O‘zbekiston respublikasi ichki ishlar vazirligi a k a d e m I y a

Bank operatsiyasi 
– bu davlat banki tomonidan berilgan litsenziya 
asosida amalga oshiriladigan pul mablag‘larini jalb etish, kreditlash, 
hisob-kitoblarni amalga oshirish bilan bog‘liq bo‘lgan yuridik ahamiyatli 
hamda texnik harakatlar yig‘indisidir. 
Bank operatsiyalarini amalga oshirish tijorat banklarining asosiy 
faoliyati bo‘lib hisoblanadi. 
O‘zbekiston Respublikasi «Banklar va bank faoliyati to‘g‘risida»gi 
1996-yil 25-aprel qonuniga binoan banklar o‘z faoliyatlarida quyidagi 
bank operatsiyalarini amalga oshiradilar: 
– jismoniy va yuridik shaxslarning, shu jumladan vakil banklarning 
hisobvaraqalarini ochish va yuritish, hisobvaraqalar bo‘yicha hisob-kitob 
qilish; 
– omonatlarni jalb etish; 
– kreditlarning qaytarilishi, foizliligi va muddatliligi sharti bilan o‘z 
mablag‘lari va jalb etilgan boshqa mablag‘lar hisobidan o‘z nomidan 
kreditlar berish.

---

230
Banklar boshqa turdagi operatsiyalarni ham amalga oshirishlari 
mumkin jumladan:
– mablag‘ egasi yoki mablag‘ni tasarruf etuvchi bilan tuzilgan 
shartnomaga binoan pul mablag‘larini boshqarish; 
– chet el valutasini naqd pul va naqd bo‘lmagan pul shakllarida 
yuridik hamda jismoniy shaxslardan sotib olish va ularga sotish; 
– pul mablag‘lari, veksellar, to‘lov va hisob-kitob hujjatlarini inkasso 
qilish; 
– uchinchi shaxslar nomidan majburiyatlarning bajarilishini nazarda 
tutuvchi kafolatlar berish; 
– uchinchi shaxslardan majburiyatlarning bajarilishini talab qilish 
huquqini olish; 
– qimmatli qog‘ozlar chiqarish, xarid qilish, sotish, hisobini yuritish 
va ularni saqlash, mijoz bilan tuzilgan shartnomaga binoan qimmatli 
qog‘ozlarni boshqarish, qimmatli qog‘ozlar bilan boshqa operatsiyalarni 
bajarish; 
– bank faoliyati yuzasidan maslahat va axborot xizmati ko‘rsatish; 
– jismoniy va yuridik shaxslarga hujjatlar va boshqa boyliklarni 
saqlash uchun maxsus binolar yoki ular ichidagi po‘lat sandiqlarni ijaraga 
berish; 
– moliyaviy lizing; 
– xalqaro bank amaliyotiga muvofiq, litsenziyada maxsus ko‘rsa-
tilgan boshqa operatsiyalar. 
Banklar ishlab chiqarish, savdo va sug‘urta faoliyati bilan shug‘ul-
lanishga haqli emaslar. 
Bank operatsiyalari tijorat xarakteriga ega. Bank xizmati pullik 
bo‘lib, uning miqdori bank bilan mijoz o‘rtasida tuzilgan fuqarolik-
huquqiy bitimi asosida belgilanadi.