E`tiborga molik jihati: ijodiy tasavvurni rivojlantirish, vazifalarni taqsimlashni va jamoa bo`lib ishlashni bilish.
Syujet-rolli o`yinlar va Dramalashtirish markazi
Syujet-rolli o`yinlar «Poliklinika»
Maqsad: shifokor kasbini biladi, o`yin davomida shifoxona, poliklinika, dorixona, shifokor mehnati tushunchalaridan foydalanadi.
Kerakli Jihoz va materiallar: stol, stul, shifokor uchun xona, oq xalat, tibbiyot anjomlari, shpris, tana haroratini o`lchovchi asbop, jadvallar, yoritkichlar, dorilar, kassa, «Ona va qiz» o`yini uchun mayishiy jihozlar, idishlar, stollar, stullar, ona uchun sumka, tibbiy ma`lumotnoma uchun qog`oz, karton, ruchka, qog`oz pullar, qo`g`irchoqlar.
Faoliyatni olib borilishi:
Rollarni taqsimlash.
Shaxsiy tashabbusga ko`ra yoki taklif qilingandagidek o`ynaladi.
O`yinning borishi: Bemor qabulxonaga boradi. Shifokorga talon oladi, va qabulga boradi. Shifokor bemorni qabul qiladi, diqqat bilan uning shikoyatlarini eshitadi, savollar beradi, fonendoskop bilan eshitib ko`radi, haroratini o`lchaydi, tomog`ini ko`radi, tashxis qo`yadi. Hamshira resept yozadi, shifokor qo`l qo`yib tasdiqlaydi. Bemor muoalaja xonasiga boradi. Hamshira emlaydi va muoalaja o`tkazadi. Syujet «Muolaja xonasi».
Qo`shimcha qism: MTMning tibbiyot xonasiga sayr.
E`tiborga molik jihati: bolalarning shifokor mehnati, hamshira va dorixona xodimlari haqidagi bilimlarini boyitish, bemorga alohida e`tibor berish, muloqat madaniyati, o`yin davomida bolalarni nutq va muloqatini rivojlantirish, so`z boyligini oshirish.
Til va nutq markazi
Valeologiya «Yoqimli ishtaha»
Maqsad: inson hayotida sog`lom ovqatlanishni ahamiyati haqida tushunchaga ega bo`lish, ovqat hazm qilish sistemasining vazifalari bilan tanishish.
Kerakli Jihoz va materiallar: «Ovqat hazm qilish tizimi», «To`g`ri ovqatlanish qoidalari» aks etgan jadval, o`yin uchun oziq-ovqat mahsulotlari.
Dostları ilə paylaş: |
