Xalqın keçmişi, inkişaf tarixi, malik olduğu dəyərlər dil vasitə-
silə nəsildən nəslə ötürülür. Dildə heç nə izsiz yox olub getmir. Bü-
tün hadisə və proseslər xalq təfəkkürünün ifadəsi olan dildə yaşa-
yır. Yazıya köçürülənlər əbədi daşlaşır, yazıda öz əksini tapmayan-
lar isə şifahi xalq ədəbiyyatı incilərində (folklorda), dialektlərdə qo-
runub saxlanılır. Buradan belə nəticə çıxarmaq olar ki, dildə mövcud
olan sözlər tarixi yaşadan dəyərlərdir.
Belə bir faktı qeyd etmək yerinə düşər ki, şifahi xalq ədəbiyyatı
nümunələrimizdə öz əksini tapmış, həmçinin bu gün ədəbi dildən
fərqli olaraq öz varlığını şivələrimizdə qoruyub saxlamış qədim türk
sözləri tarixən ənənə xatirinə dilə gəlmiş lüğət vahidləri deyil, uzun
əsrlərdən bəri ümumxalq Azərbaycan dilində işlək olan söz və ifa-
dələrdir (37, 27).
1.2. Azərbaycan dilinin dialekt sistemi
