Microsoft Word Sosial Psixologiya docx

Sosial psixologiya - yarandığı gündən məhz psixoloji bilik sahəsi və ya psixologiyanın 
bir  sahəsi  kimi  formalaşıb  inkişaf  etmişdir.  Məhz  buna  görə  də  onu  sosiologiyanın  tətbiqi 
sahələrinə aid etmək olmaz. Sosial psixologiya bir bilik sahəsi kimi ancaq psixologiya elmləri 
sistemində  öyrənilməli  və  təhlil  edilməlidir.  O  da  əmək  psixologiyası  və  ya  pedaqoji 

---

Dr.Musa’s Library
Facebook/Psixologiya Kitabları
8
psixologiya kimi psixologiya elminin müstəqil mövqe qazanmış sahələrindən biridir.  
6. Sosial psixologiyanın problemləri və vəzifələri  
Əgər biz müasir ictimai həyatın ən ümdə xüsusiyyətlərinə diqqət yetirsək, ilk növbədə, 
nəzərimizi  cəlb  edən  cəhət  onun  dinamikliyi  olacaqdır.  İctimai  həyatın  dinamikliyi  özünü 
ictimai  münasibətlərin  çevikliyində  göstərir.  Bu,  insanın  psixi  həyatında  da  aydın  nəzərə 
çarpır.  Müasir  dövrdə  elmi-texniki  tərəqqi,  ictimai  münasibətlərdəki  dəyişkənlik, 
informasiyaların artması və informasiya kanallarının çoxalması, xüsusən də insanların ünsiyyət 
sahəsinin  həddən  ziyadə  genişlənməsi  onların  başqa  adamlarla,  öz  işinə,  fəaliyyət  sahəsinə 
münasibətlərində  də  özünəməxsus  şəkildə  əks  olunur.  Urbanizasiya  şəraiti,  miqrasiya 
prosesləri, rabitələrin kütləviləşməsi, sosial rol və funksiyaların artması və s. ilə əlaqədar olaraq