Yaylı nəqliyyat. XIX əsrin ikinci yarısından etibarən, Azərbaycanda kapitalist
münasibətlərinin inkişafı ilə əlaqədar olaraq, şəhər əhalisi artıb çoxalırdı. Bu da öz növbəsində,
şəhərlərdə yeni nəqliyyat növlərinə ehtiyac yaradırdı. Bu dövrdə Bakı və Gəncə şəhərlərində
«qazalaq», «kareta», «fayton», «şəraban», «dilicans» və s. kimi, Avropa və Rusiyadan gətirilmiş
yaylınəqliyyat növləri peyda olmağa başlamışdır.
XIX əsrin sonlarına doğru sərnişindaşınmasına tələbatın artması ilə əlaqədar olaraq,
qazalağın quruluşunda müəyyən qədər dəyişiklik yaranmış, yumşaq olmaq üçün ona yay əlavə
olunmuşdur.
Tək at qoşulmuş qazalaq quruluş etibarilə ikitəkərli at arabasına oxşasa da, yaylı olması ilə
ondan fərqlənirdi. Bundan əlavə, yaylı qazalağın təkərləri xeyli böyük və yüngül olması ilə
seçilirdi. 4-5 sərnişin götürə bilən bu nəqliyyat vasitəsi, əsasən, Bakı şəhərində hazırlanırdı.
Yaylı nəqliyyatın digər növü olan fayton, əsasən, şəhərlərdə və şəhərlər arasında sərnişin
211
daşımaq üçün işlənilirdi. XIX əsrin axırlarında Bakıdan müxtəlif istiqamətlərə işləyən 418 fayton
qeydə alınmışdır.
50
