2.2. Doston vositasida o„quvchilarni ma‟naviy-axloqiy qadriyatlar
ruhida tarbiyalashning o„ziga xos xususyaitlari
Mustaqil mamlakatimiz kelajagi bo‗lgan yosh avlodni ma‘naviy-axloqiy
jihatdan yuksak insonlar qilib tarbiyalashda ta‘lim-tarbiyaning uzluksizligini
ta‘minlash va uni tizim shaklida tashkil etish asosiy masalalardan biridir. Bu
borada o‗quvchilarni sinfdan tashqari mashg‗ulotlarga jalb etish bilan ham
o‗quv-tarbiya jarayonining uzviyligiga erishiladi. Sinfdan tashqari tarbiyaviy
ishlarning vazifasi faqatgina o‗quvchilarni band qilish emas, balki ancha
murakkab, ya‘ni ularni ijtimoiy hayotga tayyorlash, darslarda olgan bilimlarini
mustahkamlash, milliy qadriyatlarimizdagi insonparvarlikka yo‗g‗rilgan
g‗oyalarni ularga targ‗ib etish, qolaversa, ularning hayotini zavq va shavqqa
to‗ldirishdan iboratdir. Ayniqsa, sinfdan tashqari tarbiyaviy ishlar natijasida
o‗quvchilarning qobiliyat va layoqatlari yaqqol namoyon bo‗ladi, shuningdek,
bolalarning dars mashg‗ulotlarida hosil bo‗lgan zerikish va toliqish holatlari
bartaraf etiladi.
Xuddi dars mashg‗ulotlar jarayonida bo‗lgani kabi tarbiyaviy ishlarni tashkil
qilishda sinf rahbarining vazifasi mas‘uliyatli va ahamiyatlidir. Bu mas‘uliyat
undan doimiy ravishda o‗z ustida ishlash, ijodiy mehnatni talab qiladi.
Sinf rahbari tarbiyaviy tadbirlarni uyushtirishda quyidagi pedagogik talablarga
amal qilishi kerak:
- o‗quvchilarning imkoniyatlari, bo‗sh vaqtini hisobga olishi;
- dars mashg‗ulotlarida olgan bilimlarni mustahkamlashga xizmat qiluvchi
tadbir shakllarini tanlay olishi;
- tadbir aniq maqsad va reja asosida uyushtirilishi;
39
-tadbir orqali o‗quvchilarda jamoatchilik, uyushqoqlik, o‗zaro yordam kabi
axloqiy sifatlarni tarkib topishiga erishishi lozim.
O‗quvchilar
bilan uyushtiriladigan tarbiyaviy tadbirlar quyidagi
bosqichlarda amalga oshiriladi:
1. Tadbirni rejalashtirish.
2. Tadbir yuzasidan o‗quvchilarga tushuncha berish.
3. Tadbirni tashkil qilish jarayonida o‗quvchilarning barchasi ishtirok
etishini ta‘minlash.
O‗quvchilarning imkoniyatlari darajasidan kelib chiqqan holda ishlarni
taqsimlash.
1. Tadbirni amalga oshirish.
2. Tadbir natijalarini tahlil qilish va baholash.
3. Bosqichlarning har biri sinf rahbari tomonidan oldindan chuqur
o‗rganilgan bo‗lishi lozim.
Yuqoridagi vazifalarni amalga oshirish uchun yordam beradigan quyidagi
metodik tavsiyalarni bayon etishni lozim topdik:
1. Sinf rahbari o‗quvchilarning sinfdan tashqari tadbirlariga rahbarlik qilishda,
avvalo milliy qadriyatlar, jumladan, ―Go‗ro‗g‗li‖ dostonidagi ma‘naviy-axloqiy
qadriyatlardan kengroq foydalanish imkoniyatlarini izlashi;
2. Yaxshi ishtirok etgan o‗quvchilarni sinf va maktab jamoasi oldida
rag‗batlantirish.
3. Sinfdan tashqari tadbirlar orqali o‗quvchi shaxsidagi axloqiy sifatlarni
rivojlantirish yo‗llarini izlash.
Mazkur ishlarni amalga oshirishda har bir tashkilotchi, eng avvalo, tashkil
qilinadigan tarbiyaviy tadbirlarning mazmunini chuqur o‗rganishi, uning
natijalariga jiddiy e‘tibor berishi va bu bilan o‗quvchi shaxsiga ijobiy ta‘sir etishga
intilmog‗i, o‗quvchilarda vatanga e‘tiqod, milliy g‗urur, vatan ravnaqi uchun
xizmat qilish, qolaversa, ona tabiatni asrash kabi sifatlarni yanada rivojlantirish
yo‗llarini izlamog‗i lozim.
40
―Go‗ro‗g‗li‖ dostoni asosida o‗quvchilarni ma‘naviy-axloqiy qadriyatlar
ruhida tarbiyalash jarayonini yanada takomillashtirish, ularni ijtimoy hayotga
tayyorlash, darsda olgan bilimlarini amalda mustahkamlash maqsadida turli adabiy
kechalar, bellashuvlarni o‗tkazish maqsadga muvofiqdir. ―Go‗ro‗g‗li‖ dostoni
asosida o‗quvchilarni ma‘naviy-axloqiy qadriyatlar ruhida tarbiyalash shakllaridan
biri ( adabiy kechalar hisoblanadi. Bugungi kunda adabiy kechalarni boshlang‗ich
sinf o‗quvchilari bilan birga o‗tkazish ularning ma‘naviy-axloqiy jihatdan
tarbiyalash ga xizmat qiladigan vositalardan biridir. Sinfdan tashqari adabiy
kechalarni uyushtirishda o‗quvchilarning ommaviy tarzda jalb etilishi, ularda
o‗zaro birdamlik, hamjihatlilik, bilim olishga yanada intilish kabi ijobiy sifatlarni
shakllanishiga olib keladi.
Biz yuqoridagi fikrlarimizda ta‘kidlaganimizdek, o‗quvchilarni ma‘naviy-
axloqiy qadriyatlar ruhida tarbiyalashda ―Go‗ro‗g‗li‖ dostonining o‗rni va roli
kattadir. Chunki, dostonda bugungi kunning eng dolzarb masalalari o‗z aksini
topganki: ular ona-Vatanga sadoqat, ajdodlar xotirasiga cheksiz hurmat, ona
tabiatni asrash, tinchlik uchun kurash, bag‗ri kenglik, inson erki va haq-huquqlari,
iqtisodiy farovonlik qolaversa, biz yoshlarni har taraflama barkamol insonlar qilib
tarbiyalash kabi masalalar o‗z yechimini topgan. Yuqorida aytganimizdek,
―Go‗ro‗g‗li‖ dostonini mutoala qilgan va undagi g‗oyalarni anglagan
mamlakatimiz
yoshlarida
ajdodlarimizga
nisbatan
hurmat,
ehtirom,
ularningizdoshlari bo‗lishga intilish kabi hohish istaklar paydo bo‗ladi. Ayniqsa,
―Go‗ro‗g‗li‖ dostonini o‗rganishga bag‗ishlangan kechalar yoshlarning ruhiyatiga
kuchli ta‘sir ko‗rsatadi, uzoq tariximiz, ota–bobolarimizning mard va jasurligi,
ularning oliyjanobligi haqida boy bilimga ega bo‗ladilar. Shuningdek, bu kabi
kechalar vositasida yoshlarda Vatanga bo‗lgan yuksak e‘tiqod, milliy g‗urur, o‗z
manfaatlaridan vatan manfaatlarini ustun qo‗yish kabi oliy janob hislatlar
shakllanadi.
―Go‗ro‗g‗li‖
dostoni
vositasida
adabiy
kechalarning
tarbiyaviy
imkoniyatlarini to‗la ro‗yobga chiqarish uchun avvalo, adabiy kechani qanday
tayyorlash va o‗tkazish masalasini puxta o‗ylab, atroflicha rejalashtirib olish lozim.
41
Birinchidan, adabiy kechaning tarbiyaviy maqsadini aniqlash va shu maqsad
asosida uning mazmunini belgilash zarur. Adabiy kecha uchun mavzu tanlanganda
quyidagi meyorlarga amal qilinadi: mavzu keng qamrovli, yuksak axloqiy
ideallarni o‗zida mujassamlashtirgan va uning tarbiyaviy darajasi yuqori bo‗lishi
kerak. Mavzuning tarbiyaviylik darajasi yuqori bo‗lishi zarurligining sababi
shundaki, uning shakli va g‗oyalari yoshlarda yuksak ma‘naviy–axloqiy sifatlarni
shakllantira olishi muhimdir. Ikkinchidan, adabiy kechaning tarbiyaviy ta‘siri
kechaning qanday o‗tishidagina emas, ko‗proq uni qanday tayyorlashda bo‗ladi.
Demak, buning uchun kechaga tayyorgarlik ishlari har taraflama puxta va rejaga
amal qilgan holda tashkil etilishi kerak.
Bizningcha, adabiy kechalar quyidagi tartibda o‗tkazilsa, maqsadga muvofiq
bo‗ladi:
-kechaning mavzusini tanlash va mavzu yuzasidan materiallar to‗plash;
- kechaning dasturini tuzish;
- kechaga mehmonlar taklif etishni rejalashtirish;
-kecha o‗tkaziladigan joyni aniqlash va bezash;
-kechani muvaffaqiyatli o‗tkazish va qatnashchilarni rag‗batlantirish.
1. ―Go‗ro‗g‗li‖ dostoni vositasida tashkil etilgan adabiy kechani har xil
ko‗rgazmalar, o‗yinlar, viktorina, suratlar namoyishi, vatan haqida she‘rlar
aytishuvi kabilar bilan boyitilishi har taraflama foydalidir. ―Go‗ro‗g‗li‖ dostoni
vositasida tashkil etiladigan adabiy kechalarni ―Ajdodlar xotirasi muqaddas‖,
―Go‗ro‗g‗li vatanparvar shaxs‖, ‖Go‗ro‗g‗li xalqimizning sevimli qahramoni‖ kabi
mavzularda o‗tkazish mumkin. Demak tanlangan mavzu butun kecha davomida
o‗z ifodasini topgan bo‗lishi lozim.
Kechani qiziqarli o‗tkazish uchun ―savollarga tez javob qaytaring‖ o‗yinidan ham
foydalanish mumkin. Bunda o‗quvchilar ikki guruhga ajratib olinadi, ularning har
taraflama tengligiga e‘tibor beriladi. Bellashuvni birinchi bosqichda sinf,
keyinchalik maktab miqyosida ham o‗tkazish mumkin. Bunday kechani tayyorlash
uchun kamida bir oy muddat talab qilinadi. Har ikkala tomon kecha o‗tkaziladigan
42
kunni belgilab olgach, kecha tashkilotchilari uning shartlarini belgilab oladilar.
Bellashuvda quyidagi savollar turkumidan foydalanish mumkin:
1. Xalq og‗zaki ijodi deganda nimani tushunasiz?
2. Doston nima?
3. Dostonni kimlar ijro etishadi?
4. Go‗ro‗g‗li qaysi xalq qahramoni ?
5. Go‗ro‗g‗li qaysi elning sultoni ?
6. Go‗ro‗g‗lining vatanparvalik g‗oyalariga misollar keltiring?
7. Chambil yurti kimning vatani?
8. Go‗ro‗g‗lining sevimli armug‗onini oti ?
9. Go‗ro‗g‗lining or-nomusli inson ekani misol keltiring?
10. Go‗ro‗g‗lining jangovor san‘ati haqida ma‘lumot bering?
11. Go‗ro‗g‗lining sevimli nabirasi kim?
12. Go‗ro‗g‗lining insonparvarlik g‗oyalariga misol keltiring?
Kabi savollardan foydalanish mumkin.
O‗quvchilar savol-javoblar bellashuvi bahonasida xalqimizning shonli
tarixi, Go‗ro‗g‗li dostoni, undagi insonparvarlik g‗oyalar bilan tanishadilar.
Bellashuv shartlaridan ko‗rinib turibdiki, vazifalar guruh a‘zolaridan astoydil
tayyorgarlik ko‗rish, vatanimiz haqida ma‘lumotga ega bo‗lish, savollarga javob
berish uchun esa darslik va qo‗llanmalarga murojaat qilish, vatanga nisbatan
e‘tiqod, mehr-muhabbatni namoyon qilishlari talab qiladi.
Boshlang‗ich sinflarda ―Go‗ro‗g‗li‖ dostonini o‗rganishda, uning
turkumlaridan parchalarni diqqat bilan o‗qib, diktant, bayon yozdirish orqali ham
tashkil etish mumkin. Bayonni o‗zlashtirishda quyidagi izchillik saqlanmog‗i
lozim:
Hikoyat hajmi (necha so‗zdan iboratligi) aniqlanadi va bu matnning mazkur
sinf o‗quvchilariga mos kelishi aniqlanadi.
Mavzu doskaga yozib qo‗yiladi.
Matn bir marta sekin, ifodali o‗qiladi.
43
Ishtirok etuvchi kishilar, siymolar, joy nomlari, sonlar, jonivorlar,
o‗simliklar kabilar yoziladi. Raqamlar eslatiladi, matn ikkinchi marta
o‗qiladi.
Har bir xat boshi bo‗yicha savol-javoblar tashkil etiladi.
Biz quyidagi namunaviy yozma ishni bayon misolida ko‗rib o‗taylik:
Bayon mavzusi:
―Go‗ro‗g‗li‖ dostonidagi ―Jorxun Maston‖ turkumi.
1. Bayon uchun izchillik savollari:
a) Nurali qayerda tahsil oldi?
b) Nurali kim bilan do‗stlashdi?
v) Nurali otasi Avazdan nima so‗radi ?
g) do‗st nima qildi, natijasichi?
ye) G‗irotning maston bilan mardonovor kurashining natijasi qanday bo‗ldi? .
―Jorxun Maston‖ turkumining bayoni: Go‗ro‗g‗lining nabirasi Nurali tahsili
davomida yangi do‗st orttiradi. Uning do‗sti xoin edi. U Nuralini safarga
chiqishga va bobosi Go‗ro‗g‗lining G‗irotini so‗rashni aytadi. G‗irot Chambil
elining g‗ururi va ori edi. Nuralining otasi Avaz G‗irotni o‗g‗liga berishni
hohlamaydi, bundan Nurali qattiq xafa bo‗ladi. O‗g‗lining xafa bo‗lganini ko‗rgan
Avaz G‗orotni o‗g‗liga beradi. Safarga chiqqan ikki do‗st ov qilishga qaror
qilishadi, xavfni sezgan G‗irot va ov qushi sira egasiga bo‗yin tovlashmaydi,
chunki, jonivorlar xavfni sezgan edi. Shunday qilib Nuralining do‗sti uni dushman
tomonga olib boradi. Nurali buni sezib qoladi, ammo endi kech edi. Nurali
dushman bilan jang qiladi, afsus dushman ko‗pchilik edi. Dushman Chambil
elining g‗ururi va ori bo‗lmish G‗irotni asir olmoqchi bo‗lishadi, chunki,
Go‗ro‗g‗li G‗irotsiz juda zaiflashib qolar edi. G‗irot qanot bog‗lab, zanjirni uzib,
osmonu-falakka ko‗tariladi va Maston bilan samoda jang qiladi. Dostonda
G‗irotning jangovor ot ekanligi, mardligi juda chiroyli tasvirlangan. Yaralangan ot
chambil eliga arang yetib boradi. Buni ko‗rgan Avaz o‗g‗li Nuralini dushman
qo‗liga tushganini darrov payqaydi. Boshqa otni minib, o‗g‗lini qidirishga yolg‗iz
jo‗naydi. Avaz yo‗lda juda ko‗p qiyinchiliklarni o‗tkazadi. Shunday qilib Avaz
44
dushman bilan yakka, mardonovor jang qiladi. Dostonda Avaz va uning o‗g‗li
o‗rtasidagi mehr-muhabbatni jonli ifodalab berilgan. Doston voqealari shunday
davom etadi.
O‗qituvchi ushbu mustaqil ishni baholar ekan, o‗quvchilarning bayonidagi har
bir savolga bergan javoblari sifati va so‗zlar hajmini e‘tiborga oladi. Ushbu 120
so‗zdan iborat matndan 110 dan ziyodini yozgan o‗quvchiga ―a‘lo‖, 100 dan
ziyodiga ―yaxshi‖, 90 dan ziyodini yozgan o‗quvchiga ―qoniqarli‖, 50 dan ziyodini
yozgan o‗quvchiga ―qoniqarsiz‖ baho qo‗yish mumkin. Bayonlarni yozdirish va
baholashda xulosaviy g‗oyaning chiqarilishiga, so‗zlarning asosiy matndan oshib
ketmasligi, matndagilardan tashqari notanish so‗zlarning kirib qolmasligiga e‘tibor
berish lozim. Har bir yozilgan bayon kelgusi mashg‗ulotlarda muhokama qilinishi
va baholanishi lozim.
Boshlang‗ich sinf o‗quvchilarining turli tantanalarni, an‘analarni, urf-
odatlarni nishonlashda ishtirok etishlari va ushbu tadbirlarda ularga aniq vazifalar
berilishi juda katta ahamiyatga ega. Umumiy o‗rta ta‘lim maktablarida tashkil
etiladigan bunday tadbirlarga ―Navro‗z‖ umumxalq bayramini nishonlash,
―Sumalak‖, Xotira va qadrlash kuni, hosil bayramini nishonlash, ―Bilimlar kuni‖ ni
o‗tkazish va boshqalar kiradi.
Boshlang‗ich sinf o‗quvchilariga bunday bayramlarda vazifalar topshirilishi
va ularning kattalar bilan bir qatorda turib bajarishlari, birinchidan, ularda o‗zlariga
ishonch-g‗ururni tarbiyalasa, ikkinchidan, shu mavzu, tadbir to‗g‗risida yanada
chuqurroq, kengroq tasavvurga, bilimlarga ega bo‗lishlarini ta‘minlaydi.
Uchinchidan esa, ulardagi kattalar o‗rtasida o‗zini tuta bilish, odob-axloq
xislatlarini ham shakllantira boradi.
Kuzatishlarimiz tahlili shuni ko‗rsatdiki, bunday tadbirlarni o‗tkazishda reja
va dastur asosidagi, jamoatchilik, mahalla, ota-onalar, ishlab chiqarish va
korxonalar turli muassasalar hamkorligi yaxshi samara beradi. Darsdan tashqari
tadbirlarni mavzuli va maqsadli holda, masalan, biror mutafakkirning, allomaning
ijodiy merosini o‗rganishga bag‗ishlab, o‗tkazilishi bolalarning faolligini oshiradi,
qiziqishlar doirasini kengaytiradi. Ana shulardan kelib chiqqan holda sinfdan va
45
maktabdan tashqari ishlarni tashkil qilishni takomillashtirish quyidagi shart-
sharoitlarning ta‘minlanishiga bog‗liq:
Sinfdan tashqari ishlarning rejalari qat‘iy choraklik, yillik asosida tuzib
olinmog‗i, maktab pedagogika kengashida muhokama etilishi, boshqa sinflar
rejalari bilan uyg‗unlashishi lozim. Ushbu tadbirlarni o‗tkazishda maxsus joylar,
jihozlar bilan ta‘minlashda mahalla, ota-onalar, korxonalar, xalq ta‘limining rahbar
muassasalari va boshkalar jalb etilmog‗i lozim.
Sinfdan tashqari ishlarni tashkil etish 3 bosqichdan - tayyorgarlik, tadbirni
o‗tkazish va yakuniy qismlardan iborat bo‗lmog‗i kerak. Har bir bosqichda
ko‗riladigan choralar, bajariladigan ishlar aniq rejalashtirilmog‗i zarur. Tadbirlarni
o‗tkazishda turli o‗quv-uslubiy ashyolar: jurnallar, kitoblar, darsliklar, uslubiy
tavsiyanoma, plakatlar, o‗qitishning texnik vositalari, gazetalar, tarqatma va
ko‗rgazmali materiallar va boshqalar lozim bo‗ladi.
O‗tkazilayotgan tadbirlar maktab o‗quv jarayoniga, fanlar sohasiga, mavzular
mazmuniga to‗liq bo‗ysundirilishi lozim. Sinfdan tashqari tadbirlarning
ssenariylari loyihalari puxta ishlab chiqilmog‗i kerak.
Ushbu tadbirlarni o‗tkazishda har bir qatnashchi-ijrochi o‗quvchilarning yosh,
ruhiy, jismoniy xususiyatlari, maktabning mahalliy xususiyatlari hisobga olinmog‗i
lozim.
―Go‗ro‗g‗li‖ dostonini o‗rganishda noan‘anaviy, ya‘ni yangicha mazmun va
shakldagi yozma ishlar, bayonlar, aqliy sayohatlar va boshqalar yuqori pedagogik
mahsulli mashg‗ulotlar hisoblanadi.
―Go‗ro‗g‗li‖ dostonini o‗rganishda o‗quvchilarda faqat ma‘naviy
tushunchalarni shakllantirish emas, balki bolalarda tushunchalar va tasavvurlaridan
asta-sekin muayyan ko‗nikma va xislatlarni takomillashtirishga o‗tish ham
rejalashtirilmog‗i lozim.
Dars va sinfdan tashqari tadbirlarning mazmunan aloqadorligiga va bir-birini
to‗ldirishiga erishish lozim.
Demak, adabiy kecha, ma‘ruzalarni tayyorlash va o‗tkazish jarayonlarini
o‗rganish, tahlil qilish quyidagi xulosalarni chiqarishga imkon berdi: boshlang‗ich
46
sinf o‗quvchilarini ma‘naviy-axloqiy tarbiyalashda adabiy kecha va ma‘ruza
mavzusini to‗g‗ri tanlash; shuningdek, musiqiy tanaffus, suratlar namoyishi, raqs
kabilar o‗quvchilarda axloqiy va estetik didni shakllantiradi; adabiy kechalarni
to‗g‗ri tayyorlash va o‗tkazish shaxs madaniy-ma‘naviy rivojlanishi uchun, o‗z-
o‗zini takomillashtirishi uchun muhim omil bo‗lib xizmat qiladi, bular o‗z
navbatida o‗quvchilarning ma‘naviyatini shakllanishiga olib keladi.
Dostları ilə paylaş: |