O`zb tarix 11 узб indd

Tarixiy xotiraning tiklanishi. 
O‘zbekiston suveren davlat sifatida 
ijtimoiy-siyosiy hayotda ma’naviy yangilanish jarayonini amalga oshir-
masdan mustaqillikni har tomonlama mustahkamlab bo‘lmasligini hayotning 
o‘zi ko‘rsatdi. Shuning uchun ham mamlakat rahbariyati istiqlolning 
dastlabki paytidanoq bu borada zarur choralar ko‘rdi. 
1991-yili Alisher Navoiy tavalludining 550-yilligi keng nishonlandi. 
Alisher Navoiy nomida Davlat mukofoti ta’sis etildi. Adabiyot institutiga 
Alisher Navoiy nomi berildi. Navoiy haykali Toshkentning Komsomol 
ko‘li deb nomlangan istirohat bog‘iga o‘rnatildi va bu bog‘ Alisher Navoiy 
nomidagi O‘zbekiston Milliy bog‘i deb ataladigan bo‘ldi. 
1994-yilni hukumat qarori bilan mamlakatimizda Ulug‘bek yili, deb e’lon 
qilinishi, uning 600-yilligini O‘zbekistonda va jahon miqyosida, xususan, 
YuNESKO qarorgohi Parijda keng nishonlanishi ham buyuk allomalar 
qoldirgan meros umuminsoniy qadriyatga aylanganligining nishonasidir. 
1996-yil Amir Temur tavalludining 660 yilligi ham keng miqyosda 
nishonlandi. Mamlakat Prezidenti “1996-yilni Amir Temur yili” deb atash 
to‘g‘risida farmon qabul qildi. “Temur tuzuklari” bir necha tilda chop etildi. 
O‘sha davr tarixiy-madaniy yodgorliklari tiklanib, yozma adabiyotlar ilmiy 
muomalaga kiritildi. Juda qisqa fursatda Toshkentda bobokalonimizning 
dunyoviy sha’ni va shavkatiga mos keladigan Temuriylar tarixi davlat muzeyi 
qurildi. 

---

96
Hukumatning maxsus qaroriga binoan, 1999-yil dekabrda Xorazmda 
Muhammad Rizo Erniyozbek o‘g‘li Ogahiy tavalludining 190 yilligi, 
Nukusda Ajiniyoz Qosiboy o‘g‘li tavalludining 175 yilligi, 1998-yil 
oktabrda esa Farg‘onada Ahmad al-Farg‘oniy tavalludining 1200 yilligi keng 
nishonlandi. Islom olamining zabardast allomalari bo‘lmish Imom Ismoil 
Buxoriyning 1225 yilligi, Imom Abu Iso Termiziyning 1200 yilligi, Mahmud 
Zamaxshariyning 920 yilligi, Najmiddin Kubroning 850 yilligi, Bahouddin 
Naqshbandiyning 675 yilligi, Xoja Ahror Valiyning 600 yilligi va boshqa 
allomalarning yubileylari keng nishonlandi.
Samarqand. 
Amir Temur haykali
Shahrisabz. 
Amir Temur haykali
Toshkent.
Temuriylar tarixi davlat muzeyi
Yodda tuting
!
1993-yil Toshkentda, 1996-yil Samarqand va Shahrisabzda Amir 
Temur haykali ochildi. Shu yili Samarqand va Shahrisabz shaharlari «Amir 
Temur» ordeni bilan mukofotlandi.
Zulfi ya va Hamid Olimjon 
haykali. Jizzax