bir, bir yarim litrgacha reopreparatlar bo'lishi kerak. Umumiy suyuqlik miqdori 4,5—5 litrdan kam bo'lmasligi maqsadga muvofiq. Bakterial shokni davolashda gormonlarni qo'llash alohida o'rin tutadi. Gormonlar orga-nizmning umumiy reaksiyasini kamaytiradi, qaltirash va harorat ko'tarilishining oldini oladi, tomirlar qarshiligini, yurak urishini va mikrosirkulatsiyani yaxshilaydi. Ularni katta miqdorda, qisqa vaqt davomida qo'llash kerak. Proteolitik fermentlardan kontrikal, trisalol va gordokslar 10.000-20.000 T/Bda qo'llaniladi. Septik shokda metabolik o'zgarishlar, xususan, giperglikemiya, kateho-laminlar va kininlarning chiqishi qonda fibrinolizni kuchaytiradi. Shuning uchun ham geparinoterapiya va reopreparatlar qo'llashning ahamiyati katta. Yuqorida aytilgan usullardan tashqari, terminal shok, o'tkir nafas, yurak-tomir, o'tkir buyrak yetishmovchiligi va boshqa asoratlarga qarshi kurashni va ularning oldini olishni ham unutmaslik kerak.
