Kitab-ibrahim-esas Layout 1
Yüklə 4,35 Mb. Pdf görüntüsü
|
|
İBRAHİM “XALQ QƏZETİ”NDƏ:
“XALQ”IN ÖZÜ, “XALQ”IN SÖZÜ Həsən HƏSƏNOV, "Xalq qəzeti"nin baş redaktoru, Azərbaycan Respublikasının Əməkdar jurnalisti ÖMRÜN SON AKKORDU Qarlı dağların başında Salxım‑salxım olan bulud! Saçın yolub, mənim üçün Yaşın‑yaşın ağlarmısan? Yunus İmrə İ brahim adi, sönük həyatdan uzaqlaşaraq mənən və ruhən yüksək bir mərtəbəyə qalxmışdı. Onun haqqında yazmaq çətindir mənə. Alışa bilmirəm yoxluğuna. Əlimə qələm alanda ucaboylu, gülümsər çöhrəli İbrahim qarşımda canlanır, parlaq gözlərində həyat qaynayır, gülə‑gülə "mən ölümsüzəm" deyir. Bilirəm, ölümsüz insan olmur. Bir gün dünyaya gələn bir gün də vidalaşıb doğmalarına "əlvida" deyir. Həyatın haçansa bir ölümlə bitəcəyini bilən, dərk edən insan hər zaman tələsir. İbrahim də tələsirdi. Amma dünyadan köç‑ A Ğ L I N Z İ R V Ə S İ N D Ə S Ö N Ə N B İ R Ç I R A Q 135 məyə yox. Bitib‑tükənməyən arzuları, planları vardı onun. Təkcə özü, ailəsi barədə yox, bütün qohumları, dostları, tanışları ba‑ rədə. Onlar da bu planlarda yer almışdı. Evsizə ev vermək, işsizə iş vermək, zəifə, kasıba dayaq durmaq istəyirdi. Aman vermədi əcəl. Tanrı öz dərgahına əvvəlcə yaxşıları seçib aparır. Mərd, sə‑ mimi, xeyirxah, hər zaman haqqın tərəfini saxlayan İbrahim Ömərov yaxşıların yaxşısı idi. Tanrı dərgahında yeri uca olsun! Onu çoxdan tanıyırdım. 1996‑cı ildə bir neçə ay "Respub‑ lika" qəzetində baş redaktorun birinci müavini vəzifəsində ça‑ lışdım. 19 yaşlı gənc İbrahim operator‑dizayner kimi hamının hörmətini qazanmışdı redaksiyada. İlin sonunda mən Azər‑ baycan Dövlət Televiziya və Radio Verilişləri Şirkətində "Xə‑ bərlər" baş redaksiyasına baş redaktor vəzifəsinə təyin olundum və yollarımız ayrıldı. İllər sonra "Xalq qəzeti"nə baş redaktor təyin olundum. Bir gün "Respublika" qəzetində çalı‑ şan Nərgiz xanımla rastlaşdıq, İbrahimin işdən çıxdığını söy‑ İbrahim (sağdan), Həsən Həsənov A Ğ L I N Z İ R V Ə S İ N D Ə S Ö N Ə N B İ R Ç I R A Q 136 lədi. Onun Amasiya rayonundan olduğunu bilirdim. Odur ki, Amasiyadan olan Nazim Mustafadan İbrahimi tapmasını xahiş etdim. On gün sonra İbrahimi redaksiyada texniki direktor və‑ zifəsinə təyin etdim. Savadlı, işgüzar bir insan kimi az bir müd‑ dətdə kollektivdə hamının rəğbətini qazandı. Bir müddət sonra artıq birinci müavin kimi fəaliyyət göstərirdi. Parlaq gə‑ ləcəyinə, həyatda yüksək mövqe tutacağına zərrə qədər də şübhə eləmirdim. Bir gün İnşaat Universitetində ikinci ali təh‑ sil almaq arzusunu bildirdi. – İkinci ali təhsil almaq yaxşı fikirdir. Amma magistratura təhsilini də unutma. Sonra bir şərtim də olacaq, ‑ dedim. – Həsən müəllim, Sizin şərtlərin bitib‑tükəndiyi vaxt olmur ki... Aspirantura təhsili və dissertasiya müdafiəsi növbəti şərtim oldu. Tanrının qədərindən, yazısından xəbərsiz bax beləcə şərt‑ ləşdik. Bir gün söhbət əsnasında mənə dedi ki, hələ heç bir xarici ölkədə olmamışam. Xaricə səfər olanda məni də nəzərə alsa‑ nız, yaxşı olar. Söhbətimizin üstündən bir il vaxt keçmişdi. Lakin səfər üçün müvafiq imkan düşməmişdi. Avqustun qız‑ mar vaxtı idi. Günortaya yaxın kabinetimə daxil oldu. Bir sözü, xahişi olanda, məni dilə tutmaq istəyəndə gülə‑gülə gələrdi yanıma. Simasındakı ifadədən nəsə deyəcəyini anladım. – Sözlü adama oxşayırsan, İbrahim, ‑ dedim. – Həsən müəllim, demokratiya yeni ideyalardan, fikir və düşüncələri qeyri‑adi, qeyri‑məbdud axından qidalanan insan‑ ların enerjisindən güc alır. Bəlkə, redaktor kimi bu prosesə daha bir töhfə verəsiniz. Zarafatyana cavab verdim: – Mövzuya giriş kifayətdir, keç məsələnin məğzinə. Mətbuatın inkişafa pozitiv təsirini gücləndirmək üçün təklifin var, deyəsən. – Əlbə ə, var. Mass‑media sahəsində beynəlxalq təcrübəni A Ğ L I N Z İ R V Ə S İ N D Ə S Ö N Ə N B İ R Ç I R A Q 137 öyrənmək istəyirəm. Bəlkə, məni Londona ezam edəsiniz. Neçə vaxtdır ki, ingilis dili kursuna gedirəm. Letuçkada özü‑ nüz dediniz ki, beynəlxalq təcrübəni öyrənmədən inteqrasiya prosesləri uğur qazana bilməz. Yenə zarafata saldım: – Onda səni Əfqanıstana, İraqa, Sudana göndərəcəm. Qay‑ nar nöqtələrdən reportaj hazırlamağı öyrənərsən. – Oralara Londondan sonra göndərin, razıyam. Söz verirəm, Londonda qəzet və jurnal redaksiyalarında bizdən fərqli, müs‑ bət nə yenilik varsa, öyrənib qayıdacağam. Səfər istəyi o qədər güclü, o qədər ürəkdən idi ki, yox deyə bilmədim. Qərara aldıq ki, xərc çox olmasın deyə mehmanxa‑ nada qalmasın, kirayə bir mənzil tutsun. Avqustun sonunda Londona yola düşdü. İki gün sonra "Skype" vasitəsilə danışdıq. Yüklə 4,35 Mb. Dostları ilə paylaş:
|