Microsoft Word Bojxona nazariyasi doc

5.4 Bojxona imtiyozlari va preferensiyalari 
 
Tovarlarga nisbatan tarif imtiyozlari va preferensiyalar boj tarifi 
to’g’risidagi qonun bilan belgilanadi va ular individual xususiyatga 
ega bo’lishi mumkin emas, ushbu qonunning ma`lum moddalarida 
nazarda tutilgan hollar bundan mustasno. Tarif imtiyozlari respublika 
Vazirlar Mahkamasi tomonidan belgilangan tartibda beriladi. 
Respublikaning boshqa davlatlar bilan savdo iqtsodiy 
munosabatlarni amalga oshirishda: 
Respublika bilan birga erkin savdo zonasi yoki bojxona ittifoqini 
tashkil qilgan yoxud shunday zona yoki ittifoq tuzish maqsadini 
ko’zlovchi bitimni imzolagan davlatlarda ishlab chiqarilgan tovarlarga 
Respublika Vazirlar Mahkamasi tomonidan belgilanadigan Respublika 
milliy preferensiyasi tizimidan foydalanuvchi rivojlanayotgan 
mamlakatlarda ishlab chiqarilgan tovarlarga nisbatan boj to’lashdan 

---

 
71
ozod qilish, boj stavkalarini kamaytirish yoki preferensial tartibda 
tovar olib kirishga (olib chiqishga) tarif kvotalari belgilash kabi 
preferensiyalar yo’l qo’yiladi. 
Tarif imtiyozlari berish. 
Respublikaning tashqi savdo siyosatining uning bojxona hududi 
doirasida amalga oshiriladi. 
Respublika bojxona kodeksida belgilangan tegishli bojxona 
rejimlari doirasida bojxona hududiga vaqtincha olib kiriladigan yoki 
undan vaqtincha olib chiqiladigan tovarlarga; 
Respublikaning xalqaro shartnomalarga muvofiq chet elda 
investisiya sohasidagi hamkorlik ob`ektlarini qurish uchun butlovchi 
buyumlar tarkibida olib chiqiladigan tovarlarga; 
Respublikaning bojxona hududidan davlat ehtiyojlari uchun 
eksportga ajratilgan hajmlarda olib chiqiladigan tovarlarga; 
Respublikaning bojxona hududiga chet el investisiyalari 
ishtirokidagi korxonalarning chet el korxonalarning nizom fondlariga 
ulush sifatida olib kiriladigan tovarlarga, shuningdek qonun 
hujjatlariga muvofiq mahsulotni taqsimlash to’g’risidagi bitimlarda 
nazarda tutilgan hollarda shundan korxonalar olib chiqib ketadigan 
o’zlari ishlab chiqargan tovarlarni ayrim turlariga nisbatan ilgari 
to’langan bojni qaytarish, boj stavkasini kamaytirish va alohida 
hollarda bojdan ozod qilish kabi tarif imtiyozlari berilishiga yo’l 
qo’yiladi. 
Boj undirishdan quyidagilar ozod qilinadi: 
-  xalqaro yo’nalishda yuklar, bagaj va yo’lovchilar tashiydigan 
transport vositalari, shuningdek ularni yo’lda, oraliq to’lash 
joylarida bir maromda ishlashi uchun zarur bo’lgan yoki 
uning transport vositalarida yuz bergan, avariyalarga 
(nosozliklarga) baro’am berish uchun chet ellarda sotib 

---

 
72
olingan moddiy texnika ta`minota buyumlari va asbob 
anjomlari, yoqilg’i, oziq – ovqat mahsulotlari va boshqa 
mol – mulk; 
-  qonun hujjatlariga muvofiq respublikaning valyutasi chet el 
valyutasi (nulizmatika uchun ishlatiladigan valyuta bundan 
mustasno) shuningdek qimmatli qog’ozlar; 
-  dengizda ov bilan band bo’lgan respublika kemalarini hamda 
respublikaning yuridik va jismoniy shaxslar tomonidan 
ijaraga olingan kemalarni ta`minlash maqsadida bojxona 
hududidan tashqariga olib chiqiladigan moddiy texnika 
ta`minoti va anjomlar, yonilg’i, oziq – ovqat va mol – 
mulk, shuningdek ularni respublikaning bojxona hududiga 
olib kiriladigan ov mahsulotlari; 
Qonun hujjatlarida nazarda tutilgan hollarda davlat mulkiga 
aylantirilishi lozim bo’lgan tovarlar: 
-  chet davlatlar vakillarining respublika qonun hujjatlari yoki 
xalqaro shartnomalarga muvofiq boj to’lanmasdan bularni 
olib kirish huquqiga ega bo’lgan jismoniy shaxslarning 
rasmiy yoki shaxsiy ehtiyojlar uchun foydalanishga 
mo’ljallab bojxona hududiga olib kiriladigan yoki bu 
hududdan olib chiqiladigan buyumlar; 
-  insonparvarlik yordami sifatida davlatlar, hukumatlar, 
xalqaro tashkilotlar tomonidan beg’araz yordam tariqasida 
yoki xayriya maqsadlarida, shu jumladan texnik yordam 
ko’rsatish tarzida avariyalar va halokatlar, tabiiy 
ofatlarning oqibatlarini bartaraf etish maqsadida 
respublikaning bojxona hududiga olib kiriladigan va 
undan undan olib chiqiladigan tovarlar; 

---

 
73
-  bepul o’quv davolash va maktabgacha tarbiya bolalar 
muassasalari uchun mo’ljallangan o’quv qo’llanmalari; 
-  uchinchi davlatlar uchun mo’ljallangan va bojxona nazorati 
ostida respublikaning bojxona hududidan tranzit tartibida 
olib o’tiladigan tovarlar; 
-  bojxona qonun hujjatlariga muvofiq jismoniy shaxslar 
tomonidan bojxona chegarasi orqali olib o’tiladigan va 
ishlab chiqarish yoki boshqa tijorat faoliyatini olib borish 
uchun mo’ljallangan tovarlar; 
-  kichik va o’rta biznes korxonalari o’zlari tashkil etayotgan 
ishlab chiqarishlari uchun texnologiya uskunalarini import 
qilganda.