Telman Orucov “Dünyanın gizli tarixinin
Yüklə 0,91 Mb. Pdf görüntüsü
|
|
və ağac boşqabdan yemək yeyirdi.
Deyirdilər ki, Attila Xristian şəhəri Korinfi işğal edəndə, o küçənin hər küncündə fahişə qadınları görüb qəzəblənmişdi. Həmin qadınlara ya adamlarından birinə ərə getməyi, və ya sürgünə yollanmağı seçmək imkanını vermişdi. Romanlar digər düşmənlərinə nisbətən Attiladan daha çox qorxurdu. O, öz adamlarına Roma ərazisində yaşamağa və ya Roma mallarını almağa icazə vermirdi. O, Roma ərazilərinə müdaxilə edəndə, romanlaşmanı dəyişdi, Roma tikililərini dağıtdı və həmçinin Romadan təzminat pulu kimi minlərlə funt qızıl götürdü. 452-ci ildə o, nəhayət Romanı sıxışdırmağa başlayanda imperator, yepiskop Leonu onunla görüşməyə göndərdi. Gələcək Papa Leo Attila ilə sövdələşmə danışığı apardı, bu şərtlərə görə imperatorun qızı Honoriya onun arvadı olmalı idi və minlərlə funt qızılı da cehiz kimi özü ilə götürəcəkdi. Bu səbəbdən də Atilla Roma imperiyası üzərində ağalığa və dünyanı idarə etməyə nail olduğuna inandı. Attila və onun xalqı şamanizmi tətbiq edirdilər. Döyüşlərdə Attila özü ordusuna başçılıq edirdi, ona bunu şaman keşişləri məsləhət görürdülər. Hun ordusu döyüşə ulamaqla atılırdı, silahlarını cingildədirdi, buynuzlarla və zənglərlə səs salırdı. www.kitabxana.net – Milli Virtual Kitabxana 90 Bunların hamısından məqsəd ölülər batalyonunu, öz əcdadlarının kabuslarını çağırmaq idi ki, onlar da əsgərlərlə birlikdə döyüşsünlər. Onlar həmçinin şaman qaydasında ət yeyən heyvanların, canavarların və ayıların ruhlarını haraylayırdılar ki, özlərinə daxil olmaqla, döyüşənlərə fövqəltəbii qüvvə versinlər. “Şaman” sözü tunqus-monqol isimi olub “bilən adam” mənasını verir. Şamanlar barbar müdaxilələri dövründən indiyədək müxtəlif texnikalardan istifadə edirlər, bəziləri bunu “ekştazın arxaik texnikaları” adlandırır. Onlar trans vəziyyətinə düşməklə işləyirlər Ritmik qaval vurmaqla və rəqs etməklə öz sehrli əməllərini həyata keçirirlər. Bir çox tablolar şamanistik mədəniyyətləri, onların translarının məlumatları kimi təsvir edirlər. Müasir ezoterik təlimə görə bütün şamanizm, istər bu köhnə Hun və ya Monqol Ordalarınınkı olsun, istər bu gün Cənubi Afrikada tətbiq edilən sanqoma olsun, bunlar vaxtilə mövcud olmuş gözəl ilkin görünməni təmsil edir. Şərti tarixdə (insanda, heyvanda, bitkilərdə, cisimlərdə müstəqil başlanğıc- ruhların olması barədəki fantastik təsəvvürlər sistemi) dinlər əvvəlki səhnələrində animizm və totemizm (müəyyən tayfa qrupunun hansısa bir totemlə fövqəltəbii əlaqəyə və qan yaxınlığına olan inam. Totem ilahi deyil, nəslin başlanğıcı kimi qəbul olunur) kimi tanınırdı. Bu www.kitabxana.net – Milli Virtual Kitabxana 91 bütün qədim sivilizasiyaların dolaşıq kosmologiyalarına doğru inkişaf etdi. Gizli tarixdə bəşəriyyətin ilk qarşılaşdığı görünmə dolaşıq, təhrif edilmiş və gözəl idi, yalnız sonralar animizmə, totemizmə və şamanizmə doğru pozuldu. Attilanın tayfa xalqı şamanizmi tətbiq edirdi, onlara bu ruh dünyalarına girmək imkanı verirdi. Çox sayda kilsə xadimləri buna qısqanclıq edə bilərdilər, lakin bu atavistik (yaşlı orqanizmlərdə onların keçmiş əcdadlarına xas olan xüsusiyyətlərin və əlamətlərin meydana çıxması belə adlanır) vəziyyətdəki ruh dünyasına girmək idi. Narkotiklərlə ruh dünyasına daxil olmaq, lazım olan hazırlıq olmadan bunu etmək idi və demonik ölçüyə girmək üçün qapını aça bilərdi. 453-cü ildə Attila yüksək silkdən olan ailədən olan gənc qızla evləndikdə öldü. Onun bu vaxtı artıq yüzlərlə arvadı var idi və Roma imperiyasının sonunu müşahidə edirdi. İnsan şüurunun yeni pilləsinin erkən böyüməsi qönçəni qopartmaq kimi bir şey idi. Səhərisi gün Attilanın ölüm xəbəri yayıldı. O, əvvəllər də burnundan çox miqdarda qan açılmasından əziyyət çəkmişdi. Çoxları Persiyaya gəlirdi, burada Xosrov şah yunan sivilizasiyasını ihamlandırana bənzəyən böyük akademiyanın əsasını qoymağı arzulayırdı. Neoplatonizmin, Qnostisizmin və www.kitabxana.net – Milli Virtual Kitabxana 92 Hermetisizmin elementlərini özündə birləşdirən intellektual fermentdə Aristotel metodologiyası maddi dünyanın və ruh dünyalarının birləşdirməsi şəklində tətbiq olunurdu. Beləliklə Ərəb magiyasının qızıl erası başlandı. Burada heç də təəccüblü belə bir şey yoxdur. Bütün bizim uşaqlığımız sehrli görmə tərəfindən – dühalardan, sehrli lampalardan yaranan işıq idi. İslam peyğəmbəri və islam sivilizasiyası İndi isə kitabın müəllifinin islam peyğəmbəri haqqındakı fikirləri ilə bir qədər geniş şəkildə tanış olaq. 570-ci ildə Məkkədə Məhəmməd adlı uşaq anadan oldu. Altı yaşı olanda o, hər iki valideynini itirmişdi və çoban kimi əmək fəaliyyətinə başladı. O, enlikürəkli, qara qıvrım saçları olan və saqqalının arasından ağ dişləri görünən gənc kimi böyüyürdü. Dəvə sürənə çevrildi, karvanla ədviyyat və ətirli maddələr daşıyırdı, xüsusən Məkkədən Suriyaya səfərlər edirdi. İyirmi beş yaşında o, Məkkənin varlı dul qadını ilə evləndi, şəhərin ən varlı və nüfuzlu vətəndaşlarından birinə çevrildi. Valideynlərini itirməsi hesabına o, itirdiklərinin hamısını sonralar geri qaytarsa da, heç də məmnun deyildi. Məkkənin dini mərkəzində Kəbə adlanan qara qranit daş var idi, www.kitabxana.net – Milli Virtual Kitabxana 93 bəzi ənənələrə görə bu daşın Sirius ulduz sistemindən yerə düşməsi deyilirdi. Həmin vaxt Ərəbistan şamanistik tayfalar tərəfindən məskunlaşmışdı, adamlar öz allahlarına və ruhlara sitayiş edirdi. Kəbədən kənarda yüzlərlə bütün saxlandığı müqəddəs çadır var idi. Məkkə həmçinin müqəddəs suyu satmaqla pozulmuşdu – bu su İsmayılın hesabına qumdan çıxan bulaqdan götürülürdü. Məhəmmədin gözündə hər şey qeyri- müəyyənlikdə görünürdü. O, gördü ki, adamlar yalnız pul qazanmağa, qumar oynamağa, at çapmağa və sərxoşluğa maraq göstərir. Dəvə karvanı ilə Suriyaya gedəndə o, İudaizm və İisus Xristin əhvalatları barədə eşitmişdi. Məbədin təmizlənmə əhvalatı onun həssas siminə təsir etmişdimi? Məhəmməd belə bir inama yiyələnmişdi ki, Ərəbistan xalqı İisus Xrist kimi bir peyğəmbərə möhtacdır, bu peyğəmbər xalqı cəhalətdən, pozulmadan təmizləyə bilər və onları bir kosmik niyyətdə birləşdirə bilər. Məhəmməd Məkkənin ətrafındakı dağların üstündə oturub bunların hamısına necə nail olmaq barədə düşünəndə, mələk onun qabağında göründü və dedi: “Mən mələk Cəbrayılam”. Bu gözə görünmə sonra Məhəmmədə qızıl lövhəni göstərib, onu oxumağı dedi. Məhəmməd etiraz etdi ki, o, savadsızdır, lakin Cəbrayıl ikinci dəfə ona əmr etdikdə, Məhəmməd gördü ki, həqiqətən oxuya bilir. Beləliklə, mələklə söhbətlər seriyası başlandı və bu www.kitabxana.net – Milli Virtual Kitabxana 94 Qurana çevrildi. Sonra Məhəmməd şəhərə enib Cəbrayılın ona öyrətdiklərini parlaq səmimiyyətlə və valehedici qüvvə ilə moizə etdi. O, öz kredosunu belə adi şərtlərdə cəmləşdirə bilərdi: Mənim təlimim sadədir. Allah vahid allahdır. Bütpərəstlikdən imtina et. Oğurluq etmə Yalan danışma. Böhtan atma Və heç vaxt sərxoş olma. Əgər sən bu təlimləri qəbul etsən, sən İslamın yolu ilə gedəcəksən. İlahi qüvvə tərəfindən ilhamlanmış öz mülahizələrini sübut etmək üçün ondan möcüzə göstərmək tələb edildikdə, Məhəmməd bundan imtina etdi. O, dedi ki, Allah göyləri dayaqların köməyi olmadan yüksəltmişdir, yeri, çayları, əncir, xurma və zeytun ağaclarını yaratmışdır və bu şeylərin hamısı kifayət qədər möcüzədir. Bu coşğun materializmdə müasir eranın ilkin pıçıltılarını eşidirik. Mələklə olan söhbətlər ərzində böyük mələk Cəbrayıl sərinləmək üçün Məhəmməddən nəyisə seçməyi xahiş etdi. Məhəmməd okkultistlərin “ay şirəsi” adlandırdıqları südü seçdi. İslamda spirtli içki qadağan ediləcəkdi. Ezoterik nöqteyi-nəzərdən yüksək əhəmiyyət daşıyan bu idi ki, Quranı diktə edən mələk Cəbrayıl, ənənəvi cəhətdən Ayın arximələyi idi. Cəbrayıl burada bəşər ehtiraslarına nəzarət edən fikir qüvvəsinin və məhvedici fantaziyanın rəmzi kimi çıxış edir, onun allahı isə böyük allah idi və müsəlman ikönorafiyasında hilal ay kimi təsvir olunur. Məhəmmədin www.kitabxana.net – Milli Virtual Kitabxana 95 Məkkənin bazar meydanında moizələri bəzilərini, onu öldürmək qəsdini hazırlamağa həvəsləndirir. O, öz şagirdi, öz ardıcıllarının rəhbəri olan Əbu Bəkrlə Mədinə şəhərinə mühacirət etdi. 629-cu ildə o, Məkkəyə qayıtdı, öz ölümünə qədər qalan müddətdə (Məhəmməd peyğəmbər 632-ci ildə vəfat etmişdir) Ərəbistanın qalan hissəsi üzərində öz nəzarətini qurdu. Əbu Bəkr onun varisi və ya Xəlifə olduqda, işğallar təəccübə səbəb olan qaydada davam etdirildi. Dini uğurlu edən şeylərdən biri, onun dünyada işləməsi, belə deyilsə, maddi fayda gətirməsi idi, Məhəmmədin radikal monoteizmi, Aristotelin elmi metodologiyası ilə birləşməklə, axırıncı həqiqətən də ərəb fikirinə nüfuz etmişdi, tezliklə İspaniyadan tutmuş Çinin sərhədlərinə qədər Yer kürəsini dolaşdı. Ərəblər Zoroastrizmdən, Buddizmdən, Hinduizmdən və kağız istehsal etmək də daxil olmaqla, Çin elmindən yeni ideyaları həzm etməklə, onları yayırdılar. İslamda, onun zəfər dövründə ehkamçılığa və paternalizmə çevrilmək kimi bir meyl var idisə, Sufizm əks impulsu təmsil edirdi, vaxtaşırı təhrif edilməyə və bu yolla paradoksal fırlanmağa aludəçilik göstərən və ruha xas olan bir təlim idi. Ezoterik islam ruhi həyatın tərəfində olmağını hiss edirdi. Bu, isə Sufi poeziyasında geniş şəkildə öz ifadəsini tapırdı. Qurandakı ayəyə (50.16) müvafiq olaraq “Allah adama onun şah damarından yaxındır” sözləri həm www.kitabxana.net – Milli Virtual Kitabxana 96 də yüksək dərəcədə adamları özünəməxsusluqdan ayırırdı, kütlə artıq onun çağırışına oyanırdı. Böyük Sufi yazıçısı İbn Ərəbi deyirdi ki, Sufi müəllimi o adamdır ki, öz üzərindən pərdəni götürür. Sufi müəlliminin təlimatı altında keçirilən dərslərə nəfəs almanın dəyişən təcrübələri və vəziyyətə nail olmaq üçün istifadə edilən musiqi daxil ola bilərdi. Sufizm bəzən “yuxudan oyanma” kimi ağrılı prosesləri öyrədirdi, bu özü barədə və bizdən keçən kosmik mistik axından agah olmağa imkan verirdi. Harun ər- Rəşid öz erasının qeyri-adi şəxsiyyətlərindən biri idi. O, iyirmi yaşında xəlifə olmuşdu və Bağdadı dünyanın ən füsunkar şəhərlərindən birinə çevirmişdi, saraylar tikdirmişdi. Ona yüzlərlə əyanlar, qullar və hərəmlər xidmət edirdi. “Min bir gecə” nağılları onun hökmranlığının müxtəlif cəhətlərini təsvir edir. O, sarayına dövrünün bütün böyük yazıçılarını, incəsənət xadimlərini, mütəfəkkirlərini cəlb etmişdi. “Min bir gecə”də olduğu kimi belə şayiə gəzirdi ki, o, bəzən gizli qapıdan maska altında sarayından çıxırdı ki, xalqın nə danışdığını eşitsin və onların real olaraq nə düşündüklərindən hali olsun. Ən məşhur hekayətlərdən birində dənizdəki balıqçının öz torunda iri dəmir qazanı çıxardığı göstərilir. O, sahilə çıxdıqda gördü ki, qazanın metal səthinə Solomonun möhürünün üçbucağı nəqş olunmuşdu. Təbii olaraq çox şeyə maraq göstərən balıqçı qazanı açdı və birdən ondan www.kitabxana.net – Milli Virtual Kitabxana 97 qalxan qara buxar bütün göy üzünə yayıldı. Beləliklə o, görünə bilənlərin hamısını qaranlığa qərq etdi. Buxar yenidən cin formasındakı monstra çevrildi və balıqçıya dedi ki, o, Solomonun qazanında dustaq edilmişdi. And içmişdi ki, kim onu azad etsə, onu varlandıracaqdır. Beş yüz ildən sonra o, and içmişdi ki, öz xilaskarını hakimiyyətlə mükafatlandıracaqdır. Min illərin əsirlindən sonra, o, and içmişdi ki, kim onu azad etsə, onu öldürəcəkdir. Beləliklə, cin dedi ki, balıqçı ölməyə hazırlaşsın. Lakin balıqçı ona dedi ki, inanmır ki, cin həqiqətən qazanın içindəydi və beləliklə ruh bunu sübut etmək üçün özünü əvvəlki buxov vəziyyətinə çevirdi və yavaş-yavaş spiral qaydasında hərəkət etməklə qazanın içinə girdi. Bu vaxt balıqçı qazanın qapağını bağladı. Bu uşaqlar üçün səfeh bir nağıl kimi görünə bilər, okkultistlər üçün isə bu, ezoterik biliklərlə bir yerdə qablaşdırılmışdır. “Cin” sözü “gizlətmək” demək idi və təfsilatına varan nəzəriyyə və praktikada o demək idi ki, dağılmış evlərdə, quyularda, körpü altında gizlənir. Cin alovdan və havadan ibarət olmaqla, mələklərdən və şeytanlardan aşağıda dayanır. Cin barədəki rəvayətlər ərəb xalqları arasında fəal şəkildə yayılırdı. Bundan əlavə amumetlərdə (həmayillərdə), üzüklərdə və daşlarda ruhların və demonların dustaq edilməsi, Solomonun möhürü kimi sehrli cisimlərdən istifadə edilməsi də yaxşı məlum idi. Orta www.kitabxana.net – Milli Virtual Kitabxana 98 əsrlərdən belə biliklər vasitəsilə, onların çoxu, əlbəttə ki, ərəb mənşəli idi və xüsusən də astroloji mənasına görə talismanlara (tilsimlərə) aid olmaqla məşhur kolleksiyalarda toplanmalı idi. Cəlaləddin Rumi “Mövlanə” adlanırdı, bu isə “Bizim müəllim” mənasını verir. O, islam mistitsizminin – böyük Sufinin fars dilində yazan şairi idi. Onun məşhur lirik və didaktik poeması olan “Mənaveyi məsnəvi” (“Ruhi beytlər”) elə populyarlıq qazanmışdı ki, onu “Persiyadakı Quran” adlandırırdılar. Müsəlman mistik fikir və ədəbiyyatı isə bu dinə sitayiş edən müxtəlif xalqların dillərində yazılmaqla, demək olar ki, saysız- hesabsız idi. Rumi sarayın ən böyük şairlərindən birinə çevrilmişdi. O, hələ uşaq olarkən biliyi ilə hamını təəccübləndirmişdi. Altı yaşında oruc tutmağa başladı və bu vaxtda da həmçinin o, gözünə görünənləri seyr etməyi bacarırdı. Rumi daim insanların heyvanlardan daha ambisiyalı olduğuna etiraz edərək, qeybə çəkildi. Adamlar qorxudan qışqıran vaxt, o, qəflətən onların arxasından yenə üzə çıxdı. Onun gözlərində qeyri-adi baxış var idi və dedi ki, yaşıl əbası olan ruhlar onu kənara, digər dünyalara apardılar. Yaşıl əbalılar Əl-Xıdırın kölgələri ola bilərdi, yaşıl biri qüdrətli varlıq olmaqla, vaxt gələndə maddiləşməyə, həmçinin maddiləşməni ləğv etməyə qadir olacaqdır. 37 yaşlı Ruminin həyatında mühüm rol oynayan www.kitabxana.net – Milli Virtual Kitabxana 99 həlledici bir hadisə baş verdi, o, Konyanın küçələrində dolaşan dərviş, müqəddəs adam hesab edilən Şəmsəddin (“Dinin günəşi”) Təbrizi ilə görüşdü. Şəmsəddinin heç bir ənənəvi mistik qardaşlıq cəmiyyəti ilə əlaqəsi yox idi. Bu qəribə dərviş şeyxləri və digər nüfuzlu din adamlarını təhqir etmək sahəsində özünəməxsus şəkildə ad qazanmışdı, çünki onu Allahdan başqa heç kəs idarə etmirdi. Cəlaləddinə isə Şəms Təbrizinin təsiri böyük oldu, ona ilahi aliliyin və gözəlliyin sirrlərini açdı. Bir və ya iki ay onlar meditasiya etdilər (gərgin düşünmə ilə məşğul oldular). Rumi şagirdlərindən və ailəsindən ayrı düşmüşdü, onlara laqeydlik göstərirdi. Buna görə də onlar Şəmsini şəhəri tərk etməyə məcbur etdilər. Bu Cəlaləddini çox məyus etdi və Şəmsi geri qaytarıldı. Lakin ailəsi Cəlaləddinin sevdiyi bu adamla yaxınlığına dözə bilmirdi. Belə bir şəraitdə, ilk görüşlərindən üç il sonra Şəmsi həmişəlik qeybə çəkildi, onu öldürmüşdülər. Rumi ağlayırdı, ağı deyirdi, bədəncə xeyli zəifləmişdi. O, artıq sərgərdan idi. Bir gün küçədə gəzəndə zərgər dükanının yanından keçirdi, bu vaxt çəkicin qızıla vurulan ritmik zərbələrini eşitdi. Rumi Allahın adını təkrar edib, sonra qəflətən ekstazda fırlanmağa başladı. Sufilərin Mövlanə və ya fırlanan dərvişlər ordeni beləcə yarandı. Fırlanma rəqsi “Səma” rəqsi adlanır və bugünkü Türkiyədə də rəmzi dərviş rəqsi kimi ifa edilir. Məhəbbət təcrübəsi Rumini www.kitabxana.net – Milli Virtual Kitabxana 100 şairə çevirmişdi. O, təbiətdə “Dinin günəşinin” şüalanan gözəlliyinin əksini tapırdı. O, çox vaxt öz şeirlərini rəqslə müşayiət edirdi. Onun əsərləri mistiklər və öz şagirdləri tərəfindən geniş miqyasda oxunurdu. “Məsnəvi” sufizmin bütün müxtəlif cəhətlərini açıb göstərirdi. Bu əsər ilahi məhəbbət təcrübəsini ifadə edirdi. Ruminin poeziyasında hər kəs mistik təcrübələrin başlıca bəşəri ifadəsini tapa bilərdi. Ərəblərin füsunkar sivilizasiyası orta əsrlər Avropasını həm valeh edir, həm də dəhşətə gətirirdi. Səyyahların gətirdiyi təəccüblü xəbərlər ondan ibarət idi ki, ərəblərin qiymətli metallardan düzəldilmiş möcüzəli mexaniki bağı vardır və orada mexaniki quşlar uçur və oxuyurlar. Onların arasında böyük qızıl ağac durur, təəccüblü qaydada qiymətli daşlardan olan meyvələr gətirir və onlar planetləri təmsil edirlər. Çoxlarına bu möcüzələr ölülər dünyası kimi görünürdü, onlar sehrin və elmin arasındakı sərhədlərdə mövcud idi. Ən azı buna müəyyən izah 1936-cı ildə Bağdadda edilən qəribə kəşf vaxtda verildi. Alman arxeoloqu Vilhelm Koeniq qədim saray drenaj arxını qazanda bilavasitə elektrik batareyası kimi bir şey tapdı. Bunun düzəldildiyi dövr erkən orta əsrlərə gedib çıxırdı. Kolleqası onun dəqiq oxşarını yaradanda gördülər ki, bu qızılla gümüş qatından ibarət olsaydı, yarım saat ərzində elektrik cərəyanı əmələ gətirməyə qadir olardı. 802-ci ildə www.kitabxana.net – Milli Virtual Kitabxana 101 Harun ər Rəşid Qərbin imperatoru Şarlemana (Böyük Katrla) ipəklər, sarı mis şamdanlar, ətirlər və fil sümüyündən düzəldilmiş şahmat göndərmişdi. O, həmçinin hədiyyə kimi fil və su saatı göndərmişdi. Bürünc şarlar vazanın içərisinə düşəndə saatları bildirirdi, bu vaxt kiçik mexaniki cəngavərlər isə xırda qapılardan çıxırdı. Bu hədiyyələr Şarleman da ərəb elminin yüksək səviyyəsi və öz imperiyasının da gələcəkdə buna nail olması barədə təəssürat yaratmalı idi. Əgər üç nəslə aid olan fransız kralları- Şarl Martel, Pipin və Şarleman olmasaydı, islam, xristianlığı yer üzündən silib ata bilərdi. 742-ci ildə anadan olan Şarleman Longinusun nizəsini miras kimi götürmüşdü, bu nizə İusus Xrist çarmıxa çəkiləndə onun böyrünü deşmək üçün istifadə olunmuşdu. Şarleman bu nizə ilə yaşayır və yatırdı, inanırdı ki, silah gələcəyi qabaqcadan görmək və öz taleyini həll etmək üçün ona qüvvə verəcəkdir. lX əsrin birinci onilliyində o, müsəlmanlar üzərində qələbə çaldı. Şarleman aldadıcı fiziki görkəmə malik idi. Yeddi fut (213 sm) hündürlüyündə olmaqla, parlayan mavi gözləri var idi, lakin o, sadə, mülayim adətlərə malik adam idi, həm də öz iradəsini, taleyinin gedişi istiqamətinə yönəldə bilirdi. İslam müdaxiləsi ilə üz-üzə gələndə o, Xristian düşüncəsini qorumaqla yanaşı, həm də www.kitabxana.net – Milli Virtual Kitabxana 102 öz xalqını pozulmaqdan və tiran xasiyyətli kübarlardan mühafizə edirdi. Şarl Monteskyo özünün “Qalunların ruhu haqqında” adlı məşhur əsərində onun şəxsiyyətinə çox yüksək qiymət verir. Şarlemanın 770-ci ildə əsasını qoyduğu “Müqəddəs Vehm” və ya “Azad hakimlərin gizli tribunası” özünü həsr etməməyi istisna etmək üçün gizli rəqəmlərdən və işarələrdən istifadə edirdi. Bəzən işığın gizli əsgərləri kimi maskalı adamlar qanundan yuxarıda yaşayanların qəsrlərinin qapılarına çağırış mismarlaya bilərdilər. Şarlemanın həsr etmə yollarının ən güclü sübutu bu gün də mövcud olan Axen kilsəsidir. Bura qurd qapısından girilir- kilsəni şeytanın mülkiyyətindən çıxarmaq üçün hiyləgərlik edən əfsanəvi cəngavərin adı ilə qapı belə adlanmışdı. Bura gələn adam birinci mərtəbədəki qalereyadan Qərbin imperatorunun iri taxtını görür. Kilsənin mərkəzində Şarlemanın sümükləri olan qalın qızıl tabut qoyulmuşdur. Ondan yuxarıda “İşıq Tacı” – nəhəng araba təkəri ölçüsündə şamdan asılmışdı. Şarlemanın xristian dünyasının alimlərini bir yerə yığması da daxil olmaqla Harun ər –Rəşidin rəqib sarayına çatmaq cəhdindəki nailiyyətləri göz qabağında idi. Ən böyük alim yəqin ki, Alkuin idi, o, İngiltərənin York şəhərindən idi. Britaniyalıların bu əlaqəsi gizli tarixdə mühüm əhəmiyyət daşıyırdı. www.kitabxana.net – Milli Virtual Kitabxana 103 Xristianlar Qraal kubokunu tapmağa çalışırdılar. Erkən alman versiyasına görə Qraal daşdan idi. Əlbəttə bu, kubok ölçüsündə Lutsiferin alnına düşsəydi onun dəydiyi də daşa çevriləcəkdi. Bu kubokda Xristin qanı saxlanırdı, çarmıxda olanda onun bədənindən tökülən qanı yığmaq üçün istifadə edilmişdi. Müqəddəs Qraalın sirri heç də qan xətti kimi təmsil olunmurdu, yəqin ki, reinkarnasiya ezoterik təliminə qarşı idi. Yüklə 0,91 Mb. Dostları ilə paylaş:
|