Microsoft Word Quliyeva Narqiz Dars vasaiti son doc

ÖN  ASİYA  XALQLARI: Coğrafi cəhətdən Ön Asiya 
Kiçik Asiyanı, Mesopotamiyanı, Livanı, 
Ərəbistan 
yarımadasını  və  İran yaylasını özündə birləşdirir. Hal-hazırda 
Cənub-Qərbi Asiyada aşağıdakı dövlətlər yerləşir: Türkiyə, 
İran,  İraq,  Əfqanıstan, Suriya, Səudiyyə  Ərəbistanı, Yəmən, 
İsrail (Fələstin), Livan, İordaniya, Oman sultanlığı, BƏƏ 
(Birləşmiş Ərəb Əmirlikləri), Bəhreyn, Küveyt, Qətər və Kipr 
respublikası. Bu ərazilərin etnik tərkibi haqqında ilkin məlumat 
e.ə. IV-III minilliyə aiddir. Regionun əhalisi 3 linqvistik 
qrupda təmsil olunur: Semit, İran və Türk qrupları. Semit dilli 
əhali  ərəblər, aysorlar və  yəhudilərdir.  İran dilli əhali farslar, 
puştunlar, taciklər, kürdlər, bəluclar və lurlardır. Türk 
dillərində danışan əhali isə türklər, azərbaycanlılar, türkmənlər, 
özbəklər, qaşqaylar, şahsevənlər, qacarlar, əfşarlardır. Burada 3 
böyük dinin əhalisi yaşayır.  Ərazidə müsəlmanlar üstünlük 
təşkil edir. Yəhudilər və xristianlar da qeyd olunan ərazilərdə, 
xüsusi ilə, Yaxın Şərqdə yaşayırlar. Regionun özü də müəyyən 
cəhətlərinə görə etnoqrafik bölgələrə ayrılır:  Əfqanıstan,  İran, 
Türkiyə xalqları, Suriya və  İraq xalqları,  İsrail xalqları, 
Səudiyyə  Ərəbistanı, Yəmən  ərəbləri, Livan və  İordaniya 
ərəbləri, Kipr və Ərəb Əmirlikləri.  
Əfqanıstan  ərazisində  əfqanlar, taciklər və özbəklər 
üstünlük təşkil etməklə yanaşı burada müxtəlif xalqlar da 
yaşayır.  İran  ərazisində farslar, azərbaycanlılar, kürdlər, 
türkmənlər və ərəblər əsas etnik qruplar hesab olunur. Bununla 
yanaşı  İran  ərazisində xeyli miqdarda İran dilli və Türk dilli 
xalqlar da yaşayır. Semit dilli əhali də İranda çoxdur. Türkiyə 
Respublikası ərazisində türklər, kürdlər, türkmənlər, ərəblər, o 
cümlədən, Qafqaz xalqları (çərkəzlər, abazinlər, gürcülər, 
lazlar) üstünlük təşkil edirlər. 

---

_______________Milli Kitabxana______________ 
 51
İraq Respublikası da çoxmillətli ölkələr sırasına daxildir. 
İraqda Semit qrupu, İran qrupu və Türk qrupuna aid olan 
xalqlar yaşayır. Semit qrupu xalqları:  İraq  ərəbləri, Fələstin 
ərəbləri, aysorlar; İran qrupu xalqları: Kürdlər, farslar, lurlar; 
Türk qrupu xalqları: Türkmənlər, türklər. Qeyd olunan iri 
xalqlarla yanaşı azsaylı xalqlar da yaşayır ki, bunlar da 
ermənilər, çərkəzlər, indeylərdir.