Vetinariya 2016. pmd

4-mavzu. Inyeksiya 
 
Inyeksiya (lotincha injectio – sanchish) – farmokologik suyuq 
dori moddalarini yoki biologik preparatlarni kam miqdorda bosim 
orqali to‘qimalar orasiga, anatomik bo‘shliqlarga, qon tomirlarga 
yuborish. 
Tomchilatib quyish (lotincha infusio) ko‘p miqdordagi suyuq- 
liklar (har xil eritmalar, qon va qon o‘rnini bosuvchi moddalar)ni 
organizmga tomchilatib yuborish. 
Inyeksiya va infuziya dori moddalarini og‘izdan yuborishning 
iloji bo‘lmaganda yoki tez davolashga erishish zarur bo‘lganda 
qo‘llaniladi. Bu ishlar shprislar (igna orqali), ignasiz in’ektor yoki 
maxsus sistemalar yordamida bajariladi. 
Shprislar 1, 2, 5, 10, 20 ml hajmda chiqariladi. Lyuyer tipidagi 
shprislar 2, 5, 10, 20, 100 ml bo‘lib shishadan yasaladi. Bu shprislar 
uchun ignalar va ichki konusi katta diametrli konyulalar qo‘lla-
niladi. Bir marotaba qo‘llanuvchi sterillangan plastmassali shprislar 

---

24 
ham chiqariladi (1-rasm). Organizmga 
ko‘p miqdorda eritmalar yuborish, qon 
quyishda, anatomik bo‘shliqlarni yu-
vishda Jane tipidagi shprislar, Bobrov 
apparatidan foydalaniladi. 
Inyeksiya va tomchilab quyish jar-
rohlik infeksiyalarining oldini olishda-
gi barcha qoidalarga to‘laligicha rioya 
qilish, asboblarni, yuboriladigan su-
yuqliklarni sterilizatsiya qilish, qo‘lni 
va operatsiya maydonchasini tayyor-
lash orqali o‘tkaziladi. Inyeksiya diag-
nostik davolash va profilaktika maq-
sadlarida olib boriladi. Suyuqliklarni 
yuborish – teri orasiga, teri ostiga, mus-
kul orasiga, vena va arteriya tomiriga, qorin bo‘shlig‘iga, sinoval 
bo‘shliqlariga, yurakka va boshqalarda amalga oshiriladi. 
Punksiya – diagnostik maqsadlarda biror-bir anatomik bo‘shliq-
da suyuqlik to‘planganligiga shubha paydo bo‘lganda (bo‘g‘im, 
buksa, pay xaltasi va boshqalar) yoki yumshoq to‘qimalarda 
abssess, gematoma va boshqalarni teshishga aytiladi.Bunda olingan 
ekssuddat xarakteriga qarab yallig‘lanish turi aniqlanadi, gumonli 
hollarda mikroskopik va bakteriologik tekshiriladi.