Dispersiya - kutiladigan natijadan haqiqiy natijaning o‘rtacha kvadratik
chetlanishi.
Differensial renta - boshqa resurslarga nisbatan yuqori unumdorlikka ega
bo‘lgan resurs egasi tomonidan olinadigan renta.
Elastiklik (elasticity) - talab va taklifga ta`sir qiluvchi omillarning o‘zgarishi
natijasida ularni qanchaga o‘zgarishi tushuniladi (narxni, daromadi, istе`molchilar
soni va xokazo).
Ehtiyoj (needs) - insonni, korxonani faoliyat ko‘rsatishi va rivojlanishi uchun
zarur bo‘lgan barcha narsalar. Ehtiyoj — bu insonlarni iqtisodiy faoliyat bilan
shug‘ullanishiga undaydigan ichki kuch.
Engel chiziqlari - iste`mol qilingan tovarlar miqdorini iste`molchi
daromadining o‘zgarishidan bog‘liqligini ko‘rsatuvchi chiziq.
Ehtimol (probability) - ma`lum natijaga erishish imkoniyati.
Gollandcha auksion - bu auksionda stavka yuqoridan pastga tovar sotilgunga
qadar pasayib boradi.
Yopiq auksion - bunda tovra uchun ausion hatnashchilari bir-biriga bog‘liq
bo‘lmagan holda stavkalarini qo‘yadi va tovar kim ko‘p stavka qo‘ygan bo‘lsa
shunga beriladi.
Yer narxi - cheklanmagan vaqt davomida yerdan olingan barcha daromadlar
yig‘indisining keltirilgan (boshlang‘ich yilga) qiymati.
Ijara haqi (to‘lovi) - yerdan foydalanuvchi tomonidan bir yilda yer egasiga
to‘lanadigan pul miqdori.
Izokvanta - bir xil hajmda mahsulot ishlab chiqarishni ta`minlovchi omillar
sarflari kombinasiyalarini ifodalovchi egri chiziq.
Izokosta - yig‘indisi bir xil yalpi xarajatga teng bo‘lgan resurslar sarflari
kombinasiyalarini ifodalovchi chiziq.
Iqtisodiy ne`mat - ehtiyojni qondirish vositasi.
Iqtisodiy renta - resursni sotilishi mumkin bo‘lgan narx bilan muvozanat narx
ayirmasiga teng. Noyob, cheklangan resur va ishchining yuqori malakasi uchun
to‘lanadigan qo‘shimcha to‘lov.
