Raqobatbardoshlik – biror turdagi molning iste’mol qiymati mos keladigan
boshqa tovarga solishtirish, taqqoslash ko’rsatkichi.
Revalvasiya – boshqa davlatlar valyutasiga nisbatan milliy valyuta rasmiy
kursining oshishi.
Rentabellik – korxona faoliyatining foydalik darajasi. Uning uch xil
ko’rsatkichi mavjud: korxona aktivlari rentabelligi, xususiy kapital rentabelligi va
sotilgan mahsulot rentabelligi. Bu ko’rsatkichlarni balansdagi (sof) foyda
ko’rsatkichini korxona aktivlarining o’rtacha yillik qiymati, muomalaga
chiqarilgan aksiyalar miqdori, xususiy kapital miqdori va sotilgan mahsulot
tannarxiga nisbati bilan belgilanadi.
Reklama – tovarlar, xizmatlar haqida turli vositalar bilan ochiq xabardor
qilish.
Rentabellik – xarajatlarni oqlaydigan, xo’jalik nuqtai nazaridan maqsadga
muvofiq, foydali, draomadli. Rentabellik ko’rsatkichi foydaning moddiy, mehnat
va moliyaviy resurslarga nisbati bilan o’lchanadi.
Refaksiya – tovarning narxi yoki og’irligidan uning buzilgan yoki kamaygani
uchun chegirma qilish.
Stagnasiya – iqtisodiyotda turg’unlikni anglatadi.
Stagflyasiya – iqtisodiyotning shunday holatiki, bunda turg’unlik va pulning
qadrsizlanishi birgalikda hukm suradi.
Sug’urta – kutilmagan sharoitlar yoki tavakkalchilikdan ko’rilgan zararni
qisman yoki to’liq qoplash, muhofaza qilish choralari.
Tadbirkor – yuridik shaxs tashkil etgan holda yoki tashkil yetmasdan doimiy
asosda tadbirkorlik faoliyati bilan shug’ullanuvchi shaxs.
Tadbirkorlik – mulkchilik subyektlarining foyda olish maqsadida tavakkal
qilib va mulkiy javobgarligi asosida amaldagi qonunchilik doirasida tashabbus
bilan iqtisodiy faoliyat ko’rsatish.
Tantyema – savdo, sanoat, bank, aksionerlar tashkilotlari foydasidan bu
tashkilotlarning boshqaruv xodimlariga to’lanadigan qo’shimcha mukofot.
