Transformatorlarni ishlatish
Yüklə 0,74 Mb. Pdf görüntüsü
|
|
5.5. Texnik xizmat ko‘rsatish Texnik xizmat ko‘rsatishning eng mas’uliyatli qismi - elektr kuchlanishi ta’sirida bo‘lgan transformator elementlari va aktiv qismlarini izolyasiyalash, transformator ishlashida qiziyotgan
5.3-rasm. Gaz rele 1 – korpus; 2, 3 va 4 – ta’sirlanuvchi elementlar; 5 – gorizontal o‘q; 6 – rele bo‘shlig‘i elementlardan issiqlikni olib chiqish, shuningdek, atrof muhitdan namlik kirganda qattiq izolyasiyaning namlanishini oldini olish uchun xizmat qiladigan transformator moyining ishlatilishidir. Moyning ekspluatatsion xossalari, asosan uning kimyoviy tarkibi bilan aniqlanadi. Bu esa, o‘z navbatida, asosan xom ashyoni sifatiga va uni tayyorlash va ishlatish jarayonida tozalash usullarini qo‘llashga bog‘liq. Transformatorga ma’lum turdagi moy quyish tavsiya etiladi. Biroq, ba’zi holatalar va shartlarda, transformatorga aralash moy quyish joiz hisoblanadi.
Quyish va to‘ldirish uchun ishlatiladigan moyning har bir turkumi, etkazib beruvchi korxonaning standartga mos kelishini tasdiqlaydigan sertifikati bo‘lishi shart. Transformator bilan birga kelgan moy uchun esa, uning standartga mosligi transformator pasportidagi yozuv bilan tasdiqlanadi. Transformator moyining holati, hajmiga qarab uch turga bo‘linadigan sinov natijalari orqali baholanadi: elektr mustaxkamligi sinovi, qisqartirilgan tahlil va to‘liq tahlil hajmidagi sinov. Sinov uchun olingan namunani 1 litrga moslangan po‘kakli toza shisha idishga olishadi, unda etiketkaga qurilma nomi, sana, namuna olish sababi va na’muna olgan shaxs ko‘rsatiladi. Aksariyat, namuna moyning quyi qatlamlaridan olinadi. Moyni sinov uslubi mos ravishda davlat standartlari (GOST 6581 – 75*, 6370 – 83*, 1547 – 84, 6356 – 75*) asosida bajariladi. Kuchlanishi 220 kV gacha bo‘lgan transformatorlarga quyiladigan moy, quyidagi jadvalda keltirilgan ko‘rsatkichlar orqali baholanadi. Transformatorlar ishlashida moyning teshilish kuchlanishi, 60÷220 kV kuchlanishli bo‘lgan turdagi transformatorlar uchun 35kV/mm dan, 20÷35 kV kuchlanishli turlari uchun 25 kV/mm dan kam bo‘lmasligi zarur.
Moy sinovining davriyligi shunday bo‘lishi zarurki, unda moyning tavsiflari haroratning tahsiridan, magnit maydon kuchlanganligi, moy tarkibidagi kislorodning, moyning metal (po‘lat, mis) va detallar izolyasiyasi bilan kontakti ortishi, hamda tasodifiy yoki ko‘zda tutilmagan hodisalarning (ishlab chiqarish texnologiyasining buzilishi, begona aralashmalarning mavjudligi v.b.) ta’sirida joizdan ortiq yomonlashganligini o‘z vaqtida aniqlash mumkin bo‘lsin.
Yüklə 0,74 Mb. Dostları ilə paylaş:
|