O’zbekiston respublikasi oliy va o’rta maxsus ta’lim vazirligi namangan davlat universiteti

168. Urush mavzusida yozilgan “Oltin yulduz“ qissasi kimniki?  
Urush mavzusidagi “Oltin yulduz” (1944-yilda yozilgan) qissasi Abdulla 
Qahhor tomonidan yozilgan. San’atkor asarda fashizm ustidan qozonilgan g’alaba 
omillarini badiiy bo’yoqlarda ifodalaydi. Bu o’rinda asar qahramonlari Ahmadjon 
Shukurov, Bo’taboy kabi obrazlarni ko’rsatib o’tish mumkin. Yozuvchi asarning 
bosh qahramoni Ahmadjon Shukurov obrazini alohida muhabbat bilan tasvirlaydi. 
Mazkur obraz orqali Vatan madhi, mehnat va oila tushunchasi, xalqlar do’stligi, 
qahramonlik hamda g’alabaga bo’lgan ishonch yuksak mahorat bilan yoriyiladi.
Adib asarning bosh qahramoni Ahmadjon obrazini chuqurroq ochish 
maqsadida qahramon tarjimai holiga murojaat qiladi, sarguzashtlarini bayon qiladi, 
bu bilan qahramonning to’laqonli xarakterini yaratishga erishgan. 
169. Sho’rolar mamlakati va qator xorijiy yurtlardagi 75 ga yaqin teatr 
sahnasida qo’yilgan asar kimniki va qanday nomlangan? 
 
Abdulla Qahhor dramaturgiya sohasida ham barakali ijod qildi. Ijodkor 
ko’proq dramaturgiyaning komediya janrida asarlar yozdi. A. Qahhorning “Shohi 
so’zana“(yoki “Yangi yer “) deb atalgan birinchi komediyasi 1949-yilda yozilgan. 
O’sha yiliyoq komediya respublika tanlovida mukofot oldi. Ikki yil o’tgach, Davlat 
41
 A. Қaҳҳoр. Устoд. – “Қизил Ўзбекистон” гaзeтaси, 1960 йил, 29 янвaр. 
42
Epopeya (yun. epopiia, ya’ni epos – rivoya, hikoya, va poieo – yaratmoq, ijod qilmoq) – hajman yirik epik asar. 

---

mukofoti bilan taqdirlandi. Ko’plab gazeta va jurnallarda alohida e’tirof etildi, 
ko’plab tillarga tarjima qilindi. Shuni aytish mumkinki, komediya bir necha yil 
davomida sho’rolar mamlakati va qator xorijiy yurtlardagi 75 ga yaqin teatr 
sahnasida qo’yib kelindi. 
 
170. Abdulla Qahhorning “Shohi so’zana” komediyasida qanday masalalar 
yoritilgan? 
Abdulla Qahhorning ijobiy kulgi asosiga qurilgan “Shohi so’zana” 
komediyasida institutni tamomlab, qo’riq Mirzacho’lni o’zlashtirishga borgan 
yoshlarning – Dehqonboy va Hafizalarning yangi davr farzandlariga xos bo’lgan 
intiluvchan, erkin fikrlovchi qiyofalari aks etgan. Asarda milliy ruh bilan 
sug’orilgan keksa avlod – Xolbuvi va Xolnisaning jonli va hayotiy xarakterlari 
yaratilgan. Yosh avlod vakillari – Saltanat va Omon orqali dadil fikrlovchi yangi 
insonlarning shakllanish jarayoni, yangi davrning o’ziga xos fazilatlari, oilaga, 
muhabbatga, shaxsiy turmushga yangicha munosabatlarni ko’rsatish afsuski, 
sotsialistik g’oyalarni targ’ib etishga bo’ysundirildi.