Dr.Musa’s Library
Facebook/Psixologiya Kitabları
5
Sosial psixologiya bu aktual problemi açıqlayanda üç kateqoriyaya -
şəxsiyyət,
qrup və
ünsiyyət kateqoriyalarına əsaslanır. Hər bir sosial qrup və kollektivdə isə insanlar şəxsiyyət
kimi iştirak edirlər. Onların qrup və kollektivdə qarşılıqlı münasibətləri şəxsiyyətlərarası
münasibət kimi formalaşıb inkişaf edir. Ünsiyyət prosesi də həmişə şəxsi xarakter daşıyır.
Sosial-psixologiya başlıca olaraq aşağıdakı problemləri təhlil edir:
I. Şəxsiyyətin sosial-psixoloji problemləri. Şəxsiyyət problemini mahiyyət etibarilə
bütün ictimai elmlər, birinci növbədə isə ümumi psixologiya öyrənir. Lakin şəxsiyyət
probleminin elə məsələləri vardır ki, onların tədqiq olunması sosial psixologiyanın vəzifəsi
hesab olunur. Şəxsiyyətin sosializasiyası, sosial yönümü və s. həmin məsələlər içərisində
mühüm yer tutur. Sosial psixologiyada şəxsiyyət müəyyən sistem, qrup və kollektiv daxilində
tədqiq edilir, yəni başqa adamlarla birgə fəaliyyəti prosesində nəzərdən keçirilir.
Dostları ilə paylaş: 
