Kerakli asbob va reaktivlar: Tuproq, byukslar, tagiga temir setka qо‘yilgan silindr, quritgich shkaf, eksikator, tarozi, tarozi toshlari, filtr qog‘oz, shtativ.
Ishni bajarish tartibi: Buning uchun, ilgaridan og‘irliklari ma’lum bо‘lgan alyuminiy yoki shisha byukslarga tuproq solib, ularning og‘irliklari ham tarozida tortish bilan aniqlanadi. Byukslarga solingan tuproq, quritgich shkaflariga qо‘yiladi va 6 soat davomida 1050C da quritiladi. Quritish vaqtining tugashi bilan byukslar pinset yordamida quritgich shkafidan olinadi va eksikatorga qо‘yiladi. Eksakatorda xona haroratigacha sovitiladi, sо‘ngra esa, ular tarozida tortiladi. Tarozida tortilgan byukslar, qaytadan quritgich shkaflarida 2 soat davomida 1050C da saqlanadi. Keyin esa, byukslar shkafdan olinib, eksikatorda 30-40 daqiqa davomida xona haroratigacha sovitiladi va tarozida tortib og‘irligi aniqlanadi.
Agarda, birinchi tortish bilan ikkinchi tortish о‘rtasida farq bо‘lmasa, quritish ishi tugatilgan deb hisoblanadi. Mabodo, tuproq og‘irligining kamayishi davom etsa, quritish yana bir marta takrorlanadi. Tuproq namligini aniqlashdan olingan natija ma’lumotlari quyidagi jadvalga yoziladi. Tajriba natijalari 6,22 g tuproq tarkibida 1,24 g suv borligini kо‘rsatadi.
Odatda, tuproqni quritish davrida bug‘lanib ketgan suv miqdori foizlarda ifodalanadi.
6,22 – 100
1,24 – X
X=100x1,24/6,22=19,93 %
Demak, olingan tuproq namligi 19,93 % ga teng ekan.
Tuproq namligini aniqlashda olingan natijalar
